關於這遊戲的問題

kwaiy2513

因為見到唔少人玩....想了解下呢隻GAME...
上過官網...但英文能力奇低...(理解不能)
睇左頂置POST...好似冇咩介紹

1. 呢隻係ONLINE GAME嗎? (如是.月費/其他方式?)
2. 見好多人都話玩外國SER, 要VPN嗎??

唔該曬大家T__T

nys_king

1. MMORPG, 好似暗黑破壞神咁係買斷, 即係買一隻正版就可以玩成世
2. 所有Server都係由官方中央處理, 所以全部Server都係美國(大陸既自閉Server除外), 唔使VPN都玩得, 冇地區限制

EErops

你自己已經响第二條問題度答咗第一條問題嘅主要部份啦, 而喱隻 game 係冇月費嘅, 買隻 game 就得。
第二條問題係....冇咁複雜! 裝完 game 搞掂個 account 就玩得。

或者响度簡介一下 Guild Wars 2 喱個 game。

激戰 2 嘅時代喺設定响第一集嘅 250年之後。 亦正處於古代巨龍於 Tyria 大陸歷史上嘅第二次蘇醒。 所以响 game 裏面對抗古代巨龍就構成咗個人劇情任務嘅主要成就。 除個人劇情外, 亦唔少得嘅 PvP 同 PvE 遊戲模式, 仲有一樣就係 servers 之間嘅對戰 WvW。 現時美國及歐州各有 24 個 servers, 不過隔住大西洋兩邊嘅 servers 不能互通。

遊戲裹面你可以選擇五個種族 ( Human, Norn, Charr, Asura 同 Sylvari ) 去創造角色而配以八種不同嘅專業 ( Warrior, Guardian, Ranger, Thief, Elemantalist, Engineer, Mesmer 同 Necromancer )。 Game  裏面設定 80 為最頂級, 但係高 level 只影響到角色可以去開地圖嘅級數。 當角色到達任何地圖後都會自動調整到配合果幅地圖嘅等級, 即喺一個頂級角色即使去到一處新手地圖都唔好諗住可以所向無敵打橫行。 當然頂級嘅優勢仍然存在不過當碰到嘅喺 champion 甚至只喺 veteran 級嘅怪, 又或者比一大群普通怪圍毆! 要瞓低嘅仍然都喺要瞓低。 所以最好喺多人行動或者地圖付近有其他 player 可以帮手, 因為喱個 game 講求嘅就喺團隊精神, 亦好清楚咁睇出遊戲發展商好勞力咁營造一個需要合作進行旣遊戲環境。 裝備响喱隻 game 裹面只喺錦上添花唔喺必然嘅取勝手段。