同十二星座做朋友

绿袖子

白羊座
佢一向好鬼忠於自己，無論到底呢個諗法係唔係正確，所以同佢溝通唔需要太過上心，而且千其咪嘗試改變佢的諗法；另外霸道同自我中心亦係佢特色之一，所以同佢一齊記住畀多兩分面子佢，一旦成為好朋友，白羊座係會願意為你赴湯蹈火！


金牛座
性格親切斯斯文文，鍾意玩冷眼旁觀，成日一副無乜所謂的表情，都幾受人觀迎，不過呢，骨子裡面好鬼固執同小器，有時唔覺意講錯句說話佢會響心入面嬲你一世，所以同佢相處最緊要坦誠，鍾意唔鍾意都要講畀佢知，肉麻Ｄ都唔緊要！


雙子座
雖然佢好似係人都講得兩咀夠晒交遊廣闊，其實大多數同佢都係點頭之交，因為佢唔會輕易畀人見晒佢雙重性格兩面；再加上佢一向都係神神化化兼好多神經質，所以要同佢做老友首先一定要頂得住佢情緒化，同埋果種「事不己己不勞心」的態度。


巨蟹座
媽媽型的巨蟹座基本上係好容易交到朋友，不過一旦熟絡之後就會發現佢有Ｄ陋習都幾難攪，首先係佢幾自我保護，有起事佢會顧住自己先，佢鍾意貪小便宜，有時會情不自禁響你身上貪埋Ｄ一份，另外好多苦水吐，只要包容得到要做好朋友冇難度！


獅子座
老實講，以佢呢種勁自我中心，兼又要人認同的星座，真係好少人頂得住，不過同白羊座唔同，佢自我中心之餘亦有少少包容人，只要你頂得住佢認為自己樣樣都係最好同最叻，每日讚佢醒，久而久之大家就可以建立到感情，佢亦會好鬼重視你！


處女座
係人都知處女座難相處，唔係因為佢挑剔，而係佢成日覺得自己無錯全部都係人家錯，同佢講道理一唔想聽佢就會發癲！有憤世嫉俗的傾向！所以要同佢做朋友，最緊要唔好同佢斤斤計較，由佢講你唔好講，就算有錯都唔好篤爆佢，總之以靜制動啦！


天秤座
先天天秤座係好鬼受人歡迎，雖然唔係屬於社交圈子入面的重心人物，不過永遠佢都係團體活動中出席者的必然之選；受歡迎原因當然係因為佢份人成日都無乜所謂啦，不過有時過份得滯變成冇乜主見同好鬼依賴，同佢做朋友要多多包涵佢的優柔寡斷。


天蠍座
無可否認呢，天蠍座確實係一個城府甚深的星座，而且佢鍾意玩神秘，所以講到做朋友，唔係話你想做就可以埋到佢身；所以如果講到做朋友，都係要由天蠍座呢方話事，而且千祈唔好太過行入佢的「完全網」底線，唔係講到幾老友都係假！翻硬臉！


人馬座
人馬座係最相識滿天下，因為無論男或者女的人馬座都係一個活潑開朗有趣的人，大家都樂於同佢一齊，不過呢，響佢鬼馬的另一面係佢Ｄ獨斷自我有時都幾難頂，尤其係佢本身Ｄ價值觀，同佢做朋友千祈咪直斥佢，仲一定要認同佢Ｄ似是以非的觀點。


山羊座
單係睇山羊座個樣都已經係一副凍冰冰拒人千里之外咁款，而佢本身亦都絕對唔係好客果種人；而且佢識朋友係重質不重量，其實只要一旦成為老友佢會好珍惜呢份感情；同佢做老友最緊要唔好太計較，因為佢隨時一年先主動打兩三次電話畀你。


水瓶座
重視朋友係水瓶座的特點之一，佢唔會好似獅子座咁浮誇做畀人睇，而係傾向用個心去錫Ｄ朋友，尤其係當發生患難時一定會見到佢Ｄ真情；不過要留意係佢較鍾意玩君子之交淡如水，而且對人成日都好似冷冷淡淡咁，呢Ｄ怪癖就要包容一下啦！


雙魚座
為人溫柔再加上對人親切，令到呢條魚仔響朋友圈子中都幾吃得開，不過呢，一旦大家相處耐Ｄ，就會畀佢糊糊塗塗的性格嚇親，成日撞板不止，有時連約會都唔記得；另外，其實佢亦都唔係好以想像之中咁簡單同傻，想同佢做朋友要有心理準備呀！

A512455

怎么沒有我的星座，是不是漏啦http://bit.ly/17BLAN9

绿袖子

方曉琪

我是雙子座。http://bit.ly/17BLAN9

SukiBabei

雙子座

A512455

巨蟹座