詩人：「令頁」「馬奇」「云鬼」！（領主騎士S2正式團隊戰全攻略）（字海注意）

流浪的詩人

　　大家好，我番左黎都一排，已經對現時艾光ＰＶＰ上手。恕我恃老賣下老，身為一隻老古董領騎，令我不得不扼腕歎息既係：領騎呢個職業已經今非昔比，冇左魔人頻時代果種全能。但係定位反而變得鮮明丶而且係新既劍之道系統下，領騎又有新既打法。褪減既光輝依然可以照亮漆黑既夜空，橫刀霸道既領騎依然係競技場上既猛獸。今日，我向大家展示一下，新一代既領騎係點樣征服團戰。
　　另外，由於技術性問題，我暫時錄唔到ＰＶＰ片（一開ｃａｍ就５十幾ＦＰＳ），所以呢個攻略只係純文字討論，萬分抱歉。
　　此文乃個人經驗，作拋磚引玉之用丶歡迎各位賜教。另外亦無任歡迎各位切磋丶挑戰。
ＩＤ：流浪詩人

（１）團戰概論
　　由於團戰係一個六人戰場，三對三丶兩個陣營丶一隊打一隊，所以存在一定既複雜性。但係我地可以將團戰具體理解為幾個因素既攻防。
一丶血量
　　→即雙方生命值
　　→決定擊殺的變量
　　→與ＭＰ量有某程度的相聯性
ｔｉｐ：殘局時留意所有人的血量，選擇下一步行動（追殺殘血對手，保護我方殘血隊友）
ｔｉｐ：由於公會技能英雄的犧牲在我方有成員陣亡時可以為隊員回復一定血量，在必需時候可以犧牲自己，為隊友換取血量

二丶ＭＰ量
　　→即雙方魔力值
　　→施展技能的必要條件
　　→角色復活時受擊殺數影響
　　→與ＨＰ量有某程度的相聯性
ｔｉｐ：留意隊友ＭＰ，估計隊友會否放大招，從而配合
ｔｉｐ：如有ＭＰ鏡，可以留意場上高ＭＰ量對手丶盡量提防，亦可通知隊友提防

三丶空間
　　→即我方於場地上可進入或經過的範圍
　　→我方空間越大，同伴的生存機會越大
ｔｉｐ：在對手場上只剩一人或兩人時可以夾擊，各自負責封鎖一部分空間，唔好同隊友係同一個位追

四丶時間
　　→與法師丶弓手等能自行快速回復魔力職業的ＭＰ量有正向關係
　　→與持續狀態（霸體丶末日誓言丶覺醒）的效益有負向關係
ｔｉｐ：由於施展主動技能會有定格，對付霸體等短時間狀態可以用技能定格強行控制，令對方的狀態消失

五丶輸出機會
　　→控制對手（覺醒丶普攻捉人）即產生輸出機會
　　→施展技能直接產生傷害的機會亦計算入輸出機會
ｔｉｐ：合理使用大招，最大化其效益

我方於以上五種因素積累越多優勢，勝率越大。所以打團戰可以理解為：為我方爭取以上因素丶破壞對手擁有的以上因素既攻防過程。

擊殺數：
由於新一代團戰使用團隊死鬥系統，擊殺數對復活時的我方成員有大幅影響。

擊殺數定律
　　→我方成員陣亡後，如我方擊殺數高於對手１，復活時成員ＭＰ減半丶
　　　劍之道能量歸０
　　→我方成員陣亡後，如我方擊殺數高於對手２，復活時成員ＭＰ歸０丶
　　　劍之道能量歸０
　　→我方擊殺數落後於對手時，復活等待時間縮短
　　→我方擊殺數超越對手時，復活等待時間延長
ｔｉｐ：不時留意雙方擊殺數，以作出適當反應


（２）新一代領騎的定位
　　由於受呢一代既劍之道系統丶血量丶減傷效果影響，領騎應定位在控場丶傷害吸收丶持續輸出角色上。為隊友爭取空間，時間同輸出機會以及持續壓制對方血量丶空間就係領騎既首要任務。
　　為左可以完成呢個任務，我建議配裝係５０％血量丶爆擊與增減傷對半，爆擊居多。

