【理性討論最終回？】港服將步台服後塵，抑或可以撐多一陣？一旦結束營運，有無被其他代理相中既可能？

ｌａｚｙ

題目個"理性討論"真係點晒睛
感情, 呢樣野真係玩家先會對隻GAME有
我唔否認有部份GM努力去維繫呢隻GAME
不過港服現存有幾多個GM 大家有眼睇
係代理商眼中, 根本就無感情呢樣
眼中只有錢
用錢去衡量一切
睇返未開放海外版既時候
有好多港服玩家都抱住對港服有感情呢個心態去反對其他人宣傳日服
我諗呢堆港服玩家既感情太過固執
第一, 代理商真係唔在乎你所謂既感情
而你所謂既感情, 只係由代理商既盈利去衡量
第二, 我相信大部份人宣傳日服既人都係希望大家可以係一個更好既遊戲環境之下玩得開心D
而唔係恥笑, 嘲笑 港服既玩家

OOOOXXX

你認為港服會唔會跟隨台服於合約期滿後結束營運？

2008年7月3日臺灣開始公開測試，2013年7月1日停運
2008年6月26日香港開始公開測試，計埋合約個時間我想要停運既都應該差唔多時間。
台服港服相比，港服確實好過台服少少(雖然大家都係擺爛)
但人流流失情況都係一樣，有增無減
所以我認為港服會跟埋台服停運FEZ

假如結束營運，你認為FEZ將來被其他公司代理既機會高唔高？

睇番日服FEZ
最初由N個服整合到3個服，人數都有番咁上下
但請記得個到係日本
以港台玩家數量黎判斷隻GAME係日本HIT就...(再講日服都有唔少死忠既存在)

FEZ遊戲性係足夠
問題係代理配合、玩家既熱情

e+ OLG既市場真係十隻有九隻都係短抄，有咁盡去咁盡抽哂玩家D水
人往往都傾向新遊戲玩(即使代理食相有幾醜陋，玩家有幾M都好)
所以風險都幾高下

代理舊GAME番抄既例子近排都唔少
例如alta精靈樂章、聖靈傳說
980x既飄流幻境咁
以上呢幾隻唔係執，而係本身仲係到
咩意思自已估啦
唔講唔記得仲有個NECO(GC自已開過埃米爾物語個陣我真係o左嘴)

睇番DNF例子
DNF同樣都係舊GAME，G社都算係佛心來
睇下幾個月後DNF變成點再講
BTW我認為FEZ好有機會被G社重新代理

假如結束營運，你會何去何從？

唔洗去邊啦，我直頭係日服玩FEZ
只要有愛語言都唔成問題既
玩下其他GAME都有既(MC、BF3、TF2、simcity、LOL之類)

對於過去響FEZ渡過既日子你有何感想？

想當初係綠國玩得幾開心
初初唔知頭唔知路玩刀遊，未頂防頂攻，石都唔知係咩黎，仲要剩係識人後面爆菊花
識既朋友一個個離開，有時有幾個回鍋打番幾場咁
e+都係做下街人咋
時間會磨滅人的耐性，熱情
CSO啊掛水我都有做過

最後，你有咩說話想講？

真係多得你唔少黑橘
成也橘子敗也橘子

玩家又係既(當然包括埋自已)
明知港台服係特別版修羅場
都要玩落去，真係同M無分別

成日話人皇民點二等公民點
其實有邊個唔想係自已地方玩嫁?
但係班代理成個地產商咁扼殺我地既自由
逼於無奈只好掛上VPN打埋唔鹹唔談既語言玩隻GAME

外國月亮比較圓唔係無道理(不過e+都唔一定，睇睇日本精美既手機GAME就知)


奉勸各位玩家
少玩港台服為妙

zlikeplaygame

以過往經驗 黑橙既吸金威力 大家有目共睹
先假設港服唔似台服一樣7月就完
因為台灣人玩遊戲花既錢真係唔少 黑橙又點會錯過呢次有金執既機會
我估係6月或更早 港服會推出類似日服新兵大支援(新加入即升20級 有頂裝 有星水 有r石)
仲有似"春之祭"買點加送10%回贈
之後合約到左會唔會續約 就睇下台戰會唔會令港服死灰復燃

呢幾年係港服玩令我覺得黑橙太短視 冇睇清fez既耐玩度
對於代理 遊戲壽命決定於佢既吸金能力 有錢賺既點都會續約
行開短炒路線黑橙(其實港台個個代理都係咁) 榨乾左咪丟嚕 買第2隻再榨 咁先可以保持新解!?
今時今日玩game用vpn都未算係盛行普及
如果vpn進步左 普及左
港台代理以今日今日咁既服務態度 真係摺梗

