- 閱讀權限
- 30
- 最後登錄
- 13-6-21
- 精華
- 0
- UID
- 868412
- 帖子
- 865
- 積分
- 782
- 註冊時間
- 07-4-16
- 在線時間
- 365 小時
- UID
- 868412
- 帖子
- 865
- 積分
- 782
- Good
- 34
- 註冊時間
- 07-4-16
- 在線時間
- 365 小時
|
本帖最後由 wildtony 於 13-5-9 03:49 PM 編輯
歐陽無雙rap:
夕陽有兩個大男孩,一齊立志要發揚光大
開團之後 按0睇下分數,無雙就永遠係最高o個度
夕陽武士係時候發圍,大家睇到d戰士唔曳
無雙經常殺SLevel,安田康未試過爆qml
唔同既職業武豐都唔能勁,為左救佢確實係好難頂
殺你 ! un你 ! The gag? You get!
改自 歐陽靖 遵理教育 個rap
咁就5年喇,玩左呢隻game足足5年...
當初...其實我係因為我呀哥先玩fez既,
見佢渣住把弓係度射蜘蛛,幾過引咁...
而自問係cs 高手,所以開始左呢隻game啦
入到game發現原來有近戰,
當然我就係鐘意明刀明槍嫁啦,
所以最後開左隻戰士... 跟番我呀哥黃國...
戰無雙咁就出世喇...
-----------------------------------【成長篇】---------------------------------------
初時打國戰,根本唔會理自己幾多血,
目的係巨龍炸人堆,明知一定死但個下快感真係爽到爆!
我諗好多初玩戰士既玩家一定有呢個嗜好
好記得有次我炸完人堆...諗住都死9緊嫁啦,仲比人暈埋...
點知後面一個貫骨射埋黎!我心諗,仲唔比我威番次?!
我回頭一望,見到救我既人叫做 "弦月淨光" 大概係咁既名...
而呢場仗完左之後,我立即番城搵呢個人,叫佢收我入團!
咁就加入左第一個團喇...好似叫做cb_xxxxxxx (天人部隊)
斬下眼就半年左右,呢半年,我不斷提升我既實力...
開始諗,點樣入人堆殺到人,又可以全身而退呢?
當時,我諗我係個好早期就識沖斬追方尖塔既玩家...
而沖動熱血既我又係2kf打左篇文章,叫做 "巨龍亂水心得"
誰不知比人串到hihi聲... 其實都幾谷氣 haha
我都係想教下人入人堆前要留意d逃走路線姐...
事到如今,仲有人成日抽我水
不過唔緊要,我諗都無惡意既
技術真係要練番黎既...
玩左大半年左右, 當時我係第2個團,破軍...
係不受重用既情況底下,我開始諗自己可以發下圍,做團長
都係個句啦,沖動熱血既我又沖動了,開左個團,叫做 黑勢力
初時都冇咩人,上線3,4隻
但個時既戰友我都仲好記得,l
ukast , 疾忌之心 , 地上最強戰士 , 小。鬼 , 天堂劍聖,
呢幾個都係個時既主力, 不過實力都係麻麻地 得罪得罪
最記得有次打最原本既庫山,我出qml,4,5個隊友圍住我幫我吹飛
破左我第1隻處男qml處,個下真係好x痛.............快!!!!!
而呢個團居然會有人搵我做雜誌專訪,
好可惜我係屋企搵左好耐本雜誌都搵唔到,
但我記得搵我做專訪既人係rev團既 "胡迪x ????"
至於講左d咩野 我都唔記得喇
反正都係個d 76毒男講既on99野... ...
係度特別鳴謝我呀哥突然幫我搵到本雜誌
-----------------------------------【愛情篇】---------------------------------------
我認為我係FEZ裡面,
只有1個女友,(雖然而家唔係一齊)
我可以用5隻字去形容呢段愛情
"短暫而美麗"
我同佢識左好耐...係破軍到認識既...
個排咁岩同現實女友鬧分手,
所以心諗不如係隻game到溝番件都好,
點知由玩既心態變成認真...
佢比人一種好需要保護既感覺...
