本帖最後由 HiMsPaCe 於 13-2-8 07:40 PM 編輯
《古惑仔3G》iOS版本榮登第一
iPhone友齊日吹雞群揪爭地盤
 經過一個月的千呼萬喚之下，《古惑仔3G》將於今日正式在蘋果App Store推出iOS版本，並同時榮登第一位！除iOS登場之外，全新iPhone專屬伺服器「東方之珠」將會同步開放！
Gameone《古惑仔3G》遊戲宣傳片(牛佬篇)
全港最大型線上劈友大戰！
手機遊戲《古惑仔3G》並非智能手機先玩得，平板電腦都一樣玩得！早前遊戲已推出Android版本，只要你部電話系統係Android 2.0.1 或以上就玩得。而iPhone、iPad的iOS版本今日正式推出，仲會推出iPhone專屬伺服器。再加上日後還會支援電腦網頁Web版，真係可以隨時隨地街頭血戰街頭！
 
新Server、新地盤、新功能拍住上！
另外，今日會同步開放全新iPhone專屬伺服器「東方之珠」，而「動感之都」及「東方之珠」版本將會一齊更加86個全新地盤，俾各位話事人繼續插旗。仲有全新「情報系統」，可以俾各位挑戰者收集目標地盤守衛資料，睇清楚夠唔夠打先去掃佢場，以免浪費體力。
組織最強戰團 搶地盤 鬥晒馬
如果你的社團夠人強馬壯，兄弟夠多就係時間出手「搶地盤」！唔好以為地盤好易打，如果對手有料，分分鐘有成20幾人睇住個地盤，唔帶多D藥水去，好易俾人收皮。除左搶地盤、掃下場練功之外，仲可以去搵人「劈友」賺下黑錢同加江湖威聲。遊戲有一個「劈友系統」，玩家可以搵到實力差不多既對手，不會太強或太弱，助你隨時隨地、無時無刻都可以搵人開片！
 
唔夠打唔緊要 吹雞搵找朋友幫拖
玩得《古惑仔3G》梗係要識「吹雞」啦！遊戲中，只要你的朋友有Online，就可以「吹雞」搵佢地幫拖，一齊玩大佢。搵到越多好友幫拖，增加的攻擊力就會越大！咁大家知點做啦，如果想打高幾班既地盤，就要約哂朋友仔一齊上線玩啦！
港鐵沿線收o靚 行走江湖揚威嚮朵
遊戲中只需要消耗10點氣力，就可以「收o靚」一次，當然一開始梗係唔會有勁人跟你啦，你慢慢擴充人手，實力提升後，連陳浩南、山雞、太子、大梵等等江湖猛人都會跟你行古惑。增加實力後，就可以去行走江湖揚威嚮朵。玩家可以在港鐵沿線尋找目標來打，戰鬥完畢後你可以玩小遊戲「21點」決定是次戰鬥可以擸到幾多戰利品走。如果咁好彩抽到21點，仲會有兄弟主動跟你搵食。
 
打爆新年運吉黨 升級道具3倍UP
由今日至2月21日，遊戲將會推出新春活動「老笠運吉黨」。在活動期間，每日下午3時正至8時正，於「石硤尾」站會出現「運吉黨」。除了「磨石」、「工具袋」的掉寶率高３倍，還有機會取得「啤酒」、「香煙」！新春齊開年，行運齊開片！
遊戲名稱：《古惑仔3G》
伺服器：香港伺服器
遊戲類型：經營社團動作遊戲
代理公司：Gameone
開發公司：Gameone
支援平台：Android 2.0.1 或以上 / IOS 4.3 或以上
官方網站：http://tb3g.gameone.com
facebook專頁：http://www.facebook.com/TeddyBoy3G
Gameone《古惑仔3G》宣傳片 (遊戲MTV篇)
| 
發表於 13-2-8 07:38 PM
發表於 13-2-10 12:39 AM
