借戀足減壓 爆森美抑鬱困擾三年

盟主

12月 30日　合家歡補鑊
晚上 9時許，一家人食完飯離開，才拍到森美難得的一家四口合家歡。
大封面借戀足減壓　爆森美抑鬱困擾三年2013年01月04日 ~~ 第910期 忽然１周

在電視愈撈愈掂的森美，由節目主持晉身劇集第二男主角，在新劇《法網狙擊》中又「全裸」又胸擊陳敏之，演出甚為搶鏡。人前人後霸氣十足、有「大哥」之稱的森美，近日被爆「戀足癖」，專影女藝人美腿上網。難怪被問完回應當日，平日罕有與一家人外出的森美，突然與老婆仔女高調一家親晚飯補鑊。
森美的「戀足癖」，原來與困擾了他 3年的抑鬱症息息相關。據精神科醫生表示，抑鬱症病人可透過「戀足癖」減壓，發洩抑悶。記者向森美求證，他死口唔認「戀足癖」，但卻承認自己有家族性情緒病，並患上專注力失調症，更表示︰「我睇醫生食緊藥。」

平日在幕前及咪前大癲大肺的森美，經常寸爆小儀及聽眾，不過原來他人前人後兩個樣。患有家族性情緒病的森美，因為同時患有專注力失調症，影響他記對白及度橋能力，令他經常無故發脾氣。
有目擊者於兩年前，見到森美戴住 cap帽， 孭住背囊到中環太子大廈的精神科醫生吳偉文醫務所求診。吳偉文醫生是商台 DJ填詞人黃偉文的同性密友，圈中甚多人幫襯，陳潔靈也是他的客仔。




12月 30日下午 3時，森美被記者質詢是否患「戀足癖」後，同日傍晚時分他揸車到新蒲崗接仔女全家到又一城食飯，但泊完車森美一支箭行先，冇理囝囝。




森美老婆殿後照顧仔女，兩公婆十分合拍。等位期間，老婆帶仔女去書店睇書，讓森美有寧靜一刻。

躁狂鬧人掃 枱

據商台同事爆料︰「森美個病唔少 DJ都知，有時佢會無端端發脾氣，鬧人唔在講，試過發忟憎，將 枱上面 嘅 嘢掃晒落地。個個見佢咁躁，都怕同佢合作，淨係得小儀忍到佢。見過佢 喺幕後兜口兜面鬧小儀冇腦。其他人為免遭殃，都對佢敬而遠之，仲稱佢做『大哥』，佢開心。」
周二（ 1日）晚，本刊於「叱咤」慶功宴上，就森美患情緒病一事向他求證。他直認患上抑鬱症已 3年，現在仍去睇心理醫生及服藥。碰巧路過的朱薰亦笑住爆了句「佢係變態 㗎！」
忽：最近被爆有「戀足癖」，係咪有呢鋪癮？
森：梗係冇啦！我千幾張相裏面咁 啱有六、七張影到女仔隻腳。我都會話俾佢 哋聽、俾佢 哋睇，例如敏之咁，我冇偷偷地影。
忽：你兩年前係咪幫襯過 Wyman（黃偉文）個同性密友吳偉文，去睇精神科醫生？
森：冇、冇、冇，我係有情緒病，抑鬱症囉！我有睇醫生，係顏醫生。我有專注力失調症，好難集中精神，同埋幾年前有抑鬱。我仲有食藥，等於糖尿病咁，有 啲藥會 keep住食。醫生話係遺傳，食 咗幾年藥，開始慢慢好番。
忽：你情緒起伏好大，聽聞試過 喺商台掃跌 枱面 啲 嘢？
森：冇、冇、冇，冇試過。兩、三年前抑鬱時成日都唔開心、匿埋，好少見人呀！我諗你頭先所講 嘅係「躁狂」，躁狂我就冇，我係抑鬱。
忽：據聞同事稱呼你做「大哥」，希望你發脾氣時條氣順番？
森：黐線，你有冇聽過咁無稽 嘅 嘢。你問吓成龍同洪金寶係咪因為發脾氣發得多，所以大家叫佢哋大哥？
忽：你咪前咪後都成日鬧小儀？
森：我 喺咪前就鬧小儀，咪後就佢鬧我，角色扮演 啫，等於小儀同金剛做節目，小儀成日都窒金剛。
忽：幾耐去醫生度覆診一次？
森：我冇覆診，醫生定期開藥俾我，穩定啲自己食藥就可以。
忽：有周刊指你冷落老婆，老婆詐晒型？
森：冇呀！邊有冷落老婆呀！我好多家庭生活。佢詐型係因為每次我有新聞出，佢都會俾人影。


森美在新劇《法網狙擊》中任第二男主角，與陳敏之飾演歡喜寃家，更有一幕揸胸戲。


情緒大起大落的森美，早前接受《 Face》周刊訪問時，談到愧對父母，突然感觸落淚。


在 1月 1日「叱咤」頒獎禮慶功宴上，森美直認自己有抑鬱同專注力失調症，「我又唔係偶像派。」


少爺占︰我 哋好少溝通
「我見到佢（森美）勁講 嘢同勁開心！（佢冇乜朋友？）唔係喎，佢朋友咪係我囉，個個都叫佢大哥。（點解叫大哥？）我諗佢入行耐 啲啩。（佢成日同你溝通？） um……溝通呀？佢返早我返晏晝，我 哋好少溝通囉！」


