- 閱讀權限
- 30
- 最後登錄
- 14-3-7
- 精華
- 0
- UID
- 3140033
- 帖子
- 270
- 積分
- 306
- 註冊時間
- 13-4-9
- 在線時間
- 228 小時
- UID
- 3140033
- 帖子
- 270
- 積分
- 306
- Good
- 5
- 註冊時間
- 13-4-9
- 在線時間
- 228 小時
|
本帖最後由 hoyin1019 於 13-8-7 12:34 AM 編輯
咁..開場白喇下
本人就由上年11月開始玩......時間唔長唔短
歷來都發現唔少問題......出現係不少玩家身上
我在此講幾句......希望可以用我既角度去開解下各位玩家
首先 , 最大問題係：內功
咁暫時 , 講3內 , 的確極樂谷係可能比較出色
我係話......比較出色 , 唔係其他門派冇用咁解
不過......我發現好多其他門派既人 , 又要生要死 , 又求換ac
但 , 有冇諗過......呢隻game既系統..係風水輪流轉！！！！！
唔知係極樂3內之前..有冇人睇得起極樂呢..?
（當然識玩2內36雙刀既極樂都唔差..我只係話......3內出較出色）
之前2內時期夠有人吹水吹到話君子堂同唐門係蝸牛既私生子喇
證明戈一刻君子堂同唐門既強大係何等程度......
可能未必套係每一位玩家身上..
因為總有人用裝備冇咁強既其他門派去打玉裝極樂，用呢個比較話極樂好勁（這是例子，不能盡錄）
個人認為，你識玩的話，君子堂,落英飛花劍，唐門,金蛇刺......呢?都係何等強大既套路
（呢個係例子，我認為每個門派都有出色既套路，只係睇你地自己本人識唔識用，用得精唔精，唔好乜都懶！）
內功,裝備,當然好重要, 但係......只係副助,技術先係最重要
有啲玩家連自己門派套路有咩效果,有咩特色......甚至連你門派既內功定位都唔清楚,就走去話：求換極樂ac呀
我想問......4內呢?5內呢?如此類推,不如你玩夠8個門派既ac1齊玩喇(苦笑)
我知以我個人睇法既號召力唔強，只係希望有同感既玩家，可以更明白，只係希望我既睇法,大家認為客觀
我知實有人話：挑，你咁x勁，唔好用極樂，用其他門派單挑呀
面對種種留言，我盡能力去回應，但我希望既，係大家真正點諗點睇，係你自己身上，唔係疾完人地有成功感
九陰真經，我個人認為，的確係現年最出色既武林ｇａｍｅ之一，佢既遊戲系統，玩法，好創新，全面
除左世界性既神作：League of Legends之外......
咁......九陰都算我心目中排第2隻鐘意玩既game，亦係廣大既遊戲市場同玩家人流當中數一數二！
我只係唔希望，產生無知既玩家去令氣氛下降，外掛戈啲會比天收的！
--------------------------------------------------------------------------------------------------------------------------------------
咁......都講下其他小問題又令大家燥底咖喇
速成問題（唔知其他輸入法有冇......）
當你用輕功戈陣......有時候會行唔郁, 係咪好燥呢~?
因為Shift+空白鍵會令平時（速半）, 變左（速全）, 令你遊戲入邊行唔到
我個人就會打字先轉速成 ,平時英文 , 咁樣就可以解決
懷疑比人爆ac問題
嗯......唔好咁懶 , 加返個電話鎖 , 保障較大（可能有人都比人爆過......我唔知點解喇）
如果係系統性去爆 , 咁吹佢唔脹 , 但人手既......你有電話鎖......就可以保障了
而且 , 多數人係話身上錢冇哂 , 銀行戈啲錢仲係度 , 咁只要將錢放係銀行 , 身上只帶小許金錢 , 就解決（未必應用到係所有受害者身上）
內功上限或者加成問題
嗯 , 咁好多人亂買裝 , 首先唔講唔清楚自己門派定位特點既玩家先 , 先講已經清楚既........
由此可見 , 我假設 , 舉個例子：買體魄裝......有冇發現,買左唔少體魄裝 , 但好似唔硬呀..唔多血呀咁
原因係因為 , 你套裝係受內功上限影響
我假設極樂谷 , 3內 , 合歡訣 , 冇記錯既話 , 體魄上限+46
換句話黎講 , 你體魄加到46就係上限 , 再買裝都唔會有加成
我曾經見過有玩家可以買成大約加8~90既體魄裝
90-46=44......姐係你已經浪費左44點體魄 , 而且令其他屬性加成既位置小左
換言之 , 其他臂力 , 內息 , 罡氣 , 身法 , 都係同樣道理
另外就係加成問題,到時點分外攻/內攻呢?
外攻姐係臂力喇..內攻姐係內息喇..
咩身法罡氣 , 唔好咁懶 , 自己係game入邊指一指佢 , 可以有詳情比你知加什麼能力
咁外攻內攻 , 你用你既mouse , 指一指個武功 , 佢攻擊力後面有紅圈或者藍圈 , 對嗎?
紅圈代表外攻加成 , 而藍圈則內攻加成
以我所知 , 太極屬性就屈機小小既 , 例如追風刀/奪命十三劍 , 就算本身係玩內息 , 都可以有臂力加成
我諗講到呢度 , 應該都明白應該點樣配裝咖喇..