（３）劍之道系統
　　相信大家都知道艾仔劍之道系統既特性，在此我唔作詳述。
一丶藍開
相信大家都知，如果開局第一次普通攻擊係以ｚ（弱攻擊）擊中對手，會增加紅色（破壞）能量，而係以ｘ（強攻擊）擊中對手，會增加藍色能量。係團戰中，領騎如果以藍色能量開始，可以更快地獲得魔力，更快地獲得魔力代表更快地開大劍，更快地可以控場丶輸出。
ｔｉｐ：開局時用↑ｘ打跌對手係最易既藍開方法

二丶活力狀態下控制魔力和血量
進入活力狀態後，領騎既魔力可以話係川流不息，所以係呢個時候我地可以適當運用魔力，減少受到既傷害或作爆發輸出。


（４）技能配置
建議技能配置：
一丶霸體
二丶末日誓言
三丶破甲
四丶音波衝擊
五丶升龍斬
六丶武神契約
七丶腳踢
八丶旋風車輪

建議技書配置：
一丶霸體
二丶破甲
三丶升龍斬
四丶腳踢

技能詳解：

霸體
概說：
　　呢招係艾仔既獨有技能，艾仔由於手短，好多時白兵戰就係靠呢招。
　　無硬直狀態除左可以用於衝陣救人外，亦可以用作近戰時強制控制對手既手段。
　　另外，減傷效果亦可以作為傷害吸收器，對大部分技能／普攻傷害有大幅吸傷作用。領騎作為一隻近戰，係戰場上站立既資本就係血量。所以善用霸體，將傷害壓制到最低，長時間留係戰場上會有助我方。

用法：
一丶於戰陣外施放，再以→→ＺＺＺ衝入陣內→進行救援／反捉
二丶於自身危險時施放→以無硬直狀態反擊／脫離戰鬥
三丶於末日誓言狀態下施放→確保不會被控制
四丶於某Ｄ追蹤技能（ＴＴ追炮尤其有效）擊中前施放→大幅吸傷

註：霸體既減傷效果對某Ｄ無視減傷效果技能無效（ＤＷ天懲丶雷文覺醒核心丶末日黑針）所以上左霸體只係屬於半無敵狀態，都要避免硬食無視減傷既技能。
ｔｉｐ：如果接近戰陣，一起身就出霸體，會有意想不到既效果

末日誓言
解說：
　　末日誓言係領騎發揮控場丶輸出效用既關鍵技能。由於有魔力項鍊丶劍之道系統等加快領騎回魔既速與率，末日誓言既２５０ＭＰ代價其實十分輕微，而效益卻大大超越其代價。
　　末日誓言施放後劍氣攻擊會對在範圍內對敵方造成大硬直，有助控制對手。
　　其後增加攻擊範圍除左可以控制對手，幫我方產生輸出機會，更可以幫自己增加回魔機會。

用法：
一丶向複數對手施展→傷害輸出丶控制
二丶配合破甲丶武神契約向單數對手施展→爆發輸出
三丶施展後在攻擊範圍增加狀態中以普攻不斷攻擊對手→控制對手，幫我方製造輸出機會
四丶施展後在攻擊範圍增加狀態中以普攻不斷攻擊對手→令自己回復魔力，再以其他技能輸出

ｔｉｐ：在活力狀態下末日誓言的ＭＰ消耗量下降為１７０，可配合破甲（３０ＭＰ）丶武神契約（１００ＭＰ）大幅增加劍氣傷害，造成爆發
ｔｉｐ：由於角色死亡後末日大劍狀態會消失，所以在大劍狀態下多開霸體避免被捉，被捉即時斷魔
ｔｉｐ：大劍狀態不單會增加普攻範圍，破甲丶腳踢丶升龍斬都會受益，其中一個小技巧就係大劍狀態下使用腳踢／破甲可以擊中後方，可以作為陷阱反捉背面對手或修正連技。

破甲
解說：
　　領騎增加輸出其中一個關鍵因素，破甲與無破甲狀態下打出既傷害可以係天壤之別。
　　由於對手處於破甲狀態，我方物理攻擊有增益效果。
用法：
一丶自己捉到對手後以破甲連技→增加對其物理傷害
二丶隊友捉到對手後淨出破甲→增加對其物理傷害
三、在大劍狀態下破甲→小範圍控制

註：破甲成功後會有金屬撞擊聲（叮），可以以此快速判斷應唔應該落大招

音波衝擊＋升龍斬
概說：
　　你可能會問：點解會將呢兩招套埋一齊講呢，其實原因好簡單：因為ＭＰ２傷害下修，沙塵暴已經冇左輸出既效用。所以領騎既主傷害輸出改為音波衝擊同升龍斬。而呢兩招通常都係套埋一齊用。
　　由於呢兩招都係１００ＭＰ既技能，所以可以配合破甲丶武神增加傷害丶靈活度極高。
用法：
一丶以音波＋升龍兩招同時輸出→爆發傷害
二丶在連技中置入升龍，補普攻，再放音波→延長連技
三丶施放武神後再以音波＋升龍同時輸出→爆發傷害

