狄維與雲狄素傳和解攜手再拍《狂野9》

franky$$

狄維與雲狄素傳和解攜手再拍《狂野9》

正所謂「一山不能藏二虎」，荷里活兩大動作巨星雲狄素(Vin Diesel)與狄維莊遜(Dwayne Johnson)去年拍攝《狂野時速8》(The Fate of the Furious)已傳「掹晒面」，而上星期舉行嘅紐約首映禮，狄維更被雲佬孤立慘到得一支公行黑地氈，日前更有傳「話晒事」嘅雲佬玩小氣向電影公司施壓抽起原本安排《狂8》片中由狄維與積遜史特咸（Jason Statham）嘅彩蛋。不過日前有傳狄維同雲佬已秘密和好並將攜手合演《狂9》!

據消息指二人自傳拍戲時不和之後已私底下幾次會面，有指佢哋嘅關係已修好並「一千個%」將一同回歸下集。據知由始至終佢哋不和都因為爭如邊個可以在片中有最好嘅動作場面、有最火辣嘅女人、騷肌肉多啲同埋出鏡率多啲，唯一一樣無爭嘅就係錢，因為佢哋憑《狂》都搵好多。以上嘅嘢對佢哋嚟講好重要，但最終狄維明白呢套戲係雲佬嘅，所以佢應該喺片中「搶啲」，最後都握手言和!!

http://hk.on.cc/hk/bkn/cnt/enter ... 32901502a50e59d1427