不打‧短評66：風暴 (有內容)

港產不打

不打評價：3D價$77

不打總評：有寒戰既張力、激戰既人性、掃毒既地道、更有荷里活既特技

真心推！個人認為是2013年最佳港產片第二名
勝過【一代宗師】【毒戰】【激戰】【掃毒】，僅次於【中國合伙人】
當然【一代宗師】和【中國合伙人】片種完全唔同，鑑粗比較好似有d唔公平
但前者只嬴畫面構圖章子怡，劇本完全腐爛支離破碎(詳見【一代宗師係睇章子怡唔係王家衛】)

後者堪稱陳可辛顛峰之作，論功力論視野係高班少少(詳見【中國合伙人，陳可辛巔峰之作】)

【毒戰】嬴佈局，孫紅雷一人分演兩角，一正一邪貫穿全場，酒店交易佈局精巧
【風暴】華仔家楝兩條線去，一黑一白推進劇情，結構嚴緊，尾場中環槍戰同樣精彩
【激戰】嬴角色刻劃，寫出兩代拳皇既信念，人性化演繹，塑造角色有血有肉
【風暴】華仔家楝黑仔三人同樣角色鮮明，黑仔最少戲但最搶，生死關頭怒摑愛女印象深刻
家楝和姚晨條感情線拍得精準感人，在陽剛味咁重、男性主導既戲中取得絕妙既平衡
起承轉合，好有層次咁交代到家楝想做臥底既決心，先對比出華仔既陰暗，再帶出結局既精妙
中環槍戰表面係正邪分明既警匪對壘，實際係華仔殺人滅口既佈局，戲味先出到黎
行錯一步，萬劫不復；相反家楝沉倫半生，甘願為愛踏上正途，只可惜就差最後一步
而華仔今回演出猶勝【無間道】，由緊守紀律到砌生豬肉、奉公守法到知法犯法，演技層次分明
姚晨也演得出色，鵬哥果場、和家揀攤牌果場，平淡細膩，情緒變化掌握準確，睇得舒服

【掃毒】嬴港產味道，勾起八十年代英雄片既集體回憶，有情有義有故事
而【風暴】亦成功還原八十年代警匪槍戰片既味道
保留港式動作既風格，例如樓梯困獸鬥、鐵絲網凌空柔道、天台唐樓追逐等
但猶勝從前，以真槍實彈為本
走寫實、壓迫感、官能刺激既路線，特技、音效、動作設計、場面調度都非常出色
但又成功加插比美荷里活級數既特技，突出子彈既破壞力，綠幕重現中環更加冇咩瑕疵睇唔多出
尾場災難式破壞，又炸地鐵又爆天橋，係over左少少，不過睇得出係有heart有誠意既嘗試
其實家揀既結局與爾東陞既神作【旺角黑夜】有異曲同工之妙
一個黑夜、一個白天著實一種食物、兩種食法，又是另一種戲味

自【証人】【寒戰】既成功，開搶左港產片動作文戲既新路線
用角色衝突推進劇情，對話、文戲為本而動作為輔
【毒戰】【激戰】【掃毒】套套都係近年港產佳作
不過總有荷里活死忠話：「乜港產片拍來拍去都係警匪片架！？」
但自己又永遠唔發現自己湧入場睇【魔戒】【哈比人】系列，其實你地幾時先肯醒！？

Youtube：港產不打
Facebook：港產
Weibo：港產不打_微博
************************
港產不打       
全職非牟利網絡打手
100%支持本地製作
乜戲都打，淨係唔打港產
************************