註：配上技書，升龍斬有降低對手擊倒值效果及增加爆擊機率效果，善用降低擊倒值效果可以延長連技。

腳踢
概說：
　　由於領騎冇減少普攻擊倒值既被動技能，呢招變成延長連技既關鍵。
用法：
一丶自己捉到對手後，在連技中置入腳踢→延長連技
二丶隊友捉到對手後，補上腳踢→延長隊友連技

註：要留意腳踢有踢穿人既ＢＵＧ，踢之前做定心理準備，如果踢穿即刻反身捉番，否則你就悲劇了。

旋風車輪
概說：
　　推進距離好遠，用黎衝陣救人一流。而且傷害量不低。另外係大劍狀態下會增加攻擊範圍，令車輪實用性奇高。少年，不要想太多，向前轉吧！
用法：
一丶在戰陣外施放，飛入戰陣中→救援
二丶在大劍狀態下可以推開敵人→控制

註：車輪起手較慢，應該在一定距離外／霸體狀態下施放。

（４）領騎的戰鬥節奏
第一階段：
→藍開
→用血換魔（被打／開霸體衝陣普攻）
→施放末日誓言
→大劍狀態下，以較多ｘ攻擊，以加速藍色能量儲集率

第二階段：
→進入活力狀態
→第２次施放末日誓言
→以較多ｘ攻擊，使藍色能量消耗下降
→捉到對手就以升龍丶音波（配合破甲丶武神）輸出
→霸體長開，被捉即斷魔，控制傷害
→大劍，活力狀態消失前預留１５０ＭＰ以上魔量

第三階段：
→大劍狀態消失丶活力狀態消失，劍之道轉為紅色能量
→再儲集２５０ＭＰ，以準備第３次末日誓言
→第３次施放末日誓言
→以較多Ｚ攻擊，以加速紅色能量儲集率
→進入破壞狀態
→利用破壞狀態的自動霸體和增傷效果作輸出／控場


暫時寫住咁多先，８８。

Meritnam

職業平衡大改即將來臨
劍道上修 踢腳踢穿BUG修正應該都唔遠


話說 上次我開末日排正式 中詩人你既破防武神雙mp1連擊....
比想像中痛好多 輸出已經比得上我既紅字天懲.....

hj1op2

跟進職業平衡既話 騎領又會威返唔少
首先腳踢Bug修返 然後儲劍道氣又上修

糟糕君

我道之劍丶騎領！
更新Season2之後騎領比起另外兩職真係厚幾倍

rockman15963

已決定領騎留下 IS轉符文((揮手
我發現打某些人/職 無左大劍亂舞係唔掂

流浪的詩人

回覆 Meritnam 的帖子

系牙因為雙mp1出手快，上埋破壞，破甲，武神，中左分分鐘會爆血。

但快還快，始終五似天懲1hit爆發，雙mp1有得cut，記得上次差d靠呢下逆轉，但比你cut左後面升龍，之後悲劇埋哈哈。

veRy

人氣方面就不作評論
始終依度都係子板塊 人流當然比較少 你唔講我都唔知你有個post係度
上面講到音速之刃無視霸體依點我有所保留
據我玩狂鋒既小見識 霸體食音速之刃 依然有減傷效果
講番整體 的的確確 有參加既價值
玉就冇 得啲小意見

流浪的詩人

veRy 發表於 13-6-2 01:48 PM
人氣方面就不作評論
始終依度都係子板塊 人流當然比較少 你唔講我都唔知你有個post係度
上面講到音速之刃無 ...

音刀斬霸體我未有真正測試，
只係目測，
可能講法會有謬誤。

今日我會測試實際效果，
多謝提點！

另外個帖人氣方面．．．．．．
哈哈我都有ｄ　ｓｈｏｃｋｉｎｇ，
因為以前我會係主版度出攻略，
但成日都俾人話錯區，
今次終於岩區，
冇人笑我錯區了。
因為睇都冇人睇哈哈（苦笑

veRy

回覆 流浪的詩人 的帖子

冇計 子版真係少人見到
我自己個影片樓情況都差唔多

Kirito196953011

hkgkgk

parry1234

多謝分享'