黃成智大反擊 炮轟白鴿黨「敗類中委」

boyansheng

民主黨前立法會議員黃成智因為力撐政改「袋住先」，被黨紀律委員會（紀委會）建議革除黨籍，而黨中委會將於七月十六日處理紀委會嘅建議，成智好大機會被踢出黨。
既然白鴿黨唔念三十年舊情，成智亦「我不義」，尋日開記者會發火大反擊，逐一數臭白鴿黨，除咗批評紀委會判決無證據、無邏輯、窒礙言論自由、排除異己，又大鬧洩露紀委會判決嘅中委係「敗類」、「小人」，與黨關係全面破裂。
狄志遠就話，成智喺今次事件上已多次遷就個黨，希望緩和件事，以免造成傷害，又話成智係死蠢同太單純，而白鴿黨咁樣對待三十年嘅同路人，係「相煎何太急」！
睇來白鴿黨下一步有好戲啦，黃成智都算元老啦，今次事件鬧到咁樣，大家睇的清清楚楚，一D政見不和，唔使搞呢D政治鬥爭嘅嘢吧。其實白鴿黨內部一直都幾多矛盾噶，幾年前嘅真兄弟事件大家應該都記得。
唔知呢件事最終會搞成咁，但無論點樣，我都會嚴重懷疑依家白鴿黨高層嘅能力同埋政治操守。