亞視急call佳麗返港選美

ryo1418

亞視因財困而拖糧，就連舉行《ATV2014亞洲小姐總決賽》亦要周圍「撲水」，令舉行日期一改再改。有傳12月有新老闆上場，故要在11月底前完成亞視之前搞落的大騷，亞視只好自行「科水」100萬元製作費於11月22日假大埔總台匆匆舉行亞姐選舉。亞視前晚開始陸續急召之前「遣返」原地的大中華佳麗回港stand by，其餘10位亞洲其他區包括日本、韓國等地之佳麗，亦將於下周抵港。亞姐負責人趙汝強昨受訪時承認此事：「其實班大中華佳麗返咗屋企都有10日，（佳麗來去匆匆有冇怨言？）冇，佢哋都探咗家人啦！免得佢哋留得太耐而養肥晒！其實班女仔一返到香港就要好趕準備，包括整頭、服裝等。（製作費冇贊助？）係呀，三亞嗰邊傾唔成，咪自己出，100萬左右啦！（擔心會拖累出糧？）都會o架！」