新開蝦缸 求指點!

K04021216

蝦缸開了三天 開始水清 水已經定未?可以放自己想養既蝦?
開缸第二天放左米奇,櫻桃蝦落缸 今日有隻蝦換殼 需要處理?
有隻蝦放落去時見到抱緊卵 需要隔離米奇嗎?
缸內有咩需要改善或是添加 希望指點下

☆魔鬼皇☆

K04021216 發表於 14-10-7 02:44 AM
蝦缸開了三天 開始水清 水已經定未?可以放自己想養既蝦?
開缸第二天放左米奇,櫻桃蝦落缸 今日有隻蝦換殼  ...

睇你要養咩蝦 櫻桃蝦 蜜蜂蝦 好粗生 水清岩 水唔太熱就已經OK

如果水晶蝦 就水溫要比較低 係網上可以搜到有關資料

大肚蝦做法 如果係抱左冇耐 就隔離佢就可以 見你有幾條米奇仔 冇理由開一缸新黎養嫁麻

買個最細BB箱 內面佈置好紗布 要擺到唔好有虛位拎BB蝦走到出黎

BB蝦仲細過鼻屎 放少少草入去 就OK晒嫁勒

如果唔想咁煩 其實可以種多D水草 俾蝦B避難就OK 但水草記得一定要杜好虫先入缸

否則你會好後悔變左蝸牛缸 遲D你會係過濾入面都會發現有蝦仔 大大細細都有 因為會吸左入去

最好吸水位都包密度高既紗布

但抓蝦時小心 慢慢黎 免得隻大肚蝦踢蛋 至於點放BB箱 你應該睇左唔少討論區知道點擺 依到唔多教勒

脫殼蝦有返咁大隻應該冇問題識避嫁勒 你仲有草同擺設俾佢

☆魔鬼皇☆

小小心得 你會好快 再見到抱蛋蝦唔會理佢 因為你養既蝦好快生好多BB

所以唔洗多緊張 只要開頭OK晒 就定晒嫁勒

蝦殼夾起佢 可以唔洗掉 放入濾水器入面啦 可以幫助養菌 始終係有機物 當然唔洗放到幾10隻既

K04021216

回覆 ☆魔鬼皇☆ 的帖子

多謝指點 但我本身係諗住養蝦 買米奇係諗住硝化細菌快D建立
如果係怕 我諗住隔離米奇 我需要買個密花藍嗎?

☆魔鬼皇☆

有需要就可以買 但諗清楚你想點做先

養蝦開缸或混養 米奇其實唔夠好

米奇係上中層魚 即係活動範圍係魚缸上同中

但因為會去到中間 佢地食到蝦BB幾會大

紅蓮燈比較適合 食蝦BB機會細D

其實純開蝦缸 唔需要養魚養菌 靠濾水器入面生物環同整支保品(菌液)

就夠晒 而有蝦殼同複屍就擺少少入濾水器入面加少少糧入去 好快就菌 但依個方法唔好放太多 太多會變水質

K04021216

回覆 ☆魔鬼皇☆ 的帖子

知道 咁我而家隔離米奇 水而家夠清?而家可以落極火.黑殼落去混養?
你指插草落去俾蝦B 但而家櫻桃蝦都經常呢埋係木底 仲有需要插草?
點解佢地會係木底多唔出黎行下? 只有一兩隻會出黎行下

☆魔鬼皇☆

K04021216 發表於 14-10-7 02:40 PM
回覆 ☆魔鬼皇☆ 的帖子

知道 咁我而家隔離米奇 水而家夠清?而家可以落極火.黑殼落去混養?

如果冇混魚 就唔需要太多草石木勒 因為依D係俾佢避敵人咋

但少少水草就一定要 係可以養多D"莫絲" 鋪底 或者札起做唔同既建築物俾佢地爬

如果唔混魚 就可以唔洗抓起有蛋既蝦 但濾水器吸水位要包紗 如果唔係就吸走晒D蝦B

但要注意安全阻隔得黎又要吸水順暢

極火同櫻桃蝦 其實屬近親 要求差唔多 只係天生出黎D色深D 所以依宜家既水質OK既

黑殼再遲少少 起碼缸水放夠1個月比較好

水清唔等於OK 只係養菌問題 生態系統

但都要注意水質 記得用隔夜水會比較好 然後入缸前 最好過一過濾 即係一個空桶上鋪D平價過濾棉

然後將要用既水都回過幾次先入缸 會比較好 每次換水都加返少少保品 令D菌盡快養返起


你擺設有洞 蝦一定入晒去 係唔好搞咁多洞 就多野睇D

以前我養蝦同魚 我望缸睇佢地都可以睇2~3粒鐘成個傻佬咁

K04021216

回覆 ☆魔鬼皇☆ 的帖子

明白 多謝你一直指點 唔係好多人好似你咁會分享出黎
其實本身櫻桃一買番黎係白色透透地 而家變晒紅色
聽日出魚街睇下d花藍先 想搵個唔會吸到蝦b既
仲有個問題想問下你 你換水係點換 拎水喉換定係點?
第一次用泥底 想知點樣換水可以唔整到濁d水

