不打‧短評87：異空戰士 (有內容)

港產不打

不打評價：$54

不打總評：ACG迷必看

英文正名【Edge of Tomorrow】，中譯【明日邊緣】港譯【異空戰士】台譯【明日邊界】
全部其實都唔及國內對其正式授權日本漫畫譯名【殺戮輪迴】咁精彩
翻譯其實也是二次創作既一種，信、達、雅為原則，盲目直譯其實唔等於最好
至於【殺戮輪迴】漫畫，作畫來頭不少，係由【死亡筆記】作者小畑健親自操刀
對於輪迴既規則及擬態外星生物既作戰模式，有深入淺出既描述，某程度上比電影更有戲味

講返套戲，係改篇自日本小說家櫻坂洋2004年既作品【All You Need Is Kill】
櫻坂洋一向寫開御宅族文化作品，題材大多以電腦、ACG、魔法、少女、制服為主
以輕小說黎講，能夠好似【紅VAN】咁獲電影公司青睞，買下版權
仲係荷里活，A級片既製作預算，而且主角係巨星Tom Cruise同Emily Blunt，絕對係御宅族既神話

條大橋可塑性非常高，死完Reboot無限輪迴，主角要不停死不停修練不停嘗試不同未來既可行性
由戰場新兵到扭轉局勢既關鍵戰力，同一場戰役既不同變化，同一天發生既不同細節，睇得過癮精彩
電影聚焦尋找扭轉戰局既方法，由主角不停試不停試，探索不同變化下既蝴蝶效應
但電影時間始終有限，未能充分闡述輪迴既規則，大部份設定由博士講出，有d自圓其說
而且最關鍵既規則冇交代到，究竟reboot後既未來可唔可以再殺藍獸？有多過一個輪迴者會變成點？
正常既觀眾會反問，如果已經知道藍獸既出現時間和位置，點解唔安排多d人去殺佢製造多d輪迴者？！
導致結局有bug，主角輸血無左輪迴能力，點解唔到第二天殺多一次藍獸重獲能力後再自殺reboot？！
結局衝入羅浮宮，流於荷里活一貫腦殘拍法，安排滑飛機入去爆無雙，有d落雨收柴
最後攬炒炸水母，同【悍戰太平洋】一樣，雷聲大雨點少，都係衰結局

以科幻動作片黎評，坦白講場面唔夠大，動作唔夠多
當然因應原著呢個創新設定，係會文戲較多，導演都算盡力平衡
不過我反而覺得既然電影時間有限，導演如果索性唔當典型動作片咁拍，著墨多d兩位主角既心理描述
條大橋男主角死完又死，無限reboot，和女主角相處幾百天，但以女主角黎講永遠只係第一天認識佢
一個陌生男子突然出現，但男子原來非常瞭解自己而且充滿默契
其實從愛情片既角度看係一件好浪漫既事
如果敘述男主角不停reboot不停出生入死而漸生情愫，男主角其實一早已經找到扭轉局勢既方法
只係每次成功，都係女主角會死，變左未來冇得和女主角一齊
男主角一直想尋求女主角唔死既情況下殺左水母，而女主角又估到叫男主角顧全大局犧牲自己等等
其實可以拍得更感人，更有戲味！
(其實廢城直昇機女主角講中間名果場，導演係有少少咁既意圖，但冇好好發揮落去，晒左！)

綜觀time loops題材，我覺得呢套和【Xmen未來同盟戰】質素相若，同樣值得入場一看！
p.s. 【Edge of Tomorrow】主題曲很有feel，很配合輪迴、無奈、孤獨既感覺，值得一讚！

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************

kyo2036

依個幾好睇架...

s0983978550s

謝謝分享><~~