感情日記

死神BleachII

感情日記
8月25日，自從戈件事起，我地關係無變好過反而每日咁差落去，我每日既心情就好似心如刀割咁，諗番我地係台灣每日開開心心既日子，真係有Ｄ心酸，兩個月就可以摧毀長達９個月既感情，真係令人可笑，什至令人覺得感情係好脆弱，尼幾日我都有搵佢最好朋友傾，想了解我地到底出左咩問題，但可惜我多疑，越黎越唔信任佢，我成日都煩佢，想知佢做緊乜，但係呢，反而越問越令自己疑心更加重，同佢朋友傾，佢朋友話，唔係你問題，係佢比唔到安全感你，又話你心入面有條刺係正常，到左夜晚，我同佢講今日２５號，終於一個星期啦，但其實尼個星期我每日都煩住佢，比唔到佢時間冷靜，今日仲要嘈到佢又講分手，真係唔知點收科，之後到訓醒，我都無搵過佢，我比時間佢冷靜下，又比時間我冷靜下，我發覺其實我都要冷靜下，認真諗下我地尼段感情仲有無得發展，我最想係大家可以好似以前咁開開心心一齊，係我比得太大壓力佢，佢同我講番，佢連ＦＢ都唔敢上，對唔住，係我比左好多壓力比佢。
８月２６日，今日我又訓唔到，尼幾日，每日都訓唔到，上到床就輾轉反側，淨係識拎部電話出黎睇佢ＦＢ，我唔敢再煩住佢，想比佢靜下，其實我係到諗，我係唔係真係咁需要尼段無信心有壓力既愛情呢，雖然話就話唔捨得，但有時真係唔到我唔諗，係唔捨得，但時間點都會沖淡一切，我曾經想死，自殺，因為我想佢內疚，想佢傷心，想佢後悔，想佢後悔點解要冷靜一個星期，佢。。係唔係真係有野瞞住我，或者呃我。我真係唔知，但諗諗下，我打消左個念頭，都係算啦，人生無話無左邊個係唔得既，人總要為自己，為家人活著，但我最怕，冷靜完過後，我會對尼段感情冷淡，係我怕，係我怕自己變質，我有好幾次想ＡＤＤ佢架，但係我都係做唔到，係我唔敢再煩住佢，有時候諗番同佢朋友傾既內容，有時都覺得佢好慘，未拍過長拖，每次都係人地同佢講分手，我係到諗，我覺得係佢問題，一個星期，又唔搵得佢，又唔知佢做乜，淨係話冷靜一個星期，我覺得感情出現問題，係要立即解決，大家傾個問題係邊到架，唔係話要冷靜一個星期，我覺得咁冷靜法，我有怨氣都散晒啦，感情都無埋啦，佢有太多野其實係唔知點面對，佢唔知自己想點，心入面諗咩佢都唔知，佢太貪玩啦，仲未知咩叫定性，仲未知尼個世界好多險惡，我唔想就咁淡。但好多時都唔係由你決定，認命啦，感情世界入面，無愛與唔愛，只有夾同唔夾，好多野都唔到你選擇，唔到你話事，鬼叫我窮咩，如果我係高富帥，大把女沖過黎啦，人就係咁現實，可笑。。
因為我依家只係打緊暑假工，九月份就會番台灣讀書，我訂左機票係同佢一齊番，依家都唔知洗唔洗改期，佢仲未比答覆我，而我都唔知點同佢傾，同埋我都係無ＡＤＤ佢，我連番工都諗住佢，佢之前話過你唔可以將愛情擺係第一位，咁樣你會無事業，你唔可以成日都吊兒郎當，之前佢就覺得同我一齊係無將來，我解釋過比佢聽，但我真係唔知佢點諗，佢淨係話比時間佢冷靜，我真係唔知再點面對尼後感情，我番工都會諗，無心機做任何野，　希望我可以活過來，重新做人，無論結果係點，我唔強求，只好認命，
.......待續
２０１４年４月２１日
過左大半年多了。。。
我同佢都係分開左，原來係尼段感情裡，佢瞞住我做好多野，一開始真係接受唔到，我仲係到諗一定係我既關係，係我太小朋友拍拖，所以佢先會變心，但之後原來唔係咁。。。原來佢瞞住我，呃我同第二個一齊，我戈陣真係好嬲，為左佢我可以做到咩尊嚴都無晒，但到頭來換來一個嬲字，但事到今天，我已有所睇法，綠帽唔怕戴，最緊要除得快。　現今我話我對佢無晒感覺既話都係假，但真係會憎，但另一方面，算啦，由佢啦，人地依家點係佢地既事，如果有日係條街比我見番佢，我會ＳＡＹ句ＨＩ　再ＳＡＹ句ＢＹＥ，　但千萬唔好話搵番我，我接受唔到咁既女仔，覺得好髒～　我現在過得好好，雖然仲未有女朋友，但覺得單身一樣可以過得多姿多彩，各位２ＫＦ有痛過有傷過既巴打們，別放棄自己，雖然對方係背後插過你一刀，人地就算搵番你，你唔好咁易比機會佢，因為有一刀，就會有第二刀，人就係咁，我自己都係過來人，同一個人身上被插過兩刀，最後講多句說話比佢聽，若佢睇到既話，　　　　

　　　　　曾經以為同你可天長地久，但原來一切都只是夢幻泡影，點都好，希望你過得好好，別再玩弄其他人既感情。

qq60664

不好意思 文章最好整理一下..

s0917933615

雖然說有點看不董  但加油拉 謝分享

ccs1986

THX FOR SHARE :)

`驚雷

留名花生友

君月

看完，望樓主將下現在你們GE情況

kennyau556

誰沒有過以住既那個