真命天子1萬蚊搭路娶Stephy,誰是真命天子呢?????? - 聊天討論版

查看: 1912\|回覆: 9	go [新聞] 真命天子1萬蚊搭路娶Stephy,誰是真命天子呢??????

祖兒的誘惑

五星白金會員

Rank: 5 Rank: 5 Rank: 5 Rank: 5 Rank: 5

UID: 579937
帖子: 2654
積分: 2886
Good: 114
註冊時間: 06-3-3
在線時間: 419 小時

發表於 14-2-26 03:27 PM |顯示全部帖子

本帖最後由祖兒的誘惑於 14-2-26 03:28 PM 編輯

真命天子1萬蚊搭路娶Stephy

http://hk.celebrity.yahoo.com/ne ... ephy-220017438.html
【太陽報專訊】歌手鄧麗欣（Stephy）一名自認是「真命天子」的瘋狂男粉絲向薛家燕寄出一個「不思議」公文袋，更附上1萬元現金「求」家燕姐充當「紅娘」撮合他和Stephy，更揚言一旦成功結婚，會向譚詠麟、曾志偉及鍾鎮濤派錢，Stephy聞言後說：「乜我值1萬蚊咋？」

薛家燕前晚出席新城電台活動「開心家天下馬年春茗派對」時，驚爆收到一個「不思議」公文袋，封面寫上「唔該！各位朋友！南無阿彌陀佛！」信內更夾有1萬港元，使她不禁大吃一驚！

拒收錢做媒人

本報記者昨晚向家燕姐了解事件，她透露約兩日前從無綫郵箱摷到一個霉霉爛爛的公文袋，封面寫上「南無阿彌陀佛」，基於她是基督徒，本打算當垃圾扔掉，不過助手認為內有乾坤，故拆袋並發現大疊現金！家燕姐表示公文袋由一名Stephy的男粉絲「廖先生」寄出，請求她做「紅娘」介紹他給Stephy認識：「入面有20張500蚊紙，共1萬蚊現金、一封信、一張相同一張齋盆菜菜單。寫信人自稱廖先生，冇講幾多歲、咩職業，不過睇張相似30幾歲，個樣幾四正，佢自稱鄧麗欣粉絲，想我介紹佢哋兩個認識，仲話筆現金係請我食齋。」該「廖先生」更在信中自命是Stephy的真命天子：「我是鄧麗欣的真命天子，2007年就喜歡她，曾經聯絡唱片公司金牌大風、Fans Club的劉小姐，但沒有回覆，所以懇求家燕姐介紹我們結識做朋友。」後來「廖先生」愈寫愈激，稱想跟對方結婚：「如果我們能結成夫婦，譚詠麟、曾志偉、鍾鎮濤各得1萬蚊，去齋店食齋。」

對於被「廖先生」寫信請求做媒人，家燕姐急急Say No，她笑言不願意「拆散」Stephy和方力申（小方）：「梗係唔會做媒人啦！我唔認識廖先生，我同Stephy唔熟，只係舊年拍過一場戲，反而同方力申熟啲，同埋我知佢哋兩個拍緊拖，之前仲傳結婚添！又點會做啲咁嘅嘢！」家燕姐又認為郵寄現金行為大膽，為免有任何閃失，會按照信上的資料及地址，安排助手將錢物歸原主。

小方短訊通知

至於事件主角Stephy透過電話回應事件，她先爆笑說一句：「乜我值1萬蚊咋？」後來又露口風爆從小方得知始末，並稱對「廖先生」有點印象，她說：「本來唔知件事，但有朋友Send短訊畀我。（小方都知？）咪就係佢Send囉！我記得助手講過有個虔誠嘅佛教徒成日打電話畀佢，話鍾意我、想見我，所以知道封信寫住『南無阿彌陀佛』，就覺得應該係同一個人。」Stephy又指不怕「廖先生」跟蹤，並勸喻對方循正常途徑見面，她苦口婆心地說：「我就唔驚，只係怕騷擾到其他人，佢寄咁多錢，嚇親人就唔好，如果真係想見我，不如參加Fans Club或者喺活動上搵我啦！」

另外，前晚和家燕姐同場的歌手龍小菌表示最近與家燕姐合作拍戲而增進不少感情。問到可會想在影圈發展？她說：「都好o架！多啲新嘗試，學戲劇可以令自己有多啲靈感。」

誰是真命天子呢??????

舉報返回頂部