我諗簡單4隻字去形容佢最好不過...
"天真爛漫"...
不過始終我地timing唔岩...
呢個"佢" 已經冇玩fez好耐...
而我都尊重別人,唔好公開人地個名啦,
就等呢份感情一直留存在我內心深處
-----------------------------------【熱血篇】---------------------------------------
合SER個時間,我開始打出自己既名堂
起碼大家打國戰時一見到 黃金盔甲 , 就會知道係我,戰無雙
而個時我個團戰魂(由黑勢力演變出來)亦好苦惱,
因為我地知道能唔能夠成為大團,
就係要睇合SER呢個時候,有冇小團一齊合併...
我地成團人都好認真去期待呢次合併,
當然事與願違,突然有份工叫我去番工,我唔可以做宅男喇
由於番工既時間...日日都係下午3至12,
所以每日都係深夜先可以玩FEZ....
就係咁樣持續左一段時間,我同我D團友關係開始疏遠,
可能呢個就係時差吧...時間沖淡一切...個團變得死寂
最後,係一個偶然既機會,我放棄左"戰魂"入左"夕陽武士"
亦開始左我係FEZ生涯中既高峰
我係入夕陽既第1場國戰既成績,
好記得係殺18死2,大概1萬5千傷左右啦...
對於處於狀態高峰既我,唔係一件難事...
但呢個成績令到D團友對我刮目相看,
呢個團,我實在太喜歡,因為都係戰士既愛好者...
我諗我地全盛時期既戰士陣唔會輸比任何團
而呢種熱血亦使我好快融入呢個大家庭,
個時人稱夕陽四大巨頭-武豐,安田康,0o一騎擋千o0,戰無雙
個排我地真係稱霸夜場,由1點打到4,5點
日日如是,默契已經成為我地既戰力保證,
第1次同武豐,安田康兩兄弟見面係去左動漫展既FEZ 5V 5 10KILLS比賽
WIN一場就有套爛鬼共通裝...
個時對手有幾隻難民,但唔記得名喇...
而我地既陣容係: 武豐 , 安田康 , 戰無雙 , 止戰之殤 , 洛克人JACK
4雙手戰1弓遊...打法係...諗起都笑到PK
呢個係武豐諗既打法... 弓手不斷星藍狂貫
而我地4隻戰就圍D冇貫飛既敵人...可能係陣式相當奇怪
對面真係比我地殺到措手不及,
無記錯好似係10:3...
但事後我地真係好後悔...直頭想去搵社工輔導,搵牧師慚悔,
因為我地成日笑9人宅男,毒撚..
但偏偏我地5個就去左....全世界最毒既地方
-----------------------------------【10KILLS篇】---------------------------------------
過左無幾耐 , 突然聽到武豐話肥熊(私藏愛)幫我地報左名參加10KILLS 決定賽
不過都好, 當見下世面, 順便同夕陽既其他兄弟們見下面
個參賽名單好似係 : 武豐 , 安田康 , 魔武術 , 戰無雙 , 私藏愛 , 豆丁乂星 , 洛克人JACK
事隔太耐, 真係唔太記得邊個有份玩! ...
我地無咩時間夾到點打, 諗住平時既默契都夠做,
而當時既武豐同安田康既自信心就爆哂棚 ...
轉下眼就到比賽個日喇 ,
其實都幾緊張嫁 話哂平時都只係係屋企打FEZ ,
加上我又咁多仇家 ...
去到金雞唔知幾樓 , 我地坐係門口煲煙 ...
一坐低就已經聽到有人講緊野 ... " 仲有戰無雙個隊XYZXYZ "
我無出聲,諗住偷聽下佢地講嘜膠...
點知安田康一野就同人講," 戰無雙係度呀 ,呢個咪戰無雙囉"
場面真係相當尷尬 , 原來對方係 " 松野平子 , 難民碎翼 , 小熊b。 " 唔知有冇記錯!
而佢地仲主動同我握手TIM ,
我居然會打機打到同人握手, 咩料啊 , 媽啊 , 好能毒呀 , 呢陣時我既心的確係咁諗
不過其實交下朋友都唔錯既
"有請【連射精英】,同 ????? 到 ?? 準備比賽 !! " 呀口米突然向天咆哮一聲...
