到底呢個遊戲最大數字係咩?三個最大數字合成會點?

bismac

要解答呢兩個問題,需要用到之前復活節活動既蝶姬小喬,因為佢既能力係將棋盤上所有數字+1,可以好輕易咁合出較大數字.
當然可能有好多神人唔需要小喬都夠手快啦,但我就真係唔得
咁唔講咁多,直接開始解答!!

Q1:到底呢個遊戲最大數字係咩?
我係一個鐘意挑戰極限,窮其究竟既人,難得有個咁既遊戲,當然要好好探究下啦!!
A1:
首先睇睇呢兩幅圖:
使用小喬前:

使用小喬後:



Q1結論:
由於圖中∞係使用小喬前後都係∞,
所以遊戲最大數字係∞,因為無法再變大.
其實係數學上都好合理,∞+1=∞...
可能有人會問:"點解GM唔整個6要整∞呢?"
咁我就覺得,一黎∞+1=∞,好合理,
二黎有6既話就會有人問有無7.
可能未來會開放更高數字啦(有新技能?),
但現時要用正常手段合出∞已經唔容易.
何況係三個∞呢?


Q2:三個最大數字合成會點?
A1提到最大數字係∞,無法再變大,
咁到底係因為三個∞擺埋一齊會再次合成一個新既∞,
定係三個∞擺埋一齊無反應?
我設計左個擺法去專門驗證呢個問題,一齊睇睇!
A2:
使用小喬前:

使用小喬後:

把"2"放在圖中"4"的下方,"3"放在圖中"3"的下方:


Q2結論:
可以睇到三個∞係會合埋一齊,
姐係呢個"數字"擺埋一齊唔會無反應.
咁講少少題外話啦,Q2既圖片像素比較低,
因為我無辦法邊玩邊cap圖,會cap唔切,
所以我係先拍片後cap圖,又設定左一個低像素模式.
我都唔想,但如果要設定高像素既話就會lag,
lag就會撳錯制,撳錯制就會擺唔到個陣...

總結:
其實以上既問題唔會話對大家玩呢款遊戲有咩野幫助.
因為合成∞既攻擊力唔係話咩野毀天滅地咁巴閉.
甚至可以話蝶姬小喬既技能有些少雞肋.
但對我黎講,解答一個未知既問題既過程本身就已經係好有趣.
以前我都覺得合5係無咩可能,甚至係無可能,亦唔會覺得有∞,
但當我地拋棄呢種"一定無可能"既觀念之後,其實會發現得更多.

18/5註:當我得到答案之後,將成篇野重新寫過,刪除一D無必要既內容,
所以其實呢篇同上次果篇係一樣.