本帖最後由 jason931227 於 13-7-22 05:52 AM 編輯
首先我想講大家唔好咁有期望,亦都唔洗失望,我將會由我係台服CCB既經驗總結成隻GAME既好與壞
第一,我相信大家都有玩過傳奇既遊戲,都有唔少既認識,幻想神域都唔例外,有好多傳奇一貫既作風
100層方面,CCB冇開放,亦都冇講過係點同係邊仲有係咩形式,所以我都唔清楚,不過我就覺得唔好太大期望,因為如果大家想唔係晴空城咁既方式,我真係諗唔出可以去點打造大家心目中既100層
第二,組隊既概念,係幻想神域入面,平時組隊打怪係唔會分享1經驗,2掉落物品,3任務打怪既次數(姐係你個任要打怪物A 10隻,你個隊友打左隻怪物A,你個任務仍然係0/10,姐係話你10隻都係要自己打(其實只係要開怪,仲有你隊友開左怪你幫手打你都係冇),所以組隊只係要黎打副本,或者平時你打怪升lv要人幫手加血/buff,
BTW 所有buff都係30lv打後先開始有,仲要開buff係要用消耗品(ccb既時候1個1金幾,真係搵鬼開),總括而言,平時升lv大部分時間係單機,當然你可以組d fd吹水
第三,副本方面,ccb封頂係40lv,開放左既副本得2個,28lv同38lv(2個都係5人副本,有單人模式),28lv冇人刷除左為錢(其實唔多錢,多數都單刷),到38lv副,佢係會掉40lv綠裝(有睇官方篇文都知綠裝唔廢,仲要有套裝效果,雖然個效果唔明顯),當我地刷齊一套40lv綠裝連武器,沖左少少,同埋打齊秘石,大部分職業都可以單刷5人模式(帶少量hp水加上避開boss d技既技術),重點,副本每日限次數(暫時),單人3次,五人3次,朝早6點重置(傳聞有人2日單刷足28lv同38lv副本有成100金)
第四,沖裝方面,我見出面d帖都有部分有講關於沖裝,但係大家都有d誤解,其實佢既沖裝模式好簡單,首先佢頂係+20,之後佢d強化卷可以刷怪拎(又係單刷,但係係基本個種),仲有沖裝要有一定數量既源神點數,源神點數係靠平時打怪打到d裝分解就拎到,重點佢強化係有機會直接成功,而唔係大家講既草經驗,到失敗既情況,失敗係唔會爆or降級,而係會加你件裝既潛力值每次加既數字都唔同,當你有一次失敗之後加既潛力值同你件裝本身既潛力值加埋係>=100,咁佢就會幫你升一級,舉個例你把雙手杖+7,潛力值有95,你再強化都係失敗,但係呢一次失敗咁岩加潛力值5(95+5=100)所以你把雙手杖都係會變+8,但係你既潛力值就會變0,掉反轉,如果你係直接成功,把杖都會係+8,但係潛力值keep住係95,當然越高越難升,亦有高級d既強化卷
第五,都係講裝,順便講埋掉寶,防具係冇分咩布甲輕甲重甲,你咩甲都著得,只係加既野唔同,武器就一出世揀定左,到40lv先有副武器(ccb未開放),到掉寶,掉寶率係逐個人計唔係一隊計,意思係點,姐係我同你(組左隊)都打過隻怪,佢就會獨立計算隻怪掉寶比你既機率而掉野比你,再獨立計算隻怪掉寶比我既機率而掉野比我,所以係副本打王掉寶係唔洗roll骰,個個都有份,但係未必出你岩用既野(武器),我ccb玩雙手杖,刷38lv副刷左2日(12次),last一次先出枝杖比我,仲要打副本出既裝係不可交易,唔係綁定,係不可交易所以都有d