[am730]港大學生會選舉疑舞弊 千人集會抗議

L@尼亞

港大學生會選舉疑舞弊 千人集會抗議
(2013年02月07日)


【am730訊】香港大學校內近日有股「反學生會」的氣氛，主因是不滿換屆選舉不公，有學生會幹事「黑箱作業」等，更要求會長陳冠康及評議會主席譚振聲下台。有學生昨日在社交網站Facebook上表示，多名監察學生會的評議員昨傍晚前往學生會辦事處時，意外發現會內影印中心藏有大批選舉物資，當中包括製作選票工具，質疑大選正在進行，仍印刷大量選票，涉嫌有人造假票，故一度報警求助。
警員到場了解事件，並在一名校外人士手袋中搜出3個印有「ELECTION」及「香港大學學生會評議會選舉委員會」的印章，同時發現一箱大選選票，當警員離開後，該人士將選票撕掉棄置。另外，有逾千名學生昨晚參加「全民集結‧中山起義：讓學生會回歸學生」的集會，在中山廣場聚集(圖)，要求陳冠康及譚振聲下台，並要求還港大學生公平、公正及公開的周年大選。參加的學生均穿上黑衣到達廣場，學生及舊生上台發言，又要求學生會應由港大學生主宰，更高叫「不要染紅嘅學生會！」集會曾邀請陳冠康及譚振聲跟學生直接對話，但兩人沒有現身。
  

L@尼亞

【本報訊】香港大學學生會被染紅後風波不絕，新一屆大選成為光復學生會的希望，逾千名學生昨日響應號召出席「全民集結，中山起義」晚會，穿上黑衣逼爆中山廣場，怒斥會長陳冠康及評議會主席譚振聲可恥，要求他們即時落台。有現任評議員踢爆，學生會為操控投票結果，疑聘用校外人士偽造選票，拒絕承認今次投票結果，要求推倒重來。
有港大生早前在網上發起「全民集結，中山起義」晚會，要求學生會會長陳冠康和評議會主席譚振聲立即下台，拒絕承認周年大選的選舉結果。召集人之一、社會科學四年級生葉偉峯昨表示，晚會有1,500人響應，加上超過3千名學生聯署支持，反映學生對學生會非常不滿，「希望陳冠康睇清楚，學生唔係任意擺佈，唔好再以無恥手段操控學生會！」

聘無經驗親中員工
全場學生多次大叫「可恥！落台！」有現屆姓李評議員更踢爆，昨日在學生會一房間內發現新增了多部影印機及選票，房中一男一女中年人更身收藏編號印章，學生懷疑他們在偽造選票報警處理。
今屆周年大選由本月五日開始接受投票，其間多次被學生投訴投票過程不公正，包括無選舉監察官、票站無監察員當值等情況。陳冠康曾向學生發電郵，解釋指已邀請兩名大學職員為選舉監察官，確保選舉公正，但兩名被邀請的學生發展及資源中心職員指，評議會未有在投票開始前委任他們進行監察，拒絕在選舉中途就任。
大選明日截止投票，即晚點票，其中學生會候選內閣之一「弘曦」主席鄧日朗表明不相信投票結果公平公正，直指學生會「手腳唔乾淨」，認為投票應推倒從來，重新進行提名及投票。
此外，學生會早前被指無理辭退一名資深員工，另聘一名無經驗的新人任項目主任。該名新員工被踢爆乃親北京學生組織「香港各區專上學生同盟」、港九聯合幹事會2011年度召集人林嘉駿，相信學生會欲透過換血進行滲透。

L@尼亞

如果唔知咩事既可以睇睇


http://www.youtube.com/watch?v=r8-5u6S_TpY]


1.登報黑金政治聲明
2.開學個陣三日之間就無啦啦發起公投想趕走副校長(好似係)
3.學生會選舉詳情全部陳冠康自己話哂事 候選內閣開評議會討論個主席係咁走佬
但其實唔由評議會通過係唔合法
4.(最新)印假選票 因為要印夠選票支持佢地欽點既spark煥薪

壺一v一

低能-_-學校選舉基本上都係內選-_-

KennyCKL

話人造假就話姐, 做咩無啦啦話人染紅?

BTW, 黑金政治果單野都搵番黎講

〒狂龍〒

我呢排都比HKU D FD洗FB板...雖然我無深究發生咩事。

gates

香港都係咁啦......

L@尼亞

壺一v一 發表於 13-2-8 08:26 AM
低能-_-學校選舉基本上都係內選-_-

你讀緊小學定初中呀

L@尼亞

KennyCKL 發表於 13-2-8 08:35 AM
話人造假就話姐, 做咩無啦啦話人染紅?

BTW, 黑金政治果單野都搵番黎講 ...

其實我覺得你不如你花 d 時間 , 用 d 心機去了解成件事先
一知半解其實好可怕

loeleo

咁都得。。。
http://www.2000fun.com/event/2013newyear/index.php?uid=1266194

KennyCKL

L@尼亞 發表於 13-2-9 07:49 PM
其實我覺得你不如你花 d 時間 , 用 d 心機去了解成件事先
一知半解其實好可怕 ...

