咩話 ? 防空識別區 ?

劍俠

本人村屋撚一名，全家住一間3層連天臺，爸媽同細佬住地下，我同條女住2樓，3樓本來係大佬一家住，不過佢結婚後攞到警察宿舍後，就間唔中放假返下黎
一向同隔離屋關係麻麻，由阿爺個代已經唔啱牙，佢地經常因D小事過黎嘈，而且一直以來都因為路權有爭拗
佢地一直話我地屋門口個車位係佢地既私家路，咁查過地政署個個位係入晒我地屋既積，即使隔離個家人一直話幾百年前條路已經係佢既，個車位我地一路用開，而且知我呀哥係差人佢都唔敢踩入黎，我地都費事理佢係出面亂吠
不過近年隔離家人好似搵到d錢，又豪裝間屋，又買左兩部靚車，而且個仔(賤格二世祖一名，行到邊都有破壞冇建設，全村人都憎佢)越來越串，動不動就嘈，好似我要買佢怕咁
咁我始終都係讀書斯文人，免得過都唔同佢嘈，避得就避
可能佢真係覺得我怕左佢地，早兩日個二世祖竟然夠膽死玩晒野，圍住佢間屋畫條黃線，但係條線圍埋我門口個車位!!
佢話線內係佢地方，唔好行入去，邊個夠膽入隨時同佢唔客氣
咁我睇見梗係覺得唔對路，同佢理論佢就串過馬撚，講到要打我咁，重話會搵人定時循下，叫我出入小心D
平日佢發癲我都息事寧人唔同佢嘈，呢次踩到上我心口，我地決定唔再退讓，唔係隔離真係覺得我地冇料到好好蝦
打電話同阿哥講左件事，咁尋晚呀哥放工返過黎食飯，好戲黎啦，阿哥返到黎，一尻就泊係個車位度，咁隔離屋個二世祖即時同埋班mk朋友衝出黎想喊打喊殺之際
我六尺二寸高既阿哥，落車，除低件上衫，露出一身黑實肌肉(健身撚),唔出聲坐係車頭點起支煙深扯一啖，然後凝視隔離屋班柒頭
班MK就踏出門口即刻急停，二世祖細細聲好似屌左兩句都唔知佢講乜就一班人走返入屋
跟住阿哥食完支煙入屋，就聽到條二世祖係2樓叫過黎話，我睇實你地，你用個車位我有權趕你地走架
阿哥都聽到就笑笑口話，呢d冇賓周，得把口既癈柴，當差見得多，細膽唔揪得但係死淨把口，根本就惡唔出樣
阿哥話如果佢真係走入黎搞事，佢一隻手就可以封撚爆佢個柒頭  
到今日依家個二世祖都冇咩聲氣，唔知係咪知道玩大左淆左底  
有新發展再同大家報告

夜浦提

很曲