關於game裹面既次傷學 5大能力既基本常識以及計算 2人副教學 爆擊機率既字眼重心 必睇~

lok550

首先 發呢張帖 game裹面都有好多不明地帶 例如次傷既計算? 所有既效果既加乘等等

e家講解下 各種能力既普通常識
1智為3魔攻
1敏為3遠攻
1力為3近攻
1體為1.5物防 40生命
1意為1.5魔防 20能量

7-10敏 = 1閃避  由於 說明冇講敏捷係會影響閃避 呢度講解埋
16-20敏 = 1爆擊機率
16-20智 = 1魔爆機率
(謝惡魔遊戲提供)

至於 力量如何表示 格擋傷害呢?
其實我都唔太清楚 因為防禦連同你既格擋既天賦，技能甚至減傷 等等既縱合出黎
有機會做到0傷害
至於格擋機率 就係 攻擊你既時候 有幾多個百分比
每25力 = 卸走5%傷害 <--- (謝惡魔遊戲提供)


再於 次傷一論
之前我曾經做過實驗
技能既次傷傷害 為最多
首先 以遊俠既 連發疾射為例
因為為主要既輸出 攻擊力+成5xx點 50%2次 30% 3次 最多總共為3次傷
但千奇唔好以為係3次
傷害第一次 亦即表面技能效果
傷害第二次 亦即技能效果後 上面1次數值
傷害第三次 亦即第1次數值後既第2次
即假設 以60遊為例 60黃波+58橙波+60黃弓再+連發疾射 = 12次傷 其實只為9次傷
然已 綜合以上條件 所有既第1次傷害均為 技能效果表面傷害
次傷並無爆擊 只會隨住第1次制造既傷害 有所提升
當然 第1次傷害爆擊 次傷傷害量亦會隨住提升
若然 技能既次傷再配搭武既次傷 點表示呢 好多傷害都成為論點
首先 技能+武器次傷表示為 50%  亦即技能輸出為5000  次傷武既2次傷 就為主傷害x50%x60% 即為1500傷害
其次 如果技能3次傷 咁又點表示呢? 就以5000輸出為例 第2次傷大多為60% 即3000 第3次傷為30% 即1500
總共傷害為9500

再另外 如果技能既次傷再+上兩種武3次傷 又點計呢?
通常以技能第1次傷為出發點 直接影響所有次傷既傷害 如果傷害為爆擊 就會加乘
爆擊傷害最多為300% 自身角色有150% 另外150%自己入物爆石/魔爆石 天賦 套裝等+上去

就以番5000傷害為例 所有次傷武既出發點都為2500或更少 試過出現40% 所以概論大約為40-50%

然後 技能5000x60%  為技能2次傷  主傷害x30%為3次傷  呢樣準確 基本上每次量度 大約俳回59-60% 29-30%之間。
而次傷武2次傷為 5000x50%x60% = 次傷武2次傷
而次傷武3次傷為 5000x50%x30% = 次傷武3次傷
乘番3把武 就係可能係你一擊既最大傷害。
但技能就直接傷害 主傷害乘60%  主傷害再乘 30% = 技能主輸出傷害
總括而已 公式
技能傷害 2次傷  主傷害x60% (接近肯定)
技能傷害 3次傷  主傷害x30%  (接近肯定)
次傷武1次傷害  = 主傷害  (肯定)
次傷武2次傷害  = 主傷害x40至50%x60% (大約)
次傷武3次傷害  = 主傷害x40至50%x30% (大約)

至於機率既計算 暫時不清楚 因為技能2次傷 可以發動1號武器既次傷 技能3次傷 亦可發動2,3號武器既次傷
亦可以2次傷期間發曬1,2,3號武既次傷 3次傷則為無發動。而技能提供既2次/3次傷害 則指示1次技能 內提供更大機會發動武器次傷效果，若然沒有次傷技能 則發動1,2,3號武器既次傷機會減少。
亦即是說 次傷技能有助發動武器效果 如一些較難發既武器5-10%才可發動 等等
所以總括然而 次傷出現概率不大清楚。每種武器次傷應該限技能內出現1次  


由於物理傷害較為不穩定 一時多 一時小 所以準確度仍有待更多更新
魔法傷害則較為穩定 較少出現偏差 所以準確度較高

如有錯漏 可提示更正

關於爆擊機率既字眼
好多人都唔明白 點解有d武發動左 但你實質既爆擊機率 係1x% 等等
就以60黃雙手爆劍為例
普通都以聖騎/狂戰等重用
切實 係捉字眼的 就好似佢話 攻擊時20%提升100%雙手劍爆擊機率與雙手劍爆擊傷害 發左打人係咁爆
但係自己角色顯示 都係得1x% 並無提升

姐係話 只限雙手劍。 轉武就由此誕生 亦即 發左呢把劍 轉把仲大傷害既劍 黎打

又以58既魔鎚為例 攻擊時10%提升單手鎚爆擊機率100%
"單手鎚" 既爆擊機率 所以 你角色爆擊機率並無增加 當你轉為單手劍 打怪時 爆擊機率會消失
正是如此