呢陣時真係好能驚啊..............點解會係男人聲嫁?!
認真! 咁大個仔第1次去網吧打比賽咋...
我細心觀察左周圍既環境,冇人拎住攝影器材先夠膽坐去比賽枱到...
比賽開始喇 , 我表現得好冷靜...
同平時龜係屋企電腦面前殺人既我完全兩回事
不在狀態 , 全隊人都好似新手咁 , 任人魚肉 , 比對面殺到屈水池
最後,我彈左一句"我得番2血0消,我死先!!!你地唔好死住呀!!!"
呢個說話當然比佢地串到今時今日,亦係當時夕陽武士指定既 /dc no
結果........第1場就出局喇 ,
我諗賽前都算係熱門既隊伍第一局就出局真係令人好意外
亦係呢個原因 , 我地消沈左好耐...
士氣非常低落 , 個個都好似唔夠膽面對d隊友咁
呢次比賽真係畢生難忘啊
好不容易先重拾信心 , 到第2年既10KILLS決定賽喇!
呢次唔知邊個木咀又撩鬼話要參加,
好喇, 心諗都洗濕左個頭 , 唔差在喇 , 當玩下囉
我地不斷同其他人強調我地只係HEA玩, 但其實我地真係有專登去夾時間練過下,
起碼比第1次積極好多, 呵呵...而呢次我地派出既陣容係:
武豐 , 安田康 , 戰無雙 , DAMN , 私藏愛 , 3戰1刀1法
都有好多夕陽既76隊友到場支持我地嫁
可能有左第1次比賽既經驗, 頭2場我地都好輕鬆咁擊敗左對方,
我呢兩場既戰績都係: 殺3死0
進入當天的4強...對幻影月,笨小駿個隊
佢地訓練有素,好有隊形,真係相當難打,睇住d隊友一個一個比人sm
慘敗10:5 , 呢場其實我打得好好嫁 , 殺4死1
而佢地最終都拎左冠軍 , 咁都好呀 , 總算係輸比"冠軍隊伍"姐
第3次10KILLS ,
今次係荃灣比賽, 唔記得咩情況底下,
我同止戰之殤居然會夾住3個烏合既人去打比賽
而我地只係比賽前先係餐廳到傾下點打 , 相當既HEA
好喇,去到比賽場地,可能已經係第3次比賽,
好多人都認得我喇,不斷咁打下招呼,
(簽下名,影下相,收下花咁,好在有D保安人員維持秩序 <--- 移至【FANS篇】)
個日高手雲集,大概有咩人,等我盡量憶述下先!
小雨,醉孃,幻影月,笨小駿,舊恨hate,黑色百力滋,黑摩利,
難民一大堆,C團d高手,同埋c團大佬眷戀都在場,
當天我地既作戰陣容係: 1法1盾1刀2戰
難民千紅 , 麥田捕手(難民一生玩), 難民孔子 , 戰無雙 , 止戰之殤
好似都係第3 ROUNDS出局 ,
最記得有場我係坐係部大螢幕直播機,
每一下舉手投足都令現場觀眾反應熱烈(包括抽水)...
當然,亦有7到爆既婽碌鏡頭... ... 話說當時係1on1既狀態,
我比個聖光法"藍國(嗚咪)大概咁既名"屈緊冰c,
我係咁隊牛排,又碎擊佢兩,三下都唔中,打空氣...
點解會咁7嫁...到今時今日都無人解釋到點解會7成咁...
可能係緊張?又可能係mouse用唔慣?亦可能係撞邪喇? 是9但啦,都已成過去
而呢次亦係我最後1次參與FEZ既大型網吧活動
雖然屢戰屢敗,但卻屢敗屢戰 ,我諗呢個就係夕陽武士既精神
送上第3次10kills既影片 , 感謝藍國嗚喵無私既奉獻
http://gavie.net/play/movie.php?t=66890
下一篇【兄弟篇】得閒先打
若想繼續觀看請按---> 讚 <--- |
-
總評分:
Good + 25
查看全部評分
|