不打‧短評47：逃出生天(有內容)

港產不打

不打評價：長者早場$29

不打總評：彭氏兄弟還是拍返鬼片吧

彭氏兄弟唔拍鬼片，從來都拍唔出咩叫好作品，【風雲II】爛到喊
彭順前作【同謀】故弄玄虛劇情沉悶結局垃圾同一模式拍完又拍
彭發前作【追凶】佈局拙劣結局on9派膠硬加童話元素為膠而膠
諗住火場災難片呢類困獸逃生，大路中既大路，sell特技大製作，好難拍得太差
他媽的兩兄弟原來都是狼，咁既題材去到彭氏兄弟都難逃一爛

肯定唔係3D實拍，後期更加係用最罐頭既電腦程式2D轉3D
由頭到尾加埋字幕都冇乜3D效果，火場效果仲差過16年前杜Sir拍既【十萬火急】
以現今既CG同影像技術，數碼高清既年代，竟然可以拍出咁能假既火災現場，眼冤！

劇情粗糙堆砌，危機一次又一次派膠地出現，永遠突然爆炸一招玩到尾
救人過程又相當超現實，anker都唔set可以徒手用繩扯起一個人
結局相信冇理科生會睇得明，點樣扯下部lift加壓爆開lift門仲救熄埋d火
劉青雲除非食左惡魔果實，明明係lift底點解又可以全身而退？
救火過程完全冇部署冇組織冇合作，成套戲只有佢兩兄弟表演，其他消防員老臨都不如
加入「消防員冇得揀人救」既前置矛盾但又寫得唔深唔感人
講救人同【海猿】系列爭十班，寫消防員同【十萬火急】又爭十皮
連年頭中規中矩既韓國片【火海108】都不如，失望！

青雲古仔彭太都係一貫演繹，冇咩驚喜
條醫生叫陳思誠我識佢老鼠，演技浮誇又交唔到內心戲
唯一亮點反而係唐詩詠，夠索又夠搏，戲份少但夠搶戲
另外起用許紹雄同張兆輝，令人覺得好杜琪峰，感覺格格不入

發行商有心隱瞞，對香港觀眾黎講，有心理準備係合拍片，但呢套根本就係國產片
講述既係廣州消防員係廣州天河某摩天大廈的救災過程救人經過，全套戲關香港春事！？
我明白強國市場龐大，拍俾強國人睇無可厚非
但唔該俾觀眾知囉！唔好連官方資料都隻字不提，入到去先知感覺好差好突兀
好似【狄仁傑2】咁，擺到明係國產片，反而來得明刀明槍光明磊落

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************