不打‧短評77：直航殺機 (有內容)

港產不打

不打評價：3D價 $77

不打總評：懸疑緝凶片既試範作，佈局精巧劇情緊湊

如果九十年代【生死時速】，理解為移動交通工具上緝凶既神作
咁呢套【直航殺機】可以位列同級，同樣精彩！
分別只有前者係動作片，呢套係劇情片

導演Jaume Collet-Serra 唔係救參系列果個，所以唔好諗住主角一個殺幾十人
佢前作【無名殺機】一樣起用Liam Neeson，但眼高手低悶氣連場結局犯駁
條大橋係機艙懸疑緝凶，又類似2005年神作茱迪科士打既【高凶三萬尺】
入場前冇抱太大期望，點之睇完非常有驚喜！
有懸疑片既佈局同扭橋，但又不失警匪片既動作、空難片既大場面
節奏明快，緊張刺激！

故事亮點唔係單純主角係機艙搵凶手
更大膽既係，套戲係中段綁安全帶，已經暗示左凶手係邊個
反而係以凶手點樣屈主角劫機，再要在4萬尺高空密室殺人而又可以全身而退既佈局去吸引觀眾
劇情鋪排層層有敘，之前好巧妙留晒伏線及交代角色基本背景
Julianne Moore唔肯透露過去和心口既疤痕、空姐和副機長有路
醫生中東人既外表、凶悍既紐約警察、剛巧問路搭訕既教師、原本坐隔離既黑鬼等等
使到故事一路發展下去，主角身邊所有人都有機會係凶手，拍出草木皆兵既戲味
15分鐘已經收到凶手message，一搵就搵到疑凶點知原來係逼主角殺佢既佈局
再加一場機艙洗手間內埋身短打既精彩搏鬥
之後主角和凶手互有攻守，鬥智鬥力，扭橋再扭橋
結局飛機急降順理成章拍出名場面凌空接鎗殺敵，最後機艙爆炸臨危降落亦拍出震撼效果

搵Liam Neeson做主角非常正確，演出角色既入型入格
一來佢救參既定形象深入民心，一個好好揪、一個殺百幾人既中年阿伯
二來佢對於演出呢類背負著好多野既暗黑角色駕輕就熟

結局若嫌太急，靠咁啱有人拍片才發現真相又好似付碌左少少
如果係翻看閉路電視發現佢預知飛機急降，或見到佢入洗手間之類，效果會更好
而副機師條線又較弱，正常情況下佢冇理由會信主角片面之詞，一定只遵從地面指示
如果一早刻劃佢同主角係老朋友，劇本就合理好多
如果劇本神到凶手根本無親手殺過人，全部由凶手逼或誤導或佈局主角去殺，仲正！！

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************