題外話:好多人o厄自己 唔係中文版唔會玩
以上只係指"好多人"   由細個打機 隻隻tv game到今日都係日文架啦

最後我想講既係 某程度上係推廣左日服fez ,sorry

地上之龍

你認為港服會唔會跟隨台服於合約期滿後結束營運？
A)
以商家角度黎講, 無盈利既項目就會摺埋,
而明顯地HKFEZ已經步入晚期, 玩家流失, 課金日減, 依家再爆出台服倒閉消息
相信精明既HKFEZ玩家亦都唔會再投入金錢落去, 倒錢落海


假如結束營運，你認為FEZ將來被其他公司代理既機會高唔高？
A)
唔高, 前車可監, 除非真係對FEZ有愛或者自認有獨到既營運手法
否則營運商唔會明知前面係坑都照踩落去


解釋你如何得到上述兩題觀點。
A)
如上 wwww


假如結束營運，你會何去何從？
A)
跳船日服 (現在進行式, 唔係未來式 w)


對於過去響FEZ渡過既日子你有何感想？
A)
人生有史以黎玩得最耐既遊戲 (唔計系列類作品, 指單一作品)
過程中有笑有淚, 見盡人生百態
驀然回首, 我唔後悔由2008年暑假起投入數以千(萬?)計既鐘數進行一場又一場既國戰


最後，你有咩說話想講？
A)
天下無不散之筵席, 當年既戰友好多已經淡出, 或者到我地老左
係網上見到有人開POST做回憶撚, 回想當年我地一起玩過的幻想戰記
大家會有機會重聚, 一齊回憶那些年我地最愛的幻想戰記!

y_y3k

橘子手上係台港澳代理權
台服執左 , 理應將港服作為台港澳同一個SER以減少成本 (由一開始應該咁做 , 分台港真係曬氣)
但出奇地台服結束營運公告卻建議玩家可轉投日服!?
意思係點大家心照

日服其實生態同香港有時侯差唔多
不過基本良心都仲係度既, 起碼日服設計裝唔會拎去抽
最基本戰場既補品亦唔會好似馬沙咁開高三倍
再加上SER長期不穩及仲有好多弊端導致現時呢個局面
(以上論點均可將台服代入)

以我所見 , 港服執既時間亦都唔遠

港服執左會去邊? 會去日服玩下

最後要講番句
橘子請你快D執

愛糖

我覺得台灣都咁樣，香港不用多說吧，而且情況係點，大家心知肚明。
玩左咁耐，係有感情。因為我都好少玩其他ＧＡＭＥ。
有時間都只會上ＦＥＺ。真心覺得，我都算有支持香港ＦＥＺ營運。
所以，只少我認為自己有為所愛出過力。
過去幾年，我都玩得好開心，有付出有收獲。
到今時今日，係呢個板留得言既，都應該唔捨得ＦＥＺ走到呢步。
但ＦＥＺ結束後，我諗我本人就唔會過其他服，應該都少打機。
（其實，跟某位玩家咁講，玩過ＦＥＺ，好難玩其他打怪副本ＧＡＭＥ。）

最後，多謝大家一齊打國戰，因為有你地，ＦＥＺ先有樂趣。

walterbwt

港SER就算唔執,都只不過係名存實亡
唔執既,都係要睇乞剷識唔識做,長線定短抄?
執既,咪移民潮,我反而唔覺得日服會好嚴打VPN進入既方法,
因為佢地一早就知啦,要處理VPN玩家,等同處理半步玩家,得個煩字
我係GAMEPOT既話,不如自己開個新SER接收難民
新SER我相信唔怕PING既問題,現況計,不論港台玩家,用VPN連去日服都唔係好LAG
唔通用左VPN,就會由8M變100M咁快咩?
至於我呢,我都係去買花生先,睇定D先再打算啦,要加入日服既話,都唔差在睇埋港服執果日啦(如果)
BTW, E家真係冇一隻ONLINE GAME係好似FEZ咁,有咁好玩既國戰,我點都會繼續玩FEZ嫁啦,除非日服都執埋(可能日服都打算做埋今年唔做?)

s1NG

有玩過日服 但由於語言不通 已經脫離

港服三個字  等汁笠

judas2000

尼個帖好似變左 霉男字海區,, 得佢1個人睇

walterbwt

回覆 judas2000 的帖子

唔係呀,我有睇到你E句野

dream0

港服汁粒當然有DD可惜 我都玩左算斷斷續續又一開放公測玩到依家
簡單講重點:
港服暑假係會人多D 不過每年衰過一年大家心知
港服令2KF FEZ成立 不ON GAME都能食大花生 相信無左橘子FEZ 都重有2KF玩下
令我傷心之一架係 我玩左咁耐都唔無係GAME到見過你....
同埋你發膠POST次數已經比雷神取代 你D高質膠文呢? 潛水到依家同我地咁正經?
以上

DSVWXYZ

你認為港服會唔會跟隨台服於合約期滿後結束營運？
連台服都執得,港服就係時間上既問題了.

