玩三國無雙呀??一條友抽到堆怪飛開哂

gs4

如果幾個人隊組打,D怪咪打到飛去大西洋?

扑扑先生

閃到頭印暈

生菜魚肉

段片隻人最初行咁快? 開左加速

§愛戀夢B§

完全無打擊感咁-.-"

§星月§

生菜魚肉 發表於 13-6-10 01:47 PM
段片隻人最初行咁快? 開左加速

有跑步制可以加速 , 不過有限制

§星月§

而且段片有d lag 先會有d 錯覺

有玩壓力測試既就知

媽呀好毒呀

台制既技術始終未夠成熟，瑪英2007年出宣傳片，我當佢06年開始製作，到12年係台灣推出(唔計韓國推出)，拉長計都係6年時間。

參天話製作左8年，8年時間比唔上人地6年既製成品，明顯技術力不足，衰啲講句冇咁大個頭又想學人戴咁大個頭盔。

結果出黎既就係四不像，到喉唔到肺。

摩記托拉

回覆 媽呀好毒呀 的帖子

講緊畫質? 睇片唔準吧, 有幾樣野影響
youtube 解象度
拍攝者電腦配備
畫質顯示
拍攝工具的設定

唔好學埋隔離殘障仔d野唔該

媽呀好毒呀

唔係畫質，畫質呢樣野玩過台版測試都知，標準台製水準不用解釋。

簡單舉幾點：

[一] 武器一職三款，明顯想做成玩家對應不同情況作切換應對，但實際轉換流暢度極差，無法帶入攻擊連段之中，浪費左整個系統，連名將既切換武器都流暢過佢。

[二] 打擊感貧弱，作為一隻注重連段技巧既無鎖定遊戲，最大賣點本應為爽快連段+痛快打擊感，可惜兩樣都冇。

[三] 沖茶、天燈、浸溫泉，睇得出想打造出有異於市面上一般遊戲既特色系統，但又係半桶水，晴空都有浸溫泉，人地浸又浸得快過你，浸完個BUFF又實用過你。天燈其實有咩用我玩左陣都唔明，除左寄信仲有咩特別？沖茶一開始玩落好似幾有新意，其實同一般遊戲既製作系統一樣，整出黎既茶就算品質良好都係垃圾效果。

暫時舉呢幾樣其實都可以改善，希望你唔好下下都話人殘障，出得聲插隻GAME其實都想隻GAME好，如果想你死我聲都唔出啦，駛咩同你係到講野浪費時間。

一味讚隻GAME只會顯得你一係膚淺，一係打手。