電台主持爆粗插爆 世界級膠劇《飛虎II》結局天怒人怨!請問有冇片段重溫??????

祖兒的誘惑

請問邊間電台,有冇片段重溫??????


電台主持爆粗插爆 世界級膠劇《飛虎II》結局天怒人怨!
https://hk.celebrity.yahoo.com/n ... 0%A8-021817767.html
《飛虎II》係世界級膠劇就係人都知架啦，佢嘅大結局就一次過將所有最膠嘅劇情晒冷，令到民怨四起。有電台主持睇完之後忍唔住，要喺節目中一路爆粗一路同聽眾將每個膠位逐個數。


膠位1
警方狙擊手竟然用點三八係遠距離同恐怖份子狙擊手鬥，TVB係咪唔夠槍用呢？

膠位2
唔知點解醫院會有番梘泡飄出來，仲可以俾梁烈唯飾演嘅警察見到啲賊嘅倒影？你無睇錯呀！佢哋係用個望遠鏡睇到啲賊係個番梘泡入面嘅倒影！仲可以射中埋佢？嘩！果然同盲人射籃即入如出一轍呀！

膠位3
警察同計時炸彈被困喺一齊，個個都好驚。但係喺危急關頭，有人將個計時炸彈好似鬧鐘咁㩒一個掣就叫拆咗彈？線都唔駛剪！咁唔駛拆彈專家啦！

膠位4
如果各位遇到炸彈咁點算呢？《飛虎II》就話俾我哋聽，如果用敵人身體罩住，你就會無事架啦。而且個炸彈爆咗，個地下就只係好似BBQ完熏黑咗少少咁。其實炸彈都無咩好驚阿！

主持更炮轟《飛虎II》為智障片，仲話佢睇完要即刻睇番《來生不做香港人》平衡下喎！