【理性討論最終回？】港服將步台服後塵，抑或可以撐多一陣？一旦結束營運，有無被其他代理相中既可能？

little_ic

要確定會唔會一齊汁,首先確認左香港台灣兩份約係咪一齊簽先
如果唔係,仲有得救,DSE完左仲可以谷一谷返批人流既
萬一真係執左,如果可以夾埋台灣香港有心人一齊宣傳下,比其他代理知隻GAME有著數搵,應該有人肯代理

何去何從? things gotta find their own way out
黑心D講句,執左仲好,幫我下定決心過日服,好過而家港服國戰,個個HEA打咁
最唔捨得都係以前D團友朋友

god_snowman

Not much hope in HK FEZ if they continue to use beanfun ~_~!

方尖塔

B SER汁完 剩返A SER ,A SER汁埋咪開個C SER囉

judas2000

係唔係應該整番個fez x 2kf 相認大會尼?

天劍~幻

台灣都唔 更新既, 香港 12月先比錢大更新. 如果要執佢 更新黎做咩, 佢唔更新本身D  聖誔福袋 或 黑店都有一堆人買架啦.

夜鬼乂

我覺得香港ser有75%同台服係同一命運.
如果HKSER真係汁粒.比其他公司代理係機會極低.台服係一個例子啦.
解釋?好簡單.中土一日比一日和平.FEZ宣傳不足.老手一個一個咁走.加上台服都汁埋.
唔通香港SER既面對決粒既命運仲係估估下?
無75%都有50%啦?
如果FEZ汁左粒真係SAD到喊,我試過用兩日搵係香港出既online game黎挽,好可惜我係搵唔到我發現
香港出既online game愈出愈低能,多數都係好卡通,唔係卡通就係一d中國feel既打怪升lv.真係邊到都唔去係留rc到慢慢吹水算啦.
係fez既日子,比我認識唔到算好多既人,但係最少係fez既日子都有開心過同火過.雖然接觸隻game唔耐.
最後.希望大家一人一黑店支持下fez等fez有資金去宣傳下.

dream0

天劍~幻 發表於 13-4-22 09:45 PM
台灣都唔 更新既, 香港 12月先比錢大更新. 如果要執佢 更新黎做咩, 佢唔更新本身D  聖誔福袋 或 黑店都有一 ...

食完水鬆人 唔少GAME都會咁做啦...
如果真係收入少過支出 一定汁
也可能會永世唔更新無活動 放係度自生自滅

天劍~幻

dream0 發表於 13-4-22 09:50 PM
食完水鬆人 唔少GAME都會咁做啦...
如果真係收入少過支出 一定汁
也可能會永世唔更新無活動 放係度自生自 ...

佢唔 大更新, D福袋都一樣會賣哂. 但佢都比錢大更新.

kuok1234

欄橙正如香港正苦

我地e d 蟻民根本無權say

風靜月乂

作為一個玩家 吾希望自己既心血 毀於一旦

始終這個遊戲對我來說 太多回憶 伴我成長

從未試過咁熱心去玩一隻game

如果不是的話 我為何會在意一場國戰的勝負?

希望每一場國戰 每一個戰友 都用心去打

但是命運始終是命運 選擇權不在我手上 我的影響力太低太低

只能說一句 : 愛莫能助

.我愛FEZ, thanks.

kwokbilly203

我玩左都唔算耐
好似岩岩好2年左右
想講既係   好後悔無早d玩  見識唔到fez最勁既團
係我岩岩開始唔識玩個陣  都叫做埸埸都係團打團
但係愈來愈識玩個陣   d團打團既埸就愈來愈小
搞到無咩真正享受到團戰

另外既係  哩隻game係heat project後我比得最多錢既game落去@o@
同樣都識到好多藍國朋友    哩加見d fd一日一日咁小  真係有d唔捨得
btw 我班fd大部份都去左/計劃緊去日服
而我都諗住會過去
希望過去個邊再續 fez既熱血  同  戰埸上陰獲自己友既快感