假如結束營運，你認為FEZ將來被其他公司代理既機會高唔高？
以宜家咁既經濟情況黎睇都唔係話無可能既.

解釋你如何得到上述兩題觀點。
事實擺在眼前

假如結束營運，你會何去何從？
係佢無活動個時就轉左日服

對於過去響FEZ渡過既日子你有何感想？
往事不回首,樂事留心中

最後，你有咩說話想講？
就眼睇港服都頂唔到幾耐,身邊識既都走曬,係game度識既都走得七七八八了.但都唔希望佢執笠,話曬都花左時間同金錢去玩.

唔知呀你呢?

講真果句
玩左港服fez咁耐,點都有番少少感情
唔係幾想港服汁
但係就好似台服個公告咁講
天下無不散的筵席
唔通你買起成間爛橙,特登整好個fez佢咩

唔理點都好,
港服,照玩
玩到佢汁為止
汁左先諗轉唔轉日服

神戒

由封測開始斷斷續續都玩左咁多年,由一開始成個團包場打。到而家得一兩個on
唔多唔小都係因為經營不善，但係雖然係呃錢，但係人人都有頂攻頂防既機會．
仲有一個大問題係係玩家身上。老手吊新手，但只有少數用心教新手成才------>新手比人吊得多唔敢玩--->愈來愈少人玩----->現況
(唔怕神一樣既對手,就怕豬一樣既隊友)依家無呢支歌仔唱啦,,都無新手


有無戰友相認

薩非羅斯

各位親愛的幻想戰記玩家，您好：
誠摯感謝所有玩家們對【幻想戰記】遊戲的愛護~

自遊戲營運以來，一路有您的支持是我們莫大的榮幸，

相信許多熱愛【幻想戰記】的玩家在這個遊戲世界裡，都結交到不少的夥伴朋友!!

因與原廠代理合約期滿，【幻想戰記】營運即將告一段落!!

我們與您一樣深感遺憾不捨，但天下無不散的筵席...
【幻想戰記】結束營運將於2013/7/1(一)中午12:00伺服器正式關機，

營運小組積極與開發團隊溝通爭取補償並預定於2013/5/3(五)維護後，進行第一波補償：商城道具全面0元。
後續第二波「補償」及相關「會員移轉活動」訊息將會於2013/5/31(五)進行公告說明，

還請玩家屆時多留意官網公告訊息並耐心等待~~
※2013/5/3(五)商城關閉前，若玩家有購買商品之需求，也請謹慎評估欲購買之商品使用期限，

若商品使用期限超過遊戲終止營運時間，營運團隊將不另行補償或退費，還請斟酌購買。
最後，再次衷心感激您長久以來的陪伴，遊戲橘子將繼續提供各類型線上遊戲服務，

並期許能與您共同開創另一個歡樂的遊戲新天地，而幻想戰記在日本國內已邁入第7年，

未來預計將會進行大規模改版活動，歡迎喜愛幻想戰記玩家繼續支持日版。
日後我們也將秉持專業經營、用心服務的原則，提供更多優質的遊戲，

回報所有愛護遊戲橘子的玩家，您的支持，將成為遊戲橘子成長的動力！

samson0139

其實會吾會係日服知道台服汁左 港服個合約又就黎到期
所以先出個新兵大支援

commander2620

asdmmb123 發表於 13-4-22 07:32 PM
我建議d好似咁無咩錢既玩家就唔好再擺錢落去港服啦
儲錢玩日服好過啦

至從GASH會員事件
令到有部份人冇在繼續玩落去
我都減少投資係FEZ到

霉乂男

commander2620 發表於 13-4-22 09:05 PM
至從GASH會員事件
令到有部份人冇在繼續玩落去
我都減少投資係FEZ到

你講邊次。

judas2000

霉乂男 發表於 13-4-22 09:08 PM
你講邊次。

佢講今次 gash 強制升豆吧

OOOOXXX

回覆 霉乂男 的帖子

詳細希望
我都想知