《童話十年回憶尋人篇》接觸童話前+時+當年第一位陪我的玩家(完成了:)) - 童話交流區

查看: 711\|回覆: 4	go [其他] 《童話十年回憶尋人篇》接觸童話前+時+當年第一位陪我的玩家(完成了:)) [複製鏈接]

♂銀意∮

四星黃金會員

Rank: 4 Rank: 4 Rank: 4 Rank: 4

UID: 1140206
帖子: 724
積分: 1023
Good: 18
註冊時間: 08-8-29
在線時間: 404 小時

1^#

發表於 13-1-15 07:27 PM |只看該作者 |倒序瀏覽 |打印

本帖最後由 ♂銀意∮ 於 13-1-15 10:22 PM 編輯

話說依排咁多人講係GAMES中發生過咩事,我就不如講下係接觸童話前我發生既事啦:)可能你地都有同感架@@

講我記得個時第一次接觸online games依樣咁神奇既野先前,

其實都有一段故仔要講下!

- - - - - 接觸童話 - - - - -
故事前言篇

個時我地d人係未發現online games咁好玩先前,應該如無意外係玩緊江湖or icq依類野,

個時玩江湖有得同人吹下水,有得按存點,見到自己升級已經好開心,

直至有一次上屋企朋友屋企見到佢地玩一隻可以識行識走既遊戲,而且d畫面咁得意,依一下咁神奇既接觸已經深深吸引左我!

個時我又細個又唔敢問d大人話依隻咩games來,於是返到屋企我狂搵狂搵,

終於真係花左成個月時間,係7仔見返依隻games既畫面,先知道叫童話,個時唔似而家d games出張7仔飛就叫買左"包"咁呃錢,

個時真係有一盒盒,有光碟,有教學書,仲送埋關於個隻games既公仔,都只係18蚊,

但對於細個既我,18蚊足足係3-4日零用錢,唔似而家d人一買就買到,

我真係細細個仲讀緊小一個時,係小休時間唔飲,唔食零食,花左3-4日先去到7仔買左依個包返屋企玩,

我仲記得買完個下就已經急不及待,立即幫盒18蚊解體,當見完入面d野,就有一種好滿足既感覺,

安裝篇

直至返到屋企去到裝個下,個種心情真係超級HIGH,就好似中左六合彩咁樣,

之後睇住條INSTALL BAR一步一步就完成,心情都愈來愈緊張,緊係啦,未接觸過WOR,

個時有電腦仲要可以玩ONLINE GAME已經好勁架啦!!

裝完之後我就緊係開個主程式畫面啦,一開就自然搵埋隻GAMES點樣玩既攻略呀,點樣申請ACCOUNT咁,

登入及創角篇

前題準備既樣做完啦,就緊係開GAMES玩啦,個時一按開始遊戲,聽到入面LOADING畫面段聲都覺得係今年最大既

禮物,好開心,聽落去好輕鬆,(就算去到而家,經過左大大話話6-8年時間,我都未試過有一隻遊戲可以俾到我咁樣既

感覺,可能真係第一次係特別唔同D :O)),從未試過有咁既感覺,可能而家D人覺得好普通好平常,但對於個時小學雞

既我來講,已經係好似拿破崙發現新大陸咁,好奇,好爽,

當登入完ACCOUNT後,去到要創造角色一環,唔知我以下情節大家有冇試過啦!

話說就係當時我花左近半小時SET完角色既造型後,去到打名字既時候,我真係ON 8+1 8+1咁打左真名落去

當然我之後都再開新角色名咁,改返GAME名啦:O) (你地唔好笑住丫,真係有好多人咁做過架!)

開始篇

當角色都創作埋,係時候就到入GAMES,一入去就好記得係地下室,當係地下室令完裝,令埋寵,個時心諗,畫面打法

都唔錯丫.....但點解得咁少人...同埋咁細既個地圖??但咁樣玩落去都應該玩到一排GA....有少少失望咁...但當交完

村長任,走出間地下室,到吉恩村出面個下,我真係成個心情立即999度轉變,我真係覺得成個世界咁大既轉變係

Unbelievable,我第一次認識到咩叫世界觀,咩叫NOLINE GAMES,從始之後我就愛上左佢,亦都開始屬於自己既小

童話!!

- - - - - 當年第一位陪我的玩家 - - - - -

個時我記得我第一個選既職業係戰士,我仲記得我個時自己一丁友係咁打打打,大約玩左大半日都差唔多升到15LV

了,,但個時仲未知10LV原來有得轉職,唔係有你講我都唔知原來有轉職依樣野,我仲記得我去到微笑森林係咁打蛇,

突然你就走來同我講話你都15LV啦,仲唔轉職既??我對轉職依樣野一頭汗水,唔知咩來,你就突登同我一齊去轉職,

帶埋我,我地足足用左成粒鐘行到過去金銀城轉職,之後仲約相好加好友,入族,仲話聽日一齊升LV一齊玩,我個刻好

開心,因為終於識到第一位玩家+朋友,但個時我就因為讀緊小學關係,屋企人要逼我訓,我仲未同你講聲再見就俾屋

企人焜熜左電腦訓,當我第2日起身,返完學上線時,我一直升LV係金銀城周圍殺怪等你,我等,又再等,我係咁望住好

友名單係咁等,唔覺唔覺等左一日,兩日,三日,四日,直至等左成個月你都冇再上過線,如果可以係個時熜電腦時,有機

會俾我同你講句再見就好了....雖然我知道我應該都冇咩機會再同你講,但我都好想係道講多次!再見!希望聽日能夠

一齊再玩吧:O)雖然識左你半日咁多,但我對你印像真係好深刻......

讚1 噓0

回覆引用

舉報返回頂部