CMS1210

天下無不散之筵席，曾經有一段真摯既。。。入正題，ＦＥＺ陪左我中學的生涯，亦係ＣＳ　１　.　６　之後令我沉醉既遊戲，其失敗不在於遊戲商什麼的，畢竟天下烏鴉一樣黑，即使去到某Ｇ字社，亦未必會好。然而，ＦＥＺ未在香港大熱是因為玩家已被生活，泡茶遊戲所害，連什麼是ＦＰＳ遊戲都不知道，即使進入ＦＥＺ亦只落得被蜘蛛所殺（真人真事）。最後，ＦＥＺ如果消失，我亦不會忘記其為我所帶來的回憶......

judas2000

陰謀論,,
橘子汁左FEZ 其實係想你地玩個隻

TIARA CON..............       個隻GAME

小而o__o

你認為港服會唔會跟隨台服於合約期滿後結束營運？
應該都會嫁啦，港ser人流不斷流失，少到而加得番一百幾人，實會少左好多人去買點。對代理商黎講，賺錢先係最重要，理鬼得啲玩家既感受咩。一隻game既營運長久，根本就係睇下玩家放得多唔多錢落去嫁姐。少人左放錢落fez度，佢仲點會做落去x_x

假如結束營運，你認為FEZ將來被其他公司代理既機會高唔高？
一半一半啦，原因在於真係好少代理會經營番一啲比爛橙玩殘左既game，多數都係出個伺服就算，無咩game會比人代理番。
不過fez係日本就真係好受歡迎，都有可能有代理會睇中依點而去接手搞好fez佢，因為可以睇得出隻game可以吸引到好多人去玩。

假如結束營運，你會何去何從？
一係轉game，一係唔打機，9成都唔會過日ser度玩:0

對於過去響FEZ渡過既日子你有何感想?
由公測玩到而加，隻game真係有好多回憶係到，最開心既係可以識到班團友一齊打國戰，吹水(其次係食到大量既花生)，玩過成十幾隻online game，係得fez先可以玩到咁耐。眼見fez由成千人得番去百幾人，真係灰到核爆，多謝你呀爛橙凸(^_^)凸

最後，你有咩說話想講？
如果fez真係執左既話，我以後都唔會再放錢落去由爛橙所代理既game到。既然你係無心經營既話，我比錢你賺都無謂啦，一年慳番我幾千蚊仲好(ｰｰ;)

九方空

爛橙代理遊戲從來都唔長遠 其實香港既代理商都係 所以online game先會被視為小學雞遊戲
gamania整死d game以經有不小既前科
客觀黎講 隻game番生係無可能..
唔好諗住佢會良心發現 走去同你搞番好隻game\

不過fez真係一隻值得我擺錢落去既game
無論如何 都唔想佢汁..
唉!背定日語大黃書啦!

灼眼殺手

霉乂男 發表於 13-4-22 07:19 PM
首先公佈一個不幸消息，平行世界另一邊名為台服既梅路法利亞大陸已經崩壞，
請各位為一眾死難同胞默哀0.5秒 ...

1. 你認為港服會唔會跟隨台服於合約期滿後結束營運？
難逃結業命運。

現時港服人流極少，中土罕見兩場或以上國戰同時進行，
FEZ是大型PVP遊戲，人流量多是遊戲樂趣的先決條件，
失去樂趣的遊戲，已經失去靈魂。

殘存玩家不再抱有熱情，每日玩國戰只為消磨時間，無心戀勝，無力較真，失去一切動力去強化角色/技巧，
還剩下什麼誘因驅使玩家買點？

即使排除港服人數稀少一點，願意買點數的人數比例必然少之又少，
FEZ為代理商帶來的收入，自然會相應地低，關閉港服，收水喉止血，才是商人明智之舉。

2. 假如結束營運，你認為FEZ將來被其他公司代理既機會高唔高？
正如很多玩家說過，MMO界有重拾爛攤的先例－DNF。
證明只要遊戲實力深厚，便能夠為其他代理商帶來商機，
我認為FEZ的最大缺點是畫質，但遊戲性絕對優良，所以我也不能斷定FEZ會否得到賞識。

