依家啲人咩都唔想比錢 - 聊天討論版

2000FUN論壇 › 綜合論壇 › 聊天討論版 › 依家啲人咩都唔想比錢

查看: 3367\|回覆: 20	go [疑難] 依家啲人咩都唔想比錢 [複製鏈接]

Climax-K

一星新手會員

Rank: 1

UID: 3371599
帖子: 6
積分: 36
Good: 0
註冊時間: 13-9-4
在線時間: 2 小時

1^#

發表於 13-9-4 09:03 PM |只看該作者 |倒序瀏覽 |打印

本帖最後由 Climax-K 於 13-9-4 09:07 PM 編輯

我鍾意玩MH，每次佢出新Game我都會花錢去買，當時出係PXP呢個主機到都會去買，當時有同學同我講：「改機咪唔洗買囉！曬錢！」當時我都唔會點在意佢地講既野，到依家MH4出係3DX到，雖然3DS啲掣又唔順畫質又唔夠靚但係我都花左五百幾蚊訂左隻，點解依家既朋友又話：「傻仔3DX都比人破解左啦，曬錢買Game」
點解依家既人都唔願意比錢去買一樣野或者一樣服務，而要諗盡辦法破解諗盡辦法唔洗用錢？

講到聽歌，個個唔係用千千就用天天，我成日都係網上睇到又或者係街邊聽到某某話：「我好鍾意呢個歌手架，佢次次有新歌我都down」，每次聽到佢地講完或者睇到呢句我都好不恥佢地既行為，唔比錢買人唱碟仲要非法下載人啲歌，你最多咪話：「我好鍾意佢啲歌架，不過我唔捨得買佢啲碟囉」，我就唔捨得買唱碟或者每個月比幾十蚊用KKB_X聽歌，所以我就唔聽歌既。我早排搭車聽到幾個中學生係到講咩歌好聽，聽到佢地入面有條友（A）講：「我好鍾意Taylor架，好正好索。」我第一樣野諗既就係你聽佢唱歌定睇佢個人啊，跟住另條友（B）又講：「我都幾鍾意聽佢唱歌。」突然（A）就同（B）講：「傻仔聽歌用天天咪得囉，洗乜比錢用KKBOX。」跟住（B）就無出聲，個陣我突然覺得呢個情景就好似我同我班朋友咁，人地比錢聽歌支持歌手你盜人歌手同唱片公司財產仲好意思話人（不過比幾十蚊聽歌我都覺得唔抵，可能我個人唔鍾意聽歌啦）

睇戲呢方面，以前有新戲想睇都會叫埋班朋友一齊去戲院睇，以前哈利嘟特同多啦嘟夢呢啲戲都會睇，幾十蚊一張戲飛咪當支持下，點都平過無錢買牛肉啲MG嘟達
不過我搬左屋識到依家新呢班朋友之後，我叫佢地戲院睇戲反應就同我買Game個陣佢地比我個反應一樣，佢地竟然同我講：「洗乜曬幾十蚊去戲院睇啊，過多排PPX就有得睇架啦。」咁既然連幾十蚊睇場戲都唔捨得咁咪我自己一個去睇囉

就算話打機聽歌睇戲貴，但係whatsX一年八蚊年費其實都唔過份，我身邊同網上都有好多人話whatsX一年要收八蚊好唔抵，人地開發一個程式仲要唔加廣告免費比你用一兩年都唔心足，個啲唔比錢既人仲要係到whatsX呢樣唔好個樣唔好，真係唔好你咪唔好用囉人地又無逼你，又話Xphone比一次錢就永久免費，唔公平咁，人地起碼都叫比左一次錢，錢都唔捨得比有咩資格講公平

可能你睇完呢個帖之後會覺得我有錢所以先會有咁既諗法，但係我可以講我絕對唔富有，只係我尊重知識產權
曾經有電視節目見到醫生打機都係玩老翻，亦有藝人自拍見到玩老翻，香港醫生、藝人遠比大陸人收入高，但係大陸論壇中都可以見到收入唔高既人都捨得花幾百蚊買隻Game（雖然唔多），我可以話支持創作人同收入絕對無關係

關閉 安全驗證

[疑難] 依家啲人咩都唔想比錢 [複製鏈接]

點評

點評

瀏覽過的版塊

關閉安全驗證