kai,順帶一提,金裝係ccb到都算大眾化,唔知係咪改左個機率,平時打野怪有機會掉個寶箱出黎可以開,開左之後d野一定係開怪個個人拎,basic一定有3件藍裝(裝備綁定,都唔廢),但有機會一件or兩件or三件藍裝都會變左做未鑑定既金裝,右鍵就可以鑑定,出黎未必岩你屬性但係係裝備綁定,姐係可以同人換or賣,但係ccb有既金裝(最高暫時35lv),基礎屬性都會比40lv副本裝低一d,但係齊一套個效果係超可觀,我見過機率係一定時間內反傷50%(pvp神裝),講返秘石呢樣野,平時刷怪都會掉,可以交易,秘石係裝上件裝(唔收任何費用,一定成功),每件裝暫時得一個孔而且唔見有開孔既野,d秘石會加能力同埋一招技既傷害,招技未必岩你但係加能力都可觀,每粒秘石都可以升級而且都係免費同唔會失敗,但係升級既材料就要刷怪,其實好易出,不過升到某個lv就好難升,升秘石lv可以加粒秘石既能力(全部),加幾多就視乎你升到幾多lv,係d裝到拆石出黎又係唔洗錢同唔會失敗,總括而言,有恆心既玩家係可以唔用錢一直刷怪刷到好多秘石,強化卷同升秘石既材料,身裝都可以好勁(當然用錢會快好多)
第六,源神(寵物),1到40lv都唔覺得有幾大作用,因為平時打怪你係秒怪咁濟,打副本佢食一下王技就gg,所以大部分都係得個樣,淨打任務d中形boss先至可以用下佢招必殺黎打(好高傷,但係用既時候企定定,打副本用等比人秒)有用既其實得一開始隻夏娃同隻一定好難拎到既妖狐(lol既ahri),因為佢地有得補血,平時打怪可以幫你補下血唔洗下下食hp水,但係夏娃補得唔多,打副都係唔夠用,妖狐個名叫玉藻前,佢招回血回得多,仲要範圍補,係神一般既存在,升源神又係要d材料,d材料又係可以刷怪拎,源神可以進化,進化要到特定lv同埋有特定材料,d材料要用源神連結(簡單黎講姐係用佢d好感度同等10分鐘禁個制換d材料)一切都係機率,d好感度就係同佢傾計,又係禁幾個制,一路連結又可以拎佢出黎用,btw進化個樣都係唔變,係加左能力only
尾二係pvp,暫時最強(未有副武器,同埋講緊高手技術)係火砲/大砲(唔記得叫咩名,是但)有定身有暈,有補血有擊退,沖防可以沖到降低同等級既傷害75%,再沖攻沖到萬5攻,萬7血(40lv),我雙手杖萬6攻,55%防,萬4血,我有暈有擊退有補血,我打到佢仲有一萬我就死左,之後我見佢同其他職/人打未輸過,其他人都係高手(識避技,連技正確,走位強)都係唔夠打;火炮之後一定係劍盾,第二個打劍盾,2萬血,80%防,萬4攻,都係40lv,我未打得郁條血就死左佢有2招技,都係防護盾,一個係降低所受傷害,一個係受攻擊會反傷同回血,一個好劍盾比你打到佢既時候佢永遠都有個2招盾,我一招技打人(比打怪少一半左右)1萬至萬5,佢-80%姐係大約2000左右,佢降傷降600左右姐係得1400,反傷再回血,回3xx接近400姐係我打佢得1000一下再反我300幾,但係佢打我一下係講緊3000-4000,可想而知個結果係點,我keep住拉打唔比佢埋身,試過一下都打我唔到,但係我反死左/夠鐘我少血d輸左(有限時,夠鐘就睇邊個多血d,計%唔係數字(好似係));到最後大家期待已久既雙刀可以話係,副本?輸出唔高+易死,pvp?