吐下苦水

伯爵

我好窮  又唔令仔  又唔識點樣比更多既浪漫  更多既疼愛比你
我唔去買衫唔去洗錢 我想草多個錢同你結婚
我都係想以後每日都可以陪住你  都可以同你分擔
我見你電話用左好耐
死慳死抵咁草錢買既新電話比你
我呢....我繼續係用返部舊電話
我都係哄你開心姐  你話想要既野  
每次我都話唔好  但係我次次都偷偷地咁買
我都係想比驚喜比你
我有一個好愛好愛好愛你既心  你唔好睇我目口目面
其實你次次有事 唔舒服 我都係最擔心既一個
雖然唔識煮野食  炒個飯連鹽都唔記得落
你同我講返冇落鹽個陣  你係笑住咁講
我知道你係知道架 你係知道架 有冇任何調味料  個炒飯都係最好味既
因為個份心思...係最好既調味料......
我真係好想繼續同你一齊行落去 真係好愛你

點解你依加要咁絕情
到底我做錯左d咩  到底做錯左d咩
我最錯既野係咪到依加都仲唔知錯....
封面書 封whatsapp del哂所有我同你既相  我都唔介意
仲話要轉電話號碼  ok我會體諒你
但係分手到依加你連少少唔開心都冇....
3年喇  3年既感情  係咪真係連傷心都唔會有啊
他媽的  你唔珍惜我  但係我偏偏忘記唔到你
我丫  我丫  點解會咁傻會愛上你
早知我唔打機....我唔打機就唔會識到你
唔識到你  我就唔會愛上你
你依加開開心心去睇明星去追星
好啊....我一個人孤零零去睇戲.....
仲傻下傻下咁拎住個2人套餐入場
(唔知點解佢會比張飛我  仲要係2人套餐既)
成場一雙一對  我呢單拖食住2人套餐  你估好好食丫
一D都唔好食  爆谷苦既  汽水苦既  咩都苦既
我去到感動既位  我好自然咁拍左落隔離到(冇人坐既)
我以為你仲係我身邊....我哭左成半場戲  你知唔知
見到你鐘意既野  我仲係想買比你  你知唔知
我知道你依加鐘意神話....我想買佢既CD比你  你又知唔知
你通通都唔會知  你通通都唔想知
就算你點對我都好.....我都係忘記唔到你
你唔係世界上最令既女仔  但係你係我心目中已經冇野可以取代到你
我呢  咁我呢  我係你心目中  係死左定係進化到透明丫

他媽的  點解要比我識到你  點解要比我愛你
他媽的  你以後就算喊哂口咁話想係返埋一齊
他媽的  我點都唔會同你再係返埋一齊
係你唔識珍惜我  係你唔識珍惜
成日話我顧自己  我顧既通通都係你
你根本唔去了解過我真正想要既係咩
我真係想要一份尊重
頭1年大家都係有尊重過大家
但係之後呢....我對你千依百順
你對我千抱怨萬抱怨  
我變  我係有變丫
但係邊個搞到我變丫
日日比你鬧好過引  見親面比你話好過引
我一D都唔過引囉
你做錯既時候我想話你
但係我唔去話你  我反而去忍受你
點解丫  我都係唔想我地嘈交姐
咁都要比你發我脾氣既  你有冇諗過
你到底係想要一隻聽教聽話既狗  定係一個真心愛你既男朋友丫
我唔會再比機會你傷害我
絕對唔會
講完
真係打到火火地

但係ctyin  我愛你  我真的好愛你

hoyin2234

喺你去愛一個人之前 要識得點樣愛自己先
唔係話咩都就晒佢 咩都買俾佢就叫愛佢
我唔係叫你唔好為佢付出
只係話喺你付出之前 請諗一諗自己
盲目付出 =/= 愛
咁樣反而會寵佢

我明你好愛佢 但點解佢對你抱怨/佢做錯果陣唔同佢傾下?
一味為佢改/一味忍係冇用嫁

BTW我覺得你肯咁為佢 已經做得唔錯
佢唔珍惜係佢既事

紫靈姬

我深信你係曾經深愛過佢,而家既你對佢既愛已經變成怨恨.
佢唔懂得珍惜你,你為佢既付出,其實我相信佢係曾經感受得到,但兩個人一齊無可能永遠都會開心,總會有爭執.
3年以黎,你地都有爭執過,佢對你既不滿,你都會有唔服氣.
咁樣既關係無論如何都唔會長久的,當你愛佢既時候你會真心地去為佢去改.
你都可以提出你對佢既不滿,以溝通形式去講.以唔係出於指責.無人會鐘意比人話.
就算幾愛都好,你唯一可以做既就係包容,佢都已經做唔到包容了,意思就係代表住,佢已經慢慢開始對你感情淡了.
直至到想放棄,可能佢當時提出分開你大受擊,不斷係自己FACEBOOK打野,WHATSAPP搵佢,打電話搵佢.
先會導致到佢想封哂關於你所有野,電話都改了.又或者佢係一個逃避既人,唔想再有任何餘地.
佢做到咁絕情,你就無謂絕對鑽牛角尖,想想努力儲錢,都可以為自己將來養老時候作一個打算.
你也可以為自己活,並唔一定只為對方活,當然唔係叫你以後都唔好付出,只係唔想毫不保留,留返些少餘地.
當你付出了,再去計較返,咁請問你...你自己係咪真心愛佢呢?真心愛的話,一定唔會係由愛生恨.只會係一種遺憾,覺得自己做得唔夠好,先會令到佢走.
會反省自己,努力做好啲,將來一定會有一個真心愛你懂得珍惜你的人,因為唔係你放手,只係佢問題..