☆魔鬼皇☆

K04021216 發表於 14-10-7 09:37 PM
回覆 ☆魔鬼皇☆ 的帖子

明白 多謝你一直指點 唔係好多人好似你咁會分享出黎

買蝦帶返屋企果下 好多時會帶現變左透明係正常

因為受驚麻

我果時我養係冇唔吸蝦B既花藍 就算有都搵笨 因為蝦B係好細微

就算兄左紗布都會吸到D嫁 冇完全隔到 到時會連你個水妖入面都有蝦嫁

換水果下 水清就唔洗換太密 如果有魚既 就換3份1

淨蝦既5份1就OK勒 除非水質好差

可以用手動水泵 吸缸頂水 唔好吸下層水 因為會吸到蝦同下層比較多菌 吸左唔太好

如果換水少 用個"嘜"仔 一杯一杯慢慢搞都可以 盡量少波動D水嚇親D蝦 同返到D泥

☆魔鬼皇☆

另外提一提 如果經常見到蝦跳缸 就要留意缸附近有冇野嚇到佢地

如果乜都冇 就一定係水溫度問題 到時你要裝風扇 同唔好晒到陽光位

陽光除左會加水溫 仲會令缸起青台 好麻煩

若位置避免唔到 可以買D黑色硬卡紙貼係缸外隔一下

燈方面 最好用雙色燈 即雙光管  藍白 紫白都得

藍同紫係冷光 令蝦或魚都舒服好多 白光只供係自己搞缸時用

如果藍或紫夠你觀賞既話 就唔好開白光勒 同埋白光會令水溫加高

而平時唔睇蝦 盡量關燈 當要睇時 先開暗燈一陣 先再開白光 就會更好

☆魔鬼皇☆

你現時養既蝦 真係水溫太高 風扇夠做嫁勒 如果冇陽光晒到既話

水晶蝦先用到水冷依D高級器材

養蝦要花既心機比魚多同技巧高 慢慢黎

通常玩玩蝦就會玩埋水草 到時壇數會更高

K04021216

回覆 ☆魔鬼皇☆ 的帖子

而家水溫係24~27 最高見到27度 應該冇問題 未見過佢地有跳缸情況
我係擺係窗台 不過陽光唔太勁 所以唔見有咩青台 草暫時唔敢玩 因為要買co2
打算玩住平蝦 遲d再玩水晶 養好左水晶 之後先打算玩草 加上d泥有人提我 話我太薄 插唔到草
好似話養唔到水晶泥太薄 我枝燈係藍白led黎 平時淨開白燈 而家會改藍加白/淨藍 觀賞先開白
不過之前聽人講話養開蝦d人都淨開白 話d蝦既色會靚d 唔知係咪水晶先會咁做呢

☆魔鬼皇☆

K04021216 發表於 14-10-7 10:44 PM
回覆 ☆魔鬼皇☆ 的帖子

而家水溫係24~27 最高見到27度 應該冇問題 未見過佢地有跳缸情況

白燈係你睇佢靚D 因為光D麻

蝦色靚唔靚唔係光線 而係糧

你回想一下 河蝦又好 海蝦又好 都唔係會係光線好足既地方生存

因為佢地要逃避敵人 但D色點解咁靚呢 我咁講你應該會諗到我意思

泥可能再厚D 但又唔係太薄養唔到水晶 宜家差唔多既

只係插草太難或插唔到咁解

如果養水晶 紅/啡泥就真係唔多好 應該用黑泥 仲要係比較貴價D

冇記錯有隻叫"蝦之寶" 依隻泥養份高(泥生產出黎既微生物都有機物 令蝦身顏色好實)

水清淨水快 易養菌

CO2唔係好貴咋 你可以問下價先 同埋入滿一支用成個月有多

你新缸冇咁快起青台 因為玻璃本身都有少許保護 但好快D保護就冇晒 你要知道

陽光晒到一定起青台 一起左就冇得救 要成日清潔 除非翻缸 所有野用滾水洗過啦

你養既蝦 我最高試過30~32度OK

你要養水晶前 先玩平價既蜜蜂蝦先 水晶蝦就係由蜜蜂蝦配出黎

蜜蜂蝦色比較微 難度係都屬易既 唔需要水冷

然後要入水晶蝦 但唔洗入貴野 有D好平嫁咋 先拎經驗 $10隻 $20隻 就已經唔錯

又係唔洗水冷

☆魔鬼皇☆

記得你細蝦仔 唔好學人買龍蝦仔養 一陣食晒其他蝦

K04021216

回覆 ☆魔鬼皇☆ 的帖子

好 同你吹水學到好多野 泥我而家係ada泥 應該冇咩問題
咁我買定黑色硬卡紙 co2等我而家開始睇定 方便遲d養草用
我下次入d極火先 一個月後入d蜜蜂 黑殼玩住先 拎下經驗
如沒問題都會向水晶出發

☆魔鬼皇☆

K04021216 發表於 14-10-8 12:05 AM
回覆 ☆魔鬼皇☆ 的帖子

好 同你吹水學到好多野 泥我而家係ada泥 應該冇咩問題

ADA泥都OK 玩一年左右就要翻缸 玩住先啦

但真係要記得ADA既泥好軟 唔好立亂動 如果唔係 你會好後悔嫁

其他既野 慢慢玩啦 你好有心機 希望你養個靚蝦缸

恆心好重要 有時失敗唔代表你唔岩 唔失敗好難有經驗

之前我用4尺缸養 缸太大好麻煩XD

K04021216

回覆 ☆魔鬼皇☆ 的帖子

我都希望可以爆到成缸蝦 有時都明經驗係要慢慢累積 不過都想問多d知多d做定功課

K04021216

琴日換左五分一水 加左硝化細菌水 落左太古海泥加微生物之素 仲落左二十隻極火同玫瑰 幾隻黑琉璃 起初落完蝦有d水白加微粒 但已轉番清 因為所有動作都係一連串做 除左要對水對溫 所以唔知係邊一步令水變白同有微粒