打人唔痛+自己脆,未見過一隻有技術既雙刀贏到任何一隻職,因為佢玩閃避同速度,沖爆閃都係得40%左右,問題係本身我地自己都有命中,40%打5下都未必有一下閃到,講傷害又唔夠任何一隻職高,控制都冇,得d沖鋒技,可以話係最需要加強既職業;雙手杖完全係易上手既職,打副唔會死,打pvp唔弱,有暈有擊退有緩速,打近攻冇難度,識拉打走位好易打得贏大部分劍盾,但係火炮真係未贏過(唔係淨係個個神人,至少都有裝有技術個d)自問雙手杖玩得唔差都唔係最強,但係pvp真係冇乜敵手,除左變態個d;雙手斧係尾二既職,得一招暈,一招沖,有一招自轉,不過行得好慢,比人拉到傻,傷害唔夠都係脆;到雙槍,都係少少杯具既職,打pvp唔勁,但都打得贏雙刀同雙手斧,只係其他就一律唔夠打,除非裝備有差距/技術有差距,唔係都好難贏,但係單刷副本能力極強,神走位打副唔洗食hp水完全唔係難事;到法書,法書係pvp入面唔易對付,但係看家本領係指向技唔係鎖定技,所以比人走位避左就大部分職都唔夠打,除非拉打技術一流拉到你cd好招技第2次(限打近攻,打遠攻比人避左就gg)看家本領係催眠,係打極都唔醒既催眠,中左之後就係咁比佢打晒d技落你到你行血就冇晒,你會摸都摸唔到佢就死左;豎琴係pvp最麻煩既職業,因為佢打你幾下之後keep住補血(仲要有幾招補血),滿血咁捱過時間又得,一路補一路打你又得,但係係有方法破,第一就係一暈佢就要秒佢唔比佢回血,第二就係用另一個系統(奧義,最後會講),但係係一場苦戰
最後但係係好重要既兩樣野,一係冒險之路,二就係上面講既奧義,冒險之路就係類似天賦既物體,每3lv一點,可以選擇唔同既路,每個職都唔同,唔記得cap圖比大家sorry,佢係中間一格係起點,可以向上下左右發展,你開左其中一格,下一次你就可以再係你開左個格既上下左右/本身起點既其他3格個到揀一格再開,開之前你係知道佢加乜同埋之後d格係加d乜開到某個位就會係你主武器同副武器既合體技!?要你有晒2樣武器(有規定係邊樣武器)有就會多招技,ccb未開放,唔知好唔好用,呢個都係pvp排名既轉捩點;到奧義,大家一聽個名就覺得係好勁既技能黎,其實唔係,你升到某一個lv就會解開一個孔同某d(奧義)你揀黎放入去,可以換(戰鬥中就換唔到),有2個孔係強化你主武器既技能(有指定技能),例如雙手杖既烈火彈可以強化到附帶1.5秒暈效果之類,每次用一個,之後有幾個係加你本身既能力,例如加hp xx%,防禦xx%,閃避xx%,最後一個係好有用(打豎琴既重點),佢係機率發動,令你既攻擊附帶一個效果,有6個效果你揀(1.減佢攻擊力,2.減佢防禦力,3.減佢移動速度,4.減佢速度值,5.減佢閃避值,6.減佢治療量(打豎琴必用))所以pvp打唔同既職都係用唔同既奧義,自由組合
有一樣野漏左就係基礎屬性,有d人可能唔知或者冇睇官方既文,佢分攻擊同防禦2種,攻擊有分,攻擊,速度(影響攻速同技能cd時間),爆擊,防禦就係hp,防禦,閃避,你每升一個lv就有一點攻擊點數可以加落去攻擊,速度,爆擊3樣其中1樣,防禦點數就係8lv(唔記得,大慨+-1)之後先每一lv比一點,就係加落去hp,防禦,閃避是但一樣
總括而言,成隻game係可以無限單機(暫時,刀劍既桐人!?),肯付出時間既人係可以追上付出錢既人,封頂都未必要追金裝,源神系統有d膠,出黎唔知做乜,任務都係自動導航,都係禁禁禁就升lv,成隻game既樂趣其實係pvp到(暫時),我唔知到時出左100層會唔會有咩改變,升lv好快,ccb第一日,4點開ser,7點幾已經有人封頂40lv,我6點左右先開始入,玩到11點關ser先35lv,因為試好多野晒左好多時間,我講既所有野都係ccb既事,可能cb或者ob會有變,所以都係分享下ccb心得同埋覺得唔好比太大期望大家,有咩想問可以留言,真心討論,謝絕罵戰 |
發表於 13-7-22 05:36 AM