伯爵

我唔識點樣去表達自己 成日都將心事收埋係心到
就算講都好 我都總係揀左個唔岩既時間去講
我成日覺得  好野我會同人分享  但係衰野我自己一個人承擔
我從來唔會比佢知我有野唔開心
我唔想多一個人陪我唔開心
特別係佢  我更加唔想見到佢唔開心

<<~~就算幾愛都好,你唯一可以做既就係包容,佢都已經做唔到包容了,意思就係代表住,
佢已經慢慢開始對你感情淡了.直至到想放棄~~>>
你呢一句  正正就講中左佢.....
我可以點  佢同我講話對我已經冇感覺既時候係5月中既時候
我問佢一句野  係咪我再做咩都好  你都唔會再有返感覺
佢話會試下 佢同我講  如果仲係對我冇感覺
叫我放手  個陣我對我自己講，我會令佢再愛返我
但係我可惜做唔到 我走既時候係我同佢講分手
係6月2號個日講既  我諗左成個星期先決定講
我想比到幸福俾佢既人係我
我想陪佢到白頭既人都係我
但係我自己可以咩......
個晚我成晚都係到問自己
點解唔呃住自己  唔通我唔想多留一日係佢身邊
我好想留係佢身邊  如果我繼續呃住自己  咁就可以同佢一齊耐D
但係佢同我一齊 佢唔開心多過開心
就算個陣時佢話開心  但係佢之後都同我講左句  冇以前咁開心
我既離開對佢係最好  但係對我係最壞
如果當一個唔愛佢既人要走  會走得好絕情
但係當一個愛佢既人要走呢  會唔會走得咁絕情呢...

我唔知等待有冇用  不過我都係會去等
因為係某一年既中秋  我當住佢面前發過誓
" 我今生只愛你一個  永遠永遠都唔會變 "
係認真定大話  我清楚  正因為我清楚  我先會等
我今年21歲  我唔介意孤獨終老  我只介意陪我到白頭既唔係我呢生最愛既人

冷月明

21歲仔...大把世界啦!
自己重新振作先係重點
放縱自己既日子夠了...係時候面對自己啦

吞食貝貝

你愛佢,但唔愛自己,所以人地唔會珍惜
你捨棄自己既享受對佢好,除左係你自卑既反射
更加係拉遠左大家既距離(佢不斷向前走,你不斷留係原地)
你識得愛一個人,用哂所有心血去愛佢,但係唔識處理呢段關係
愛一個人好易,維繫段關係先難,人生有咁遠路,要走到最後就要識
其實你單向咁對佢付出好多好多,但係你明唔明佢真實既感受,你比佢既,係佢想要,定係壓力?

雖然佢唔珍惜你,不過你唔洗灰心,你先21歲,加上你既好處好多人都比唔上,你會遇到更好
但千奇唔好因為呢次經驗令自己對將來女朋友既態度有咩負面改變
既然過去左,就唔好留戀,可以做既係反思同為將來努力
溝女又好,搵FD玩下又好,做D自己想做,做D同佢一齊而做唔到OR無做既野

伯爵

我都係琴日先知佢既真實感受
佢同佢新仔一齊睇演唱會睇得好開心囉
十日都冇  咁快搵過第2個  佢真係冇得頂
挑佢  佢不仁我不義  我原本仲諗住等佢
依加真係等佢個頭  我搵第2個更愛我既仲好
21歲唔後生架喇  好彩既仔都有埋架喇:p
都真係一句  我想搵既唔係女朋友  係想搵終身伴侶'
一個我好愛佢  佢又好愛我既終身伴侶

面對又談何容易  真係想講一句
佢依加過得好快樂好開心丫
我一定會比你過得更快樂更開心

亞豬蘭‧察拉

樓主~你想要的太理想化了~人無完美啊~
樓上有位大大說得很有道理~樓主的過份關懷是顯出自卑的表現，你未能給予她信心....
樓主對她的愛出發點沒錯，但方法也未必正確......例如: 對方可能想要的是初初令她感動的你...
但時間一久了令到感情變質...這是每段感情的必經階段，但很多人都過不了這關....
失戀並不可怕，數天後你會發現地球依然轉動，天也沒有塌下來.....其實沒什麼大不了^^
緊記，放下過去才能開創未來.....

bdywq

這個社會,,窮就沒辦法囉,努力創造吧,女生都嘛是向錢看

紫靈姬

每個人都係自私，當你自己認為可以花一生時間去等一個唔值得你去等既人，到頭來都只係自己既一廂情願你就會醒覺。但希望你凡事唔好諗自己對人有幾好幾付出，愛並唔係單靠物質上既付出就係叫好愛對方，亦都不能掛係咀邊話自己有幾付出得多，你要計既寧願你連付出都唔好付出，如果個個都係計較既人，咁係咪最應該計較係你父母呢？養到你牛高馬大，你有無盡一點孝心，女死女還在，既然呢個唔珍惜你，實會有機會遇到Ms.right 。首先既係做好本份，你吐苦水唔係問題，只係你單方面支持，難道你係呢段感情就無做錯過任何野？
吐苦水你可以搵朋友吐，但你吐得上黎真係有點反感，呢頭話等人，咁人地唔會拍拖咩？個頭人地有男朋友，你就話放棄，我都覺得你好有問題，前言不對後語，你上個刻話等人你就應該預左佢會搵到男朋友，然後繼續等，關咩分左手10幾日就識左第2個咩事，現實啲講句，佢根本就係一早有第三者再同你分手，求搵個藉口啦。你咁就叫好愛……認定左？愛一個人可以咁易放棄，你真係唔好再吐吧啦！見到都火火地= =