［原創］18+人性詭異驚疑系列 €死亡頻道&《Deadtube》多多支持

monkey4311

《deadtube app 死亡頻道》

第一話 ～《惡夢開始》～

「起身啦！衰仔，仲係到訓！要返工啦！」
一位中年女人大聲叫道

當聽到呢句既時候，就知係我老母叫我起身

大家好，我係呢個故事個主角，我叫阿輝，花名做毒輝，點解會叫毒輝？呢個問題問得好，你地睇落去就知，今年27歲，職業係文員，外形柒撚濛濛帶眼鏡，髮量偏少，單身未拍過拖，朋友得果一兩個，冇咩喜愛事物同興趣，可以稱得上一個稱職毒撚，每個早上老母都會叫我起身去面對呢個社會既現實，就係返工做奴隸。

「得啦！而家起身啦，咪撚煩啦阿媽！」
我憤怒回應

講完呢句之後我第一件事就係快手刷牙洗臉，換件老西
9沖返公司，坐係個地鐵到，一路望住對面大波靚女，皮膚白滑，外形似而家好興果d韓妹，姐係偽韓，個低胸正到呢⋯條腿又長，牛仔短褲，睇到我下面都硬硬地，雖則我對大部份事都係冇咩興趣，但話晒我都係男人，對女人都叫做有d興趣既！

「屌⋯阿yan！阿yan！睇下對面條變態仔眼甘甘望住我對燈呀⋯睇死佢都係處男冇錢叫雞既變態仔啦！」
突然聽到個大波妹同佢個肥婆豬排朋友講

「阿怡你正一傻瓜黎～唔好諗太多啦！其實個條死宅男望緊我果對喳～你估你真係好大波咩～我仲大啦！」

「你食屎啦！死肥婆你點同姐！你果d肥肉黎！！點同我真大波呀！」
大波妹激烈反擊，然後兩條女開始正式開戰⋯

「我大波d。」
  大波妹捏住自己個波講
     
「你食屎啦！我先大波！」
肥婆雖則知自己果對只係一團肥肉，但女人就係中意鬥到底，所以係到死頂到底

兩位港女吵架聲愈來愈大 ，仲要開始想打交

見到兩位女士愈吵愈激烈，開始扯對方頭髮，以正宗香港人心態當然拍低佢放上youtube啦嘿嘿，于是第一件事唔係勸交 ，係拎部手機出黎拍低佢，雖然身邊全部人都係好無感低頭玩手機，但呢刻個畫面我決定要錄低佢！

拍拍下成部手機突然之間hand左！屌！拍到戲肉先黎hand！唔知做咩車廂d人個個用奇怪既眼神望住我，算，反正都就到站，落車算數！

返到呢間十尻公司，老闆倒縮，我做左呢份工9年先得果9500$月薪，不過唔緊要，反正錢對我黎講冇咩所謂，9500$對一個單身毒撚絕對夠用，某程度上黎講份工又差唔晒，加上公司得我自己一個，所以長期可以舒服尻hea打飛機都冇人理，但係呢個唔係重點，重點係點解部死人小米手機仲hand緊嫁！？

對於一個文員仔黎講，手機壞左係好嚴重既事，反正老闆長期唔係公司，好！試下整下部電話先，以我多年玩電話經驗！帽事既！

于是攪下整下個電話終於可以控制返啦！但⋯但係禁奇怪既？一開機到主畫面，由原本個主目錄上原亞衣bb桌面，自動跳轉到變左一個肥婆同一個大波女子係到吵交既視訊。

「E⋯？呢個兩個未今朝比我拍片果兩條港女？」


手機頁面仲要無啦啦多左個新視頻app，叫deadtube...無啦啦自動幫我係deadtube upload今日拍果條片！取消又取消唔到，唯有等佢upload完。

到完左upload果下 ，我自已又想回味下今朝果兩個港女大戰，干是就禁落去重溫下，突然之間果兩位港女本身企起身嘈到中間突然靜左 ，望住個鏡頭突然露出左一副好恐怖既眼神⋯！眼睛突然向上吊反白⋯！慢慢行落鏡頭面前⋯!然後成條片變左血紅色，成條影片就1分12秒，播到血色畫面已經完左。

「⋯⋯⋯⋯⋯⋯⋯⋯」
突然黎一個耳鳴，暈一暈

呢一刻除左個心好寒之外仲係禁思考點解會禁？到底咩黎？我記得拍到中間已經hand晒機拍唔到，同時佢地根本冇望過我⋯我拍到中間已經落左車冇再拍落去，到底發生咩事呢？邊到出左問題呢？最詭異點解個不知名視頻app得我呢一條影片⋯？冇其他人upload過影片係呢個app咩？當下以為自己中左毒⋯所以第一時間del左個deadtube，但del又del唔到，灰機。

（唉，唔理鳥，反正開得返機就已經心滿意足。）


但係意想不到呢個係惡夢既開始⋯