夢之樂章再出? 附少許心得

micdiy

好耐無玩online game啦
估唔到夢之樂章已經汁左
仲轉埋代理商 用番隻game個原名再出
當時係用如花做代言人
可能因為咁好少人玩
當年自己都好沉迷係呢隻game
通宵沖lv養精靈整裝
放假好似返學咁準時7點幾起身打機
不過由於合ser 改廢狂戰等等既關係
係未合ser前就離開左夢之樂章
而家諗番起的確留低左好多回憶

而家自己亦無再沉迷係online game
好game支持下 but無左以前升lv整裝既衝勁
所以都係唔會玩番 打少少心得就算


廢話講完 到係自己腦入邊揾番出㴝既少許記憶寫低少少心得
本人身一次寫心得 文筆差唔好見怪
此帖均屬個人意見 如有不滿先講聲 對唔住!

職業:
戰士
唔記得30lv轉職
可轉職狂戰士或聖騎士
狂戰 物攻輸出非常高 可裝備多種武器
配合瞬間轉換武器吸取武器效果非常強勁 玩得勁可當聖騎咁用 世界王普通副本王都頂到 10人副本做打手較為安全
弱點係pvp被改廢 由可以秒殺7職 磨死聖騎
改到連3x lv都秒唔到
聖騎 防禦最勁 pvp打持久戰 基本上無敵 普通副本輕鬆頂王 10人副本配備2隻較為安全
弱點係升lv永遠被大多數人遺棄

醫師:唔記得左名
可轉職賢者或祭司
賢者 回血多 有限制技 有輔助技 玩得勁pvp可以屈到夠鐘 副本世界王既恩物
弱點 升lv同聖騎一樣被人遺棄 除非玩力賢
或有長期既好同伴
祭司 輸出回血都ok 接觸唔深 但可以變身猩猩 鳥 狼 幾好玩下
弱點接觸唔深 但打王好易被范圍技秒殺

弓手:
可轉職刺客或遊俠
刺客 全遊戲最勁 無之一 令到遊戲曾經被稱為刺客樂章 閃避極高 65lv一把吸血劍可單刷普通副本王 pvp既强者
弱點 一暈即變0閃 技術要求頗高
遊俠 兩個字難玩 技術要求超高 而我當時亦只係見識到一個人玩得好勁
弱點 暈左變0閃 ot界既王者 打王先比坦吸30秒左右先郁手 唔係好易ot

法師:
可轉地獄使或元素使(其實已經唔記得d名...)
地獄使 接觸唔深 屬整少人玩系列 玩毒同召寵 pvp定身加屈距離唔錯
弱點:皮薄 秒殺既材料
元素使 法攻極高 曾經係同狂戰pvp只要睇邊個先手就完場 群攻秒怪都非常之勁
弱點 皮超薄 副本群攻秒唔到怪就訓地板啦 同遊俠一樣係ot界既王者 等坦打左30秒先郁手較為安全

沒有最強既職業 只有最強既玩家
當然呢句係廢話啦 只要大家玩得開心就得啦

介紹完職業都要留番幾句比大家
聖騎/賢者唔係垃圾
副本世界王就過黎
升lv就死x開
我曾經因為賢者無人組
自己一個組3個定4個賢者升lv
因為我唔想好似人地咁需要既時候就揾人
唔要既時候就掉開
佢地本身打怪就已經慢 仲要無人組
到大家去打世界王啦 個個滿lv唔怕死
而賢者呢?? 佢地未滿lv 死左又會扣經
而且打世界王淨係回血係無箱拎架!!!
佢根本就唔夠人地輸出高分
所以大家可以既話盡量組佢地一齊做任升lv啦
呢d我都係係賢者玩家到聽番黎


跟住係一d雜心得:
打怪打王出既藍裝唔係最勁
最勁既是精靈整出黎既套裝 武器
仲有係透過戰場分數換番黎既裝都好勁

一把武器係永遠都做唔到強者
要整多幾把效果勁既係手
識得換武食效果先係最勁
當時武器最高只可以強化到+9
我狂戰係65lv出左無耐既時候砌到10752攻
爆擊打5m3傷害
呢個唔係要講自己有幾勁
係想講識得換武器先係呢隻game好玩既事
因為本人只追求最高物理攻擊力同輸出

精靈每到玩家一定既lv一定要換 因為低階精靈是有等級限制 唔可以再升上去
精靈得到既方法有 打怪同埋係地圖祭壇上達到一定既聲望就可以購買 千祈唔好孤寒

精靈掘到既材料有2個方法處理
1.開新ac做倉庫儲存起黎 留待日後整裝用
2.掛拍賣 賣番少少錢都好

精靈出戰絕對係一種力 追求暴力既人可以搭配埋精靈裝同卡片 唔追求暴力都唔好孤寒唔放啊 好有用

40lv上古白銀之刃絕對係神器 加15%移速 聖騎/狂戰/遊俠最好配備一把係包包 趕路神路 騎狼都已經快過人

狂戰基件上係可以好慳家 我唔會話你知我60lv先有第一件甲 其實唔係唔著既 係我打唔到 我又唔鐘意買甲者 同埋最初精靈整出黎既裝係好廢 仲廢過藍裝 後來出套裝屬性先變勁

戰場得閒就打下 聖騎/賢者有一套戰場裝係防暈既 好似65定70lv用

65lv吸血劍係神器中既神路 可裝備既請自備一把係身 5人副本變1-2人副都無問題

公會王既任務唔理夠唔夠打 都要接左先 千祈唔好DEL!!!
過左LV唔可以再接番 咁就會無左個成就
等有勁人或夠打既時候再打番交任務就可以啦

世界王係神級披風既來源之一 多打多儲啦(除此之外仲有煉金 有錢人既玩意)

入到好公會 識得互相幫助固然之係最好啦
但都希望大家可以幫下新手們
每個新手只要捱過前期既難關都有機會成為強者!
我當時亦好幸運 公會入邊有好多守望相助既好同伴
多謝晒曾經入過〈夢之演奏廳〉既大家!!!


少少心得希望可以幫到大家啦~~~
用左2個幾鐘打 睇晒既人多謝晒!!!
係時候訓教同回歸P&D=]

ps.
前夢之樂章
s2小夜曲
玩家:安魂曲

啊諺

dj時屬 豬頭乂同盟 路過