不打‧短評40：超級經理人(有內容)

港產不打

不打評價：長者早場$25

不打總評：抱住睇杜汶澤而唔係睇陳慶嘉既心態先好入場

嚴格黎講超級經理人唔係杜汶澤而係阿Sa，杜汶澤只係超級出品人
八條女係脆，但索唔索真係見仁見智，不過點都好過今屆亞姐既
反而拍得最索既係阿Sa，雖然冇波，但勝在有腳，女人味十足

英皇電影一向英皇粒粒星撐場，今次連真正既超級經理人Mani也粉墨登場
遺憾只係過場，如果在戲中安排和阿Sa鬥一下，整個劇本會紮實好多
未入場前還以為杜汶澤會做返麥曦茵【DIVA華麗之後】裡既人氣角色
結果杜汶澤做返地道市井之徒，一貫浮誇既演繹，和前作既脫胎換骨相差甚遠，未有突破

導演編劇係【懸紅】馮志強，監製係【絕世好Bra】陳慶嘉，兩位也是編而優則導
馮志強編劇作品有【少林足球】【長江七號】仲有無線神作【創世紀】等
陳慶嘉編劇作品有【野獸刑警】【江湖告急】導演作品有【絕世好Bra】【人間喜劇】等
兩者明顯在劇本上會有要求，只可惜今次劇本偏偏無乜要求
捧明星既辛酸刻劃唔夠，八條女又冇乜篇幅塑造，走紅經過更加對白草草交代就算
劇情本質上係胡鬧，好多場口都係為左堆砌笑位，但喜劇效果又好似唔多見效
最深印象只有「插班女學生」和「懲教處女職員」
以往陳慶嘉擅長以各種職業或物品為切入點側寫愛情及人生
由胸圍、內衣、床到BB、化粧、賭博、電影，言之有物
今次經理人其實可塑性好高，由經理人眼中看娛樂圈百態、用星途去側寫人生等等
結果乜都冇，淪為鬧劇，令人失望

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************