不打‧短評42：第一次不是你(有內容)

港產不打

不打評價：長者早場$12

不打總評：葉念琛又一垃圾作品，預左！

從來對葉念琛冇乜期望，坦白講由佢【獨家試愛】開始
套套劇情膚淺，獲獲爾虞我詐，加埋晒D濕九對白同埋冷係絕核既金句
歪曲愛情，亦扭曲道德，除左黃精甫同杜緻朗外，葉念琛係第三個我例必去文打既香港導演

上套【天生愛情狂】有Cool魔都拍到不能知所謂
今次呢套【第一次不是你】算係少有地冇玩爾虞我詐
粵語殘片幫阿媽換腎要做援交籌旗，可以超現實到女朋友上樓做雞男朋友係樓下等佢收工
一早知道做雞，要等到前一晚先執劑？！最後仲因家人爭d撞破而冇搞到
好唔合常理咁變成第一次不是你，佢拍得出唔臉紅先好野
劇本on9唯有用插敘扭橋，補完一段想當年各行各路既真相
結局加場事隔十年既床戲，又想拍出【喜愛夜浦】既效果但功力又未夠
最後西洋菜街擁抱，彈句唔能記得咩唔可以喜歡你但可以掛住你之類既洗腦金句
結構性派膠、荒謬、粗糙

援交題材其實可以帶出好多野，可以好有層次咁刻劃援交既墜落、做雞及叫雞要負出既代價同後果等
葉念琛明顯拍唔能到有少少深度既議題
只係好膚淺咁用援交做包裝，照拍一套公式化既愛情爛片
其實第一次不是你和做援交係完全兩回事，葉念琛明顯想將援交輕描淡寫咁交代
廢能事解釋，亦廢能事去剖析，求九其胡混過關，反正當青春片咁宣傳

女主角蔣家旻演技唔錯，相反男主角馬志威完全唔能得
木口木臉，仲要配埋沈震軒把聲，又作狀又老土

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************