不打‧短評83：小三大聯盟 (有內容)

港產不打

不打評價：正場價 $55

不打總評：粗中帶細既驚喜作品，喜劇效果出色，亦不乏對現代獨立女性既重塑

小三、小四和元配竟然可以成為好姊妹，一同夾計懲罰負心漢
條大橋本身已經夠荒謬，夠晒喜劇效果
Cameron Diaz和Leslie Mann喜劇效果非常出色，撞出唔少笑位
醉酒失控、門前二人合體、沙灘混戰、掟小三落樓
Leslie Mann演活傻大姐單純老婆、Cameron Diaz演活現代職業女性
至於火辣小四Kate Upton，身材一流夠脆夠索

寫過野既都知道，最難寫既係古裝(不過而家好多古裝戲都當時代劇咁寫)，其次就係喜劇
笑點要儲要度要集體創作，寫到都要有個發揮得好既演員
劇情又唔可以太複雜，但太膚淺又會腦殘白痴
寫地道都仲可以玩共鳴，勾起觀眾集體回憶
寫低俗都仲可以玩女玩性玩粗口
好似呢套【小三大聯盟】，唔俗唔悶又唔低，言之有物
喜劇效果更唔單止for外國人，我地都識笑，的確幾神！

特別欣賞劇本係元配和小三如何做到朋友呢方面既描述立體細膩，層層有序，慢慢鋪排
交代元配對小三微妙既心理變化、友情既建立，營造得流暢合理
對丈夫既不忠，由唔信→接受→逃避→原諒→自己騙自己→報復→決絕，好有層次既佈局
對婚姻、自己人生既不同睇法，有多角度既描述
再側寫出三位性格、背景、年齡各異既現代女性
今時今日既戀愛態度及人生觀
笑中有say！

賤男結局自撞玻璃爆鼻，象徵「自作自受」，亦係別出心裁既喜劇結局

香港海報宣傳只介紹【穿Prada的惡魔】【新娘愛鬥大】監製Julie Yorn
但套戲既成功，我覺得應該歸功導演Nick Cassavetes
佢之前有套神作，我和老婆都非常喜歡
就是【忘了‧忘不了】
明白點解喜劇都可以咁細膩


Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************