關於39祭司橙法表示 及 刺客天賦利刃爆擊 單手劍爆擊機率+18% 就如58魔鎚一樣
39橙法 "虔誠使者之證" 能力為提升鎚類爆擊+10%  但唔好以為兩把鎚就+20% 實質只係都係10%
實質為隱藏既爆擊機率
刺客既天賦 利刃爆擊 也是如此

關於戰裝 以及 爆擊武器一討論
好多戰裝 都寫住具有 減25-30%"各種"爆擊機率  包含物理/魔法爆擊
亦即所有字眼 "單手鎚" "雙手劍" 魔爆 等既爆擊 有防禦作用

但你問 關於 降低物理爆擊 呢個字 亦即等於 "角色物理爆擊機率"  魔爆爆擊亦是如此
當角色既減物理爆擊 為 90%  當發動50黃盾 殘忍帝王+100% 你都只係得10%爆得入

至於用魔鎚/60黃爆劍呢 即使你係減100%物理爆擊 一樣爆得入 正是如此

所以魔鎚其實係好過殘忍帝王的 "我個人認為" 明顯打戰裝既人 魔鎚明顯爆得更入

至於爆傷最多為300%
60黃爆劍 發動為100%"雙手劍"爆擊傷害 但各種爆擊傷害 階列為同種爆擊傷害
何以得知?
你試下60黃爆劍裝滿8物爆石 再槍弓/法器加1粒8物爆石時 制做既傷害
同再係法器/槍弓 +滿8物爆石時 作出比較 傷害 皆為一樣
但法器同槍弓 點解都係入8物爆石好d? 因為唔一定限死黃爆劍
換做盾 其他武 爆傷就會降低左

再比埋以下一d常用公式 希望方便你地換新裝前作出一d既計算

物理攻擊力  所有力量x3+武器既攻擊力+精靈紋章既xx%
魔法攻擊力  所有智慧x3+武器既魔攻力+精靈紋章既xx%
物理防禦      所有體質x1.5+所有防具既防禦力+精靈紋章xx%+食防水果d啦= =~
魔法防禦      所有意志x1.5+所有防具既魔防力+精靈紋章xx%+食防水(可唔計/可計) 自己意願
遠攻攻擊力  所有敏捷x3+武器既遠攻力+精靈紋章既xx%
生命上限      所有體質x40+專精/套裝/技能效果百分比
能量上限      所有意志x20+專精/套裝/技能效果百分比
閃避  所有敏捷除7至10 + 套裝提供既閃避(或有或無) +專精 +技能 +精靈紋章既xx%
(唔太肯定 只為大約)
爆擊/魔爆機率 所有敏捷/智慧 除16至20 +*套裝/*武器提供既爆擊/魔爆  及 嗚石 + 天賦+*飾品 +專精
(唔太肯定 只為大約)
爆擊/魔爆傷害 天賦+爆擊嗚石+*套裝+*武器+*武既字頭+*飾品+專精+自身150% 最多為300%
超於300% 亦為300%
* 為該武器不一定附有爆擊/魔爆機率及爆傷


關於2人副本

由於因為高lv 有d職係打唔過隻最後王 首先 大約概括講講流程

首先 低lv進入 高lv唔好過門口 過左就會有d53既大怪打死你隻低lv  低lv清曬5隻人 會掉落物品
為小機關零件 如是者5隻死曬 高lv可進入

然後有兩隻53lv 殺埋佢 掉落大機關零件x2 交易比低lv 然後走去前面既npc 合成
注意 合成時 唔好自己潛行 因為會以低lv既潛行力計算 所以合成時 應該為現身狀態

跟住就會出現好多龍 係度咬人 跟住 高lv直接衝入去打死隻肥佬
低lv係度等
之後 打門口果隻人 會掉落海盜裝
然之後低lv穿上 去到 中間 講大佬被打到了

或者有第2路線(捷徑)
在潛行之力既限時內 高lv打到王 低lv可直接衝入冒裝既npc 直接選擇 老大被打到了
d怪會走曬

跟住之後打大龍同小龍
低lv行入池內觸發大龍出現 由高lv討伐
之後小龍出現 由低lv討伐
注意:高lv切忌介入劈一刀 因為反彈成萬血

下一步 就係打龍仔 注意:高lv唔好行入個區域裹面 會引出毒花 滅團全死 要重新黎過
由低lv殺曬5隻龍仔之後
低lv可以直接用槍等等 射池中間隻羊 引出黎 擊殺之

隻小羊咩瓜左之後 就會出現一隻巨羊咩 唔洗理佢 兜側邊既路 避過去就可以
你可以殺左佢-_- 哂d時間咁解

跟住個大堂由高lv親手搞掂 入面有10-20隻羊 全數消滅 就會出現惡魔大王

擊殺惡魔大王前 個大堂有好多寶相 請選 你左上方打橫第2個寶相
打開之後 兩人階獲-25%所有傷害 方便抵受惡魔攻擊

殺左之後 任務完成 經驗特多!

