爐石周邊介紹(一至二)

harveyin

爐石戰記由出左到而家都非常之受歡迎，作為粉絲既當然唔少得收集一眾精美既爐石周邊啦！官方由推出官方幣品商城至今，一直推出左好多唔同既爐石精品俾大家購買，而呢跟住落黎既時間就等小編為大家介紹下有邊啲爐石周邊係最受玩家們歡迎啦！

爐石儲藏箱

如果大家有留意到爐石既版面，就會發現爐石戰記其實係模擬係一個魔法盒子入面玩既卡牌遊戲。而呢個儲藏箱，就係同遊戲入面果個爐石對戰盒一模一樣既儲藏箱啦！呢個儲藏箱大小係8.5″x11″x3″，算係一個都算幾大既儲藏箱黎既。儲藏箱有住仿製既木紋外表同鍍金裝飾。係細節上面，仲有經過塗黑既舊化處理，令成個儲藏箱睇落去都有坐濃厚既古舊氣息！除此之外啊，打開呢個爐石儲藏箱仲會有爐石戰記既主題曲播出黎添！呢個爐石儲藏箱，大概係眾多精品之中最受玩家們歡迎既啦！爐石造型咕????


新入坑爐石既朋友，可能都會唔知「爐石」呢樣物品係咩黎。但事實上呢，爐石其實係魔獸世界入面其中一樣道具黎！爐石係一舊刻有一個藍色符文既石頭，係魔獸世界遊戲入面可以向世界各地既旅店老闆取得，只要設定好指定既旅店後，不論世界各地，都可以用爐石番番去玩家指定既「家」。所以呢個爐石造型咕????，並唔係冇目的咁使用灰色圓形做主體既，而係為左模仿爐石原有面貌而造出黎既精品。
而爐石造型咕????，大概都會同爐石儲藏箱一樣咁受玩家歡迎，因為爐石不論係魔獸世界定係爐石戰記，都係一樣好有意義同共同回憶既紀念品！
爐石仿木製馬克杯

爐石既馬克杯同爐石儲藏箱有住相似既外表，都係希望透過木紋同鍍金裝飾黎令隻杯更有陳舊既氣氛。呢一隻杯相信大家都曾經係爐石戰記入面見過，而佢就係參照旅店老闆手上既酒杯而打造既啦！上面更加印有爐石戰記既標誌圖案，除左美觀之餘，仲非常之實用，係玩家社群都深受玩家們垂青！
爐石主題便攜水壺

爐石仿木製馬克杯既設計，隻杯雖然美觀，但卻難以攜帶出外。如果希望可以透過個隨身物品去表示自己係爐石既粉絲，爐石既水壺可能就係你另外既一個選擇啦！爐石主題既便攜水壺大小為11″x5″，材質為塑膠同少量金屬，相比起爐石仿木製馬克杯更加便於攜帶！雖然外表並冇好似爐石仿木製馬克杯咁細膩，但爐石主題便攜水壺則係用左爐石既主題色啡色黎做水壺既主題色，配以彩色既爐石Logo，簡約得黎亦不失爐石既特色！如果咁多位爐石玩家希望買一樣便於攜帶又實用既精品，爐石主題便攜水壺絕對係你地既一個好選擇！

harveyin

爐石周邊介紹(二)上次就同大家講左幾樣好有爐石特色既精品，好似爐石對戰盤樣既儲藏箱、爐石咕????同水杯咁，而今次小編就同大家講埋剩低落黎既幾樣特色精品啦！

爐石四色龍王水杯


一套四個既水杯，杯上面既圖案相信大家都唔會對佢地陌生啦！佢地就係爐石入面既四張龍類牌，亦係魔獸世界故事入面唔同顏色既龍王！
藍色主色既「瑪里苛斯」係藍龍之王，亦都係魔法之王，所以佢係爐石入面4/12既體質下，仲有法術傷害+5既強大效果！法術職業用上的話，仲可以一回合打出巨量傷害！
綠色主色既「伊瑟拉」係綠龍之后，亦都係翡翠夢境既守護者，所以佢同「瑪里苛斯」一樣係爐石入面4/12既體質下，仲有每回合俾一張夢境牌玩家既能力！「伊瑟拉」留係場上面愈耐，對手生存既機會就愈渺茫！
黑色主色既「死亡之翼」係黑龍之王，係大地既守護者。但可惜佢就因為古神恩若司既低語而失去左心智，成為左一條強大而又瘋癲既巨龍，仲被源質裝甲包裹住身體以免身體支離破碎添！所以佢係遊戲入面有別於其他巨龍，有住12/12呢一個超離譜既強大體質，但取而代之就係令玩家失去所有既手牌！完全符合「死亡之翼」強大而又瘋狂既特色！
而最後一位紅色為主色既「雅立史卓莎」，則係紅龍之后，同時亦都係生命守護者。8/8強大體質既雅立史卓莎同時可以令一個角色既生命值變成15！盡顯生命守護者掌控生命力，運用得宜的話將可以一次過削走敵人15生命值，或者係將自己既生命力回復到15！
如果大家有係爐石入面使用龍系牌組的話，不妨可以考慮入手呢一套4個既守護巨龍套杯，以顯示自己對「龍」既愛好吧！
爐石保暖毛毯

而家正值寒冬，各位玩家係玩爐石既時候都未免會沾寒沾凍。但如果有一條爐石既保暖毛毯陪伴大家渡過寒冬，大家係玩遊戲既時候就唔洗手騰腳震啦！
呢一條爐石保暖毛毯由100%聚酯纖維製，大小係5’x7’。除左白色內襯同爐石主題色「啡色」既主色外，仲有一個爐石既金漆LOGO添！除左美觀之外，仲非常實用！絕對係爐石眾多精品之中既一個好選擇。爐石日記本啦

最後一樣為大家介紹既呢，就係呢一本爐石日記本啦！呢一本爐石筆記本，除左有皮製既精美外表外，仲有藍色既爐石符文印製係本既中心，非常之有爐石既特色！如果大家想利用一本筆記黎記低啲特別既牌組或者係概念，呢一本爐石日記本啦絕對會岩你心意！