朱薰︰成日 喺節目鬧人
「點解話森美變態，因為阮小儀話佢變態。我問小儀，佢話真 㗎，佢真係變態。（佢有冇躁狂？）冇喎，可能係節目需要。（佢係咪成日都鬧人？）佢成日都係（鬧人） 㗎啦！成日都 喺節目度鬧人，大哥 嚟 㗎嘛！」


森美同小儀呢 pair歡喜寃家合作多年，不過當晚 喺「叱咤」慶功宴上，兩人竟分 枱坐，招呼都冇打。

被投訴停職
雖然森美指抑鬱症係遺傳，但患病 3年的他， 09年曾試過在電台節目《早霸王》，因為宣傳舞台劇重複讀《加樽抽》時，意外讀成粗口「家噸×」，事件搞到他與拍檔小儀齊齊出來道歉。而一向口沫橫飛的他， 06年亦曾因在電台節目《架勢堂》舉行「我最想非禮的女藝人」而被人投訴，搞到停職兩個月。
工作壓力大，誘發他患上抑鬱症，而森美亦自己知自己事，為免自己的情緒影響子女，他會與子女保持適當的距離。而他的太太亦好識做，不但體諒老公少陪自己，還全職做湊仔婆，令森美無後顧之憂。
「森美同老婆 Veronica係 DJ訓練班識，佢老婆知佢有情緒病，好遷就佢。森美都算黐家，但返到屋企唔多講 嘢 㗎，成日匿 喺房諗 嘢。佢老婆就係知道老公做 嘢壓力大，好識做，搞掂晒仔女所有 嘅 嘢，唔會煩到佢，又會叫啲仔女 喺屋企靜 啲，唔會嘈住森美。始終佢一個人擔起成頭家，每個月支出成十幾萬。」
而森美提起老婆都無言感激︰「我同太太識 咗 15年。佢好獨立，又忍受我嘅所有缺點，我好多謝佢為我放棄工作，專心湊小朋友。」問到係咪因為病而少陪子女，森美否認，只謂︰「我一星期五日都匿 喺屋企，我成個假期，聖誕同新年都喺屋企，我好多家庭生活。」


森美做完節目約中午一時許放工。當日他沒揸車，一條冷搭小巴返家。


12月 27日
仔女睇醫生森美冇影

森美返回廣播道寓所，沿途不停睇電話，頭耷耷。


森美返家未幾，其妻駕車帶仔女到九龍城睇醫生，並先着菲傭帶仔女入醫務所，泊好車撳錢後便折回接仔女，自稱「熱愛家庭生活」的森美全程冇影！




麥玲玲爆森美易忟憎
而與他交情不淺的麥玲玲，讚他是圈中乖仔之餘，透露他工作時很易忟憎︰「我一早知佢有專注力失調症，見過佢拍拍下 嘢，叫老婆攞藥俾佢。佢靜落 嚟諗太多 嘢。佢份人唔多 嘢講，又成日擔心自己前途，好焦慮主持 嘅生涯可以捱幾耐。見佢做 嘢好易忟，見到 啲人 hea會忟，反應慢都會忟。佢都話過我講 嘢快，有時聽到佢咿咿哦哦。其實森美係個多愁善感 嘅人。佢鍾意寫新詩。」
要克服專注力失調症，相信森美要比常人用多幾倍的努力，難怪佢谷到病！


麥玲玲因同森美合作森美小儀歌劇團《加樽抽》而熟悉。玲玲師傅力讚佢係好老公，「見到個手袋靚，佢會話買俾老婆，我覺得佢係為將來而焦慮。」




由高峰期 180磅減至 150磅後，森美不時騷肌，在首個處男劇更「全裸」演出，將爆肌相上網，自誇「高登男神」，證明佢對自己身形好滿意。


[url=http://tvb4life.pixnet.net/blog]鬧喊

盟主

戀足咪戀足囉,扮咩減壓

高比拜仁慕尼黑

12月 30日

『浩～哥仔』

盟盟係戀母
膠比係戀父

盟主

『浩～哥仔』 發表於 13-4-26 04:32 PM
盟盟係戀母
膠比係戀父

你同性戀

『浩～哥仔』

盟主 發表於 13-4-26 04:34 PM
你同性戀

h妹先係
你3個唔好痴埋黎我度

君唯懂者惜

不嬲都知佢有病

高比拜仁慕尼黑

君唯懂者惜 發表於 13-4-26 07:54 PM
不嬲都知佢有病

我屌你君豬加好友

~九刈草~

原來中意玩腳

友誼第一^.^

佢有病唔是新鮮事吧

c宙斯c

作為一個DJ黎講 佢都幾多新聞

盟主

友誼第一^.^ 發表於 13-4-26 09:26 PM
佢有病唔是新鮮事吧

友友子愛細路女都唔是新鮮事吧

友誼第一^.^

盟主 發表於 13-4-26 09:35 PM
友友子愛細路女都唔是新鮮事吧

我頭像 http://zh.wikipedia.org/wiki/%E9%99%B3%E7%B4%AB%E5%87%BD

君唯懂者惜

回覆 友誼第一^.^ 的帖子

萌萌又要黎料 JJ

Ch!xD

同是天涯淪落人 萌萌你唔係孤獨

惡魔獵鷹

前排係單車鋪都兜口兜面見到森美