作為一名LoL的玩家，不得不說Garena風評甚好，更新速度快、針對意外事件的賠償合理、客戶服務等等，加上其資本實力深厚，海外勢力廣寛，是FEZ重生的完美伯樂。

3. 假如結束營運，你會何去何從？
繼續玩LoL，但仍然會關注FEZ動向，祈求港服重見天日。
一定不會去日服...

4. 你有咩說話想講？
真心不喜歡橘子，橘子破壞了我最愛的數隻遊戲，楓之谷(港服倒閉)、Heat Project(倒閉)、龍之谷(物價極高)、FEZ(接近倒閉)，本應大受歡迎的遊戲，得不到相應的注視，正正是橘子的經營手法有問題。

遊戲並不是農倉裡的牛畜，往往大量餵飼撑飽，繼而放血、拆骨，可賣的肉塊和臟器拿去賣，
剩餘的骨架、牛眼等等，則磨成粉做其他田地或牛隻的肥料，然後再重複一次...

我由心祝褔橘子會有生意失敗，因而倒閉/受收購的一天。

5. 對於過去響FEZ渡過既日子你有何感想？
請看看我以前POST的一篇文，就明白我有多熱愛FEZ。
http://www.2000fun.com/thread-4114397-1-1.html

過去玩FEZ，我很開心，更曾經重度上癮，我的感想是，希望FEZ會有振興一天。
只能說，我感到很可惜，FEZ實在是神級的遊戲，但...唉

原來係咁既

十二月大更新完，要汁都唔會係半年既事黎
不過我都覺隻game就快玩完，唔知係dse定咩啦，人流真係好少

至於話過唔過日服呢，我就vpn都買左，但係老老實實，過到去咩feel都無
都係算啦，個vpn用黎打其他game算，手機用黎聽酷狗音樂都唔錯

至於話如果汁左，又或者有其他代理要左黎做
都未必會再玩嫁啦，問心果句，fez都係舊game黎
就算另一個代理做都未必做得長

結論就係，fez汁的話，玩lol
或者等玩成吉思汗4@@

powerbank4

日服幾時汁?

傻x薇薇

-你認為港服會唔會跟隨台服於合約期滿後結束營運？
覺得已經有60~65%會
-假如結束營運，你認為FEZ將來被其他公司代理既機會高唔高？
高唔高都罷．．HK無一個代理係睇得上眼～呃錢行頭
-解釋你如何得到上述兩題觀點。
有咩用～之前仲有成千人果時你又唔出最近呢啲活動～係要就死先出下吸下人流～啲人都走曬拉
-假如結束營運，你會何去何從？
講真～無一隻GAME好玩得過FEZ～讀排書再返工搵錢去日服囉(數年後)
-對於過去響FEZ渡過既日子你有何感想？
識到團入面班BITCHES真係幾開心
-最後，你有咩說話想講？
HK FEZ R.I.P

黑貓ㄨ

幻想戰記 : 快D發明完全潛行  VRMMO 仲好啦

BTW,我有諗過港台合併  不竟我瑪奇果邊有識人  都知有會友玩FEZ
我本身諗住試下過去台服 等佢見識下我擊劍既實力 可惜封IP
BUT,就算合併真係實行  咁香港同台灣 2地文化又點算先?
你唔係想叫D台灣人   "一起來當花生友或者好基友吧  " 呀嘛
再加上  白話文撞書面語  2地溝通又成一個問題  <--- 睇下HKP 有無意想對應番台灣人 有意就無咩問題  無意就有機會更熱鬧