仲有一個隱藏稱號 黃稱來的
瑟斐爾王國的守護者
效果hp上限+5% 所有傷害+2%
符合條件
3個主城聲望全達50000
到職業大師換取稱號

係咁多啦-~- 如有遺留或意見 請提出 我會更改







  

惡魔遊戲

http://www.aeriagames.com/wiki/i ... ;game=grandfantasia

狂§峰

多謝哂你既分享 幫到我理解隻game入面d資料

lok550

其實仲有好多不明地帶-____- 我仲想知道打怪同人既傷害比例 仲未知道

haku7

lok550 發表於 13-5-10 01:44 PM
其實仲有好多不明地帶-____- 我仲想知道打怪同人既傷害比例 仲未知道

一樣計法 ([技能數值+自身攻擊]-目標防禦) 或([技能數值+自身攻擊]*防禦抵消%)
係雙方防禦的巨大差距令比例不一


資料好有用*v*
想問技能傷害計法係咪技能數值*自身攻擊?
成日見d神官搾把28杖打副
雖然回血技的技能數值異常地高
但到高LV應該都唔及魔攻杖效益好(?)
而且神官本來就有2秒CD的瞬間補血技
拖法加速好似冇咩效果
(PS.我前幾個月先知施法速度同施法時間係唔同的=.=)(前者連動作 後者個剩吟唱)
我想問神官要去到幾LV先會被魔攻杖取締28?
(其實我係懶得計 麻煩你了thx=.=)

手放開01

扣怪,扣王既傷害係冇得計,因為怪物或者王有佢地本身既防禦力,
你角色攻擊力,例如有1萬攻,再加埋技能果D傷害,就大約扣怪1萬傷害左右,係完全冇得計
呢D唔係不明地帶,係本身就係要靠估,冇一個準確數字, 怪物防禦力,我地作為玩家係冇可能知道
扣人, 緊係愈高攻,扣得人愈高, 總之就要盡升攻擊力,加埋灼傷效果,應該計到未有灼傷同有灼傷之間既分別

如果真係想計防禦力同攻擊力同埋傷害既關係
你要問台灣製作團隊拎D 資料, 跟住用統計學既分法去推斷
呢D交俾數學系碩士或者博士去 計 普通玩家只要知道愈高攻,愈扣得多,就OK, 而家唔係研究,唔係讀數學

lok550

我懷疑怪/王既防禦可能去到負值... 攻擊力同打出既傷害完全大2陪以上
只係高lv左d怪負值減低

hingchi

多謝大大分享

赤劍小子

我戰場見D元素, 4千幾攻
打晶石爆一下2萬幾, 真係最多300%爆傷?

手放開01

赤劍小子 發表於 13-5-13 01:51 PM
我戰場見D元素, 4千幾攻
打晶石爆一下2萬幾, 真係最多300%爆傷?

最高300% 爆傷,係台灣gm出公告講, 唔係我地計出黎
同埋好簡單,做個實驗, 搵個騎/狂戰發動65單手斧+100%爆傷,再發動60橙/黃雙手劍+100%爆傷,入埋6粒8%爆傷石, 加埋本身果150% ,都有398% ,
跟住搵個騎/狂戰,用60黃雙手劍入滿6粒8%爆傷石, 100%+48%+150% = 298%
去打同一隻王,望實普通攻擊傷害果個數字,如果冇太分別,最高就係300%

至於打晶石,不嬲冇人計佢果個傷害,晶石係冇防禦力,或者晶石本身有個coefficient,呢個coefficient係大過1既,
咁4千幾攻,當你4500攻,2萬幾傷,當你25000傷,
4500x3 = 13500傷害, .........咪住先,你個fd 有冇計到佢有幾爆傷先, 唔夠300%,我唔可以將佢x3,所以好難計,同埋有其他野都會突然加攻擊力,肯定佢打水晶果一刻係4xxx攻?會唔會打水晶果一刻高左少少,變到5000攻,
唉,當住佢300%爆傷先, 即係13500傷害,咁果個coefficient 就係 25000/13500 = 1.85
1.85就係魔攻打水晶果個COEF, 唔代表物攻都係1.85,又要試一餐,
當然真實緊唔係1.85, 其實我都係推斷,如果佢係呢種關係就都好d, 如果佢整埋果d 畸形方程式 ,一堆factors 加埋log/In, 就放棄, 官方都冇俾條式你, 計黎獻世???

我地最多計怪物,就係扣攻擊力x300% 果個數, 去考慮埋減防果d,根本就冇得計,我地係玩遊戲,唔係計數,做咩??我地唔係大學去研究數字算式, 唔洗計咁多野,  總之都係果句, 愈高攻愈高傷,
同埋高級玩家已經唔計呢d數,只考慮盡量升到3萬攻頂攻, 就狂殺人, 係d 低級玩家唔夠攻擊力,日日幻想好高攻殺人,先日以繼夜咁狂計數,點知阿媽叫醒佢地,就夠鐘食飯...........

赤劍小子

手放開01 發表於 13-5-13 04:39 PM
最高300% 爆傷,係台灣gm出公告講, 唔係我地計出黎
同埋好簡單,做個實驗, 搵個騎/狂戰發動65單手斧+100%爆 ...

一句 gm公告 300%爆傷 就足夠了
謝你

ayu細米

多謝大大的分享!!