[回憶長氣撚]我係一個小小既綠國士兵

ES21ES21

大家好,眼見大家都發d回憶post,我都想比大家知一個少年玩fez既故事
(可能太長,唔想睇可以離開)

當我仲係一件小六既小學雞果陣,我一個fd有日走黎介紹
我玩fez,當佢比完官網我之後就閃左水走人,而我就自已研究
下呢隻game。我開完ac入game之後,就是是但但隨隨便便求求其其咁
入左黃國,果陣我個名叫做影月x鋒,眼見fez好似好得意於是就決定玩落去
我仲記得我一load到主城就即刻有人邀我入團
仲教我做d新手任。於是我就玩左fez好幾日,
但係當時我既心智仲未成熟,成鳩日聊自已團d人
又派膠又語無倫次,結果團友頂我唔順就踢左我出團
我比人踢左出團之後,冇人教我打國戰
而我當時得個16lv on99咁衝左上前線,當然比人插到菊花見紅
仲比踢左N咁多次tim!




之後無幾耐,我個fd終於黎搵返我,叫我玩fez,我同佢講我比人踢左出團
佢就叫我轉黎藍國入佢團,當時佢話藍國好勁,於是我就轉國
依舊用返同一個名到藍國玩,但係當時d團友冇乜黎搵我玩國戰
又因為我又岩岩同個fd反左面(皆因我為心智未成熟的小學雞),於是覺得悶
就唔玩了



唔知過左幾耐,到我已經升上左做中一果時
果陣我有日上上下網無無聊聊入左fez個官網,發現
更新左火槍呢樣野,當時我心血來潮,決定玩返fez
玩槍遊,仲改左名叫做 雜賀眾,原因係我玩信長玩到上腦
眼見有火槍就想改名做雜賀孫市,點知個名已經有人改左,
於是就諗起雜賀一技-雜賀眾,就咁就改左名。
我ko哂d新手任返主城果陣,有條友無啦啦邀左我入團



果個人叫做tempo(現為綠國的godfinger),果個團叫做魔魅噬靈,
tempo當時係個團可謂團隊核心,雖然佢唔係團長,但係佢係團入面
既精神領袖,佢教我地點樣去打國戰,可能為佢已經結左婚生埋仔,
所以團友都叫佢做爸爸。我係果度重拾返打國戰既樂趣,但我始終
係一件心智未成熟既小學雞,我又依舊成日挑釁團友,挑起罵戰,
引起所有團友圍插,團入面好多人都好憎我,但係爸爸佢,
一次又一次原諒同訓話,一直對我不離不棄,於是我改變了,
我不再是當年煩膠白痴小學雞,我令好多團友對我改觀,仲比人讚tim
之後團入面出左d事,令到爸爸重新開左一個團,叫RawRice,邀返之前的團友
入去玩,就係咁斷斷續續咁玩左好耐,團友們好多都唔玩/轉game,大家各散東西,
於是我就冇乜點玩了




直到我上左中3,係前個月,我又再次入到fez官網,
我又想再玩返fez,我搵返爸爸爸爸話佢返左綠國同人玩,
於是我就轉到綠國,改名因為 蘭斯龍。入左一個小圈子細團
名為Blade ,我跟爸爸學點玩刀遊
又愛上左做介西,我好鍾意偷偷地潛到敵後方,搵d半血以下既人
一刀介死佢,果種快感真係好正,我又坐下水做水工幫人出水。
我由一個靜係識輔助隊友既人變到一個可以殺死對手既人。
之後我又撞返之前藍國舊團友無言姐(現為紫國魔DaY),
於是又開隻紫國人一齊玩,為紫綠兩邊走。
有次我仲諗過不如用fez為題出返個類似小說既故仔啦,
但最後又驚比人插冇文采而打消念頭。

呢個就係小生玩左fez咁耐既一個故事
我相信過左7月2日之後
終有一日我可以再次企係fez既戰場上面
同大家一齊打國戰

多謝,不喜勿插
小生係綠國一個小小既刀遊
名為蘭斯龍

送上正歌一首

harry126

當我仲係一件小六既小學雞果陣,我一個fd有日走黎介紹
我玩fez,當佢比完官網我之後就閃左水走人,而我就自已研究

陰公
竟然係官網

九方空

笑死我 爸爸咪呀