姐係你話聲明入面話有「愛國之心」, 就係染紅

L@尼亞

KennyCKL 發表於 13-2-9 08:40 PM
姐係你話聲明入面話有「愛國之心」, 就係染紅

睇黎你都係唔肯花時間去了解成件事
而將個target focus左係咩染紅 呀 , 反共呀 , 愛國呀......
唔緊要 , 我轉貼 d 野你睇睇

利申 ; 我有細佬係港大生

L@尼亞

首先, 因為好多唔係港大學生既人完全睇唔明出面貼既野
而我又見到好多hku學生解釋到1999咁
所以我嘗試集合下陳冠康為首既學生會呢一年既Seven野
由於我都只係year 1所以佢黑金政治廣告同罷免選舉個排我未經歷過只係問番人

1.黑金政治登報
呢單搞到好大件事 所以我都唔洗多講
總之係港大學生會用38萬登報明顯偏幫當時特首候選人唐英年
而當中撥款同登報決定既過程係既唔公開
於是學生會就由此Seven下去

2.罷免陳冠康選舉(其實係1既延伸)
因為反黑金廣告既關係發起左公投罷免陳冠康
絕對夠票通過呢個motion
但係呢個時候評議會主席譚振聲就開始發功
係咁用唔同既理由拖延選舉 又唔肯開會又唔肯點票
到最後數夠票通過又用藉口拖延個公投到暑假個陣
成個過程總共拖延左3個月
目的好明顯啦
最後反對票有千幾, 比贊成多幾百票
公投失敗
但呢個時間就已經開始有人懷疑:冇理由會有成千幾票反對咁多 而啲選票設計又極簡陋 唔通........

3.OCamp河蟹(!?)
真係唔太清楚 睇番呢個網: http://our-students-union.blogspot.hk/2012/08/20127-8.html
分幾點講
1.巨O:請左曾鈺成上黎講半個鐘野 爆出陳冠康曾以佢助理既名跟佢北上
(亦係呢個時候陳冠康已經係巨O入面揀左一班人接佢班i.e.候選內閣煥薪Spark)
2.大O:禁止校園報章學苑登報 報復學苑大肆報導黑金同公投事件
3.暗O:召集NDS進行一個非官方O 涉及中聯辦 意圖不明

4.龍華街公投
港大新學年於龍華街起左一個新既宿舍
但因為甲全超標 衛生極差 學生遲遲未能入住
但學校已經安排唔知酒店定咩比一啲non-local住
到後來搞番掂哂即刻比啲同學搬入去

陳冠康就意圖不明  短短3日火速發起對學生長周偉立同首席副校長錢大康既不信任動議
過程引起評議員質疑合法性
公投由開學第一個禮拜展開 極多新生完全不知情既情況下比SU既職員鼓勵投票
而學生會公開既資訊亦極偏頗 四周貼上形容高層為卡達菲 穆巴拉克之單張
企圖對一啲無知既新生灌輸訊息

5.學生會選舉
陳冠康及譚振聲係呢次選舉入面做過既衰野實在太多太柒 未必能盡錄
-學生會選舉詳情安排
評議會從未通過有關該選舉任何詳情的動議
學生會亦單方面於上年年尾突然貼出通知即日選舉報名截止

-譚振聲走佬
ECM9(緊急會議)
評議會召開會議討論選舉合法性等問題
突然休會後譚振聲於議程尚未通過既程況下極速宣佈散會 著草咁走左 眾人嘩然

ECM9後續
譚振聲走佬後在場評議員根據cons續會 選出一個選舉委員會
負責安排選舉事宜
後來陳冠康譚振聲當然反對 堅持真正的選舉委員會為親信柯文俊為首既選舉委員會
於是由此起就有兩個選舉委員會

ECM10
繼續討論選舉事宜 譚振聲突然單方面宣佈lee chi hung,sky lee, st johns(hall)既代表從未上莊因此失去作為評議員既資格        (痴撚線)
最後佢地反駁當初佢地有份投票令譚振聲當選 質疑譚振聲主席既資格#good#
然後..................譚振聲再次極速宣佈散會走佬
當然仍然係冇通過任何議程

譚振聲走兩次佬既事實在極惹笑 本人於當晚深夜笑至肚痛久久未能入睡

-監票,選票
根據cons, 學生會選舉必需有第三方監視,即校方
評議會需選出並通過兩名RETURNING OFFICER(類似監票員)
但當2月5日選舉開始當日RO仍未選出
即投票過程除學生會成員無人監察#good#
陳會長更親自監察票站#good#





後來更爆出學生會秘密印刷已被使用的選票(即係印假票)

L@尼亞

最後 陳冠康 譚振聲惡行不絕 上文作者只是簡單地講述整個流程
如有任何不足或錯誤 歡迎任何補充
上文作者只是nobody 純粹想出一分力想令更多人知情 如有1999 解釋不足在此致歉

在此呼籲煥薪內閣眾year 1成員回頭是岸
加入學生會非為撈油水乃為服務學生 請三思

上文作者不喜新詩但每當社會有不公義事時北島 <<回答>>一句必在腦內縈繞不斷:
卑鄙是卑鄙者的通行證， 高尚是高尚者的墓誌銘。
今晚證明尚有港大學生良心未泯 願意團結反抗 但支持的遠比反對及事不關己的少
有良心的學生們, 你們在哪裡?
我願意相信香港既大學, 香港既學府, 學生有足夠批判能力分析整件事
勿再以政治冷感為由置身事外
共勉之。

L@尼亞

        呢度仲有一 d 精讀 , 大家可以睇睇




http://our-students-union.blogspot.hk/2013/01/2013.html
























.