港鐵車長揸車剪腳甲

祖兒的誘惑

港鐵車長揸車剪腳甲
http://hk.news.yahoo.com/%E6%B8% ... 4%B2-224511065.html
【太陽報專訊】網上再有短片流出，揭發港鐵車長於駕駛時狂做「自己嘢」﹗今次短片主角在長達約十五分鐘內，不單「玩平板電腦」、銼手指甲，甚至除鞋脫襪剪腳甲，令人關注列車安全。網民揶揄港鐵車長是一份絕世筍工，呼籲市民去應徵。有立法會議員直斥有關車長行為不能容忍，促請港鐵加強監督員工。

網站YouTube近日流傳一段名為「港鐵車長絕世荀（筍）工」的短片，片長十五分零三秒。短片背景疑似列車的車長駕駛室，透過畫面中的室內光線反射，以及傳出陣陣磨擦路軌聲，相信列車正在行駛期間。片中的車長在長達約十五分鐘內，不停地做駕駛工作以外的私人事務，包括先銼手指甲，之後「戙」起大腳剪腳甲，剪完一隻腳到另一隻，更將脫下來的襪隨處丟。

甚少留意月台情況

片中車長其後悶悶哋，又「玩吓iPad、睇吓文件、摷吓袋、整理吓耳筒線」等等，忙碌之餘，又十分自娛；相反，卻甚少留意列車行車及月台上落客情況，令人關注列車駕駛安全。有網民更質疑他當時用iPad上網「睇波」。

將短片上載至YouTube的網民，揶揄港鐵車長是一份絕世筍工，形容月薪萬二至逾二萬元，保證工作絕不傷神，晉升後包你做得更「他條」（hea）。

有港鐵工會指，港鐵基於私隱，並未在駕駛室裝設閉路電視鏡頭，他估計今次片段流出，是有人貪得意私自在駕駛室裝設鏡頭而拍攝到。港鐵發言人回應稱，不清楚片段來源、拍攝日期及時間，但十分關注事件，公司亦有指引要車長時刻保持警覺及留意列車行駛情況，有需要時會按內部程序處理。

gates

睇黎真係幾爽下~

~九刈草~

段片唔知真定假.........

笑わない猫

渣依d真系好悶=]
  間唔中先禁1 2個制

冷月明

剪腳甲都好核突姐

我愛伍少梅

港鐵可恥

KA-ar

你講乜春 發表於 13-9-29 11:48 PM
呢次佢仲唔死硬  慢1架地鐵   出意外佢死得

唔存在人手慢1架地鐵
港鐵全自動化  連停車泊位都係電腦搞
個大叔只係睇電腦泊車位岩唔岩
唔岩倒下車咁
基本上真係冇野做