拍拖問題解救大全！

wai1209wai

唔好因為小小磨擦而斷送充滿火花嘅戀情，以下是讓你和他愛得溫馨的小貼士！
你同佢重複爭論同一個問題，沒完沒了。
點算好？
重複爭論代表你倆之間有一個潛在嘅問題有待解決。試下退一步諗諗點解會同佢嗌交，然後搵出原因，冷靜咁同佢討論，並提出解決辦法。如果佢無意思共同解決問題，呢個問題一定會不斷重複出現，因此你是時候要想想去留了。
你同心目中嘅白馬王子相戀，點知幾星期後發現佢貨不對辦。
點算好？
雖然佢令你大跌眼鏡，但諗深一層，所有感情都係需要時間培養嘅，無必要咁快判佢死刑。如果你唔清楚話佢知你對呢段戀情嘅期望，佢又點可以滿足你嘅需要呢？但如果真係夾唔到，唔好為留住他而難為自己，單身遠比停留在一段不滿意的愛情中好。
你同BF第一次吵大鑊，你覺得好似世界末日。
點算好？
你心可能諗：「死啦，我明明好鐘意佢，現在我就一手破壞這段戀情。」倒不如實際啲諗下點解決。喺你決定道歉或分手前，應先三思。諗清楚你對他講過咩嘢/做過咩哩，如果你的話極為刻薄，鼓起勇氣向他道歉，向他解釋你為何一時火遮眼，希望得到他的原諒（如果你覺得很難開口，可選用Email或Whatsapp）。如果他欠你一個道歉，就向他解釋你為何不高興。但緊記，假如他兇神惡煞或語帶羞辱，你便不應妥協。你應在情況惡化前盡早離場，等大家都有冷靜的空間。
過去嘅事一直困擾你哋，形成一股壓力。
點算好？
如果你對呢啲問題隻眼開隻眼閉，最終可能令你哋分手收場，因此事情一開始你就要打醒十二分精神。雖然要學習喺一段關係中解決問題係好難，但可以省卻之後嘅麻煩。用平和而非控訴嘅態度向佢直接提出令你困擾嘅事。一齊解決問題，好過心病堆積埋一次過大爆發。
http://hk.lifestyle.yahoo.com/%E ... 5%A8-110328860.html