咁煩小小都講多句喇 , 睇清楚自己門派內功係玩咩屬性
分別有陽剛/陰柔/太極 , 你見啲裝備紅色字就唔好買喇 , 原因係該裝備並唔係你既屬性所用 , 用左都冇加成
奇遇問題
我諗有唔少玩家都曾經諗過一個問題，隻奇遇npc黎搵我，都係1min就會走
照咁講，姐係柯篤尿都驚有奇遇會miss，可能有人怕呢個問題而係夜晚山左隻game，造成不少麻煩
我以個人經驗黎講，以及身邊既朋友講述，曾經搵過你既奇遇npc，亦會係以後日子重新再搵過你
簡單講，係你既就係你既～～～
物品價格問題
以下內容既只適用於金或玉裝
而家推出新系統～～
係商城買火沅台換屬性
可以比小量官銀就可以去各大城市既裁縫戈度，隨機轉能力或者能力數值
我深信好多玩家都覺得，價格好似變到好矛盾，靚屬賣唔貴，拍賣唔起，爛屬都有不少市場，
而且蝴蝶效應，相對上打造台都會比起以前更貴
點樣先睇中左件貨，又知道清楚佢既價格係唔係在自己立場屬於適中！？
當然首先要大致清楚件貨既上下金額幾錢喇，之後再睇個屬性，如果件貨一黎就岩自己既，就最好喇
如果屬性，能力都唔岩或者麻麻地既，咁就要計返條數
一）火沅台，一個５０金（金裝用１個，玉裝用２個），小小數用心算，大約１００蚊喇
二）轉換能力，呢個講運氣，睇下換幾多次先可以抽中心目中既能力
假若平時用幣商去成為自己主要官銀收入既。。幣商方面......唔方面講喇～自己計１００蚊買到幾多官銀
咁將你總數價格估計若需要使用幾多錢，再係件貨既售價，額外加返落件貨度
睇下件貨最後成為岩心意既完成品大約要幾多錢，咁就可以知道呢件你睇中左既貨品係咪可以選購
唔好以為睇落好複雜，其中你實踐過呢個動作，你就明白，可以５秒內知道件貨適唔適合
華山論劍問題
好簡單～個玩法係，我假設你係俠字，你需要殺邪／狂／惡既人，需要開紅殺，清藍，就可以搶佢一張帖
每一日既上限係１０張。
同樣道理，如果係人地先ｐｋ你，你自衛，殺左佢，清藍，一樣可以拎到一張帖
３２名內，可以有資格參加華山論劍
但發現好多人食左帖。。但比人殺又要除褲同人地母親性交，我個人覺得好不知所謂
你食得帖，預左比人殺 搶帖，遊戲規則黎，你食左帖但係唔比人殺得，你點解要食呢～？
同埋你係有料道既，咪唔好比人殺囉，你連張帖都保護唔到，學咩人玩華山論劍～
本人亦遇過呢種白目～～仲要話打幫戰，有時真係好想同班白目講hi auntie
所以朋友們，遇到白目不要怕，盡情殺就行，這是武俠遊戲，這是江湖
而觀戰方面呢，並唔係有而家既華山帖就可以去，佢係會準備開華山既時候，會有一種叫觀戰帖既東西
唔知乜東東放ＡＣ問題
其實呢。。好多人聲稱放ＡＣ，講到似層層，好有原因
但至少大部份以上都只係想揚耀下自己既ＡＣ有Ｄ咩特色野／勁野
唔好以為真係放ＡＣ，好多事係用黎串咀
而第２個原因就係聲譽唔好，希望扮放ＡＣ用第２個人既身份去玩～～
因為此行為有損民心，所以我點都要提一提唔知情既人士。。用腦打機
邊道有咁多ＧＡＭＥ／其他事而放ＡＣ呀！！
新手問題
而家隻ＧＡＭＥ耐左，出現左一種新手冇人帶既問題
因為禁地次數，一星期只有７次，而且禁地至少都要半個鐘，好多時會冇人理新手，扮睇唔到
老手們，希望你們都盡一下責任，幫一幫新手吧！新手不久將來，都可以成為一位猛將的！
所以新手們喇～認識一下／入幫助新手既幫會，去那裡助你上軌道吧！！！
亦可以叫埋朋友仔，３５知己，一齊一步一步打上黎 而家既級數～～～～
伺服器問題
新玩家／回歸玩家都好，而家黎講，主要人流都係「慕容世家」呢個服～
可能另一個新開既伺服器都有唔少人，但係有部份都係「三分鐘熱度」，就算初衷係幾咁有目標，但玩落發現問題多多，例如：官銀流出量小問題，短暫和平。。等等
所以請所有玩家自行三思。
兵錄問題
程度分級小有名氣，雄踞一方，聞名於世，名門大家（難度分級為左易至右難）
每一個勢力都分別幾個主將，每場要打一個主將，而抽中佢當前指定既主將（可以用官銀去選擇）就可獲得一個兵錄，而兵錄既加多或少，睇勢力既難易程度
基本上較易既難度完成左２０個對手以及全部獲得甲等，以後想打比比較難既勢力，只需要胡亂打一場較易既勢力，下一輪較難勢力就會開放。
--------------------------------------------------------------------------------------------------------------------------------------
給讀者的溫馨提示：
如果有錢的話 , 想買裝備 , 全部都買２階 , 盡量唔好買１階 , 點解?唔好問 , 你入我地幫「血色圖騰」, 我咪話你知囉！
--------------------------------------------------------------------------------------------------------------------------------------
嗯......剎那間諗唔起仲有咩問題 , 但有問題可以comment , 我盡我自己能力去解答
最後 , 賣下廣告haha , 本幫「血色圖騰」招生 , 詳情可移玉步到http://www.2000fun.com/thread-5338069-1-1.html查詢
或者密頻本人「慕容紫儿」~~最後感謝各位抽空睇我呢篇文 |
-
總評分:
威望 + 15
Good + 5
查看全部評分
|
發表於 13-4-10 12:01 AM
壯哉我大唐門
大極樂表示要輸出有輸出 要回復有回復
