給官方小雲向原廠反映新增/改善商城物品的建議

tangkaki

1.珍品安全鎖
建議零售價商城九十九點一個
適用於 S卡 裝備 抗 等等
使用後該物品不能刪除/交易/擺攤/販售
解除珍品安全鎖
建議零售價商城九十九點一個
解除需要打安全碼 或 等待十四天後
使用方式依照屬性盾
目的減少被盜帳號損失 保障玩家利益

2.時裝/武器時裝合成卷
把二件永久的時裝合成 而時裝效果只能二選一
建議零售價商城二百九十九點一個
例如 我想要夢古衫外型 但亦想要虎王衫+2速效
材料需要 1.一件永久夢古衫 2.一件永久虎王衫 3.時裝合成卷
合成方式依照手鞋抗 而時裝效果自己二選一
目的令夢之時裝多元化

3.背包擴充/寵物同伴倉庫建議直接永久化售賣

4.守護天使之祝福增加少量人物經驗/AW經驗加成 例如5或10%

pizza30

個人意見
(1) 珍品安全鎖

"無比過AC人 但中毒or誤裝木馬程式 或無故被盜帳號" 呢個情況至少我係近年內夢歷未聽過
要買點品比錢官方 以防止被Hack係唔合理

另外以免費形式提供 角色鎖比玩家會唔會比較好 (之前個通訊鎖同網頁鎖都唔錯?)
以指令設置密碼鎖定, (永久解除鎖定需於GC會員網操作)
每次登錄後都需輸入角色鎖密碼
輸入正確密碼前 無法進行所有動作( 例如進行攻擊/移動/交易/組隊/變身 等等.....)

(2),(3)
而家版本既夢歷已經有 永久背包,寵物倉庫,時裝合成卷既ITEM同功能 (好似只係無時武合成卷?)(等補充..)
主要睇官方上唔上架 (例如Gameforge個邊已經上架左一段時間)

tangkaki

回覆 pizza30 的帖子

唔比錢GC賺 免費形式提供上鎖 GC點會彩9你
而且你建議每次登錄後都需輸入角色鎖密碼  
輸入正確密碼前 無法進行所有動作 例如交易 販賣
下下要人一登入就要打多次密碼 呢點又太麻煩
有時帳號被盜唔一定全部係中毒/木馬程式
亦有可能係二手帳號買賣 網吧交易 都有能造成 呢D根本無乜可能杜絕
所以我提出既珍品安全鎖 並唔係減少你比人爆AC既機率 無咁易比人爆AC
而係保障當你已經比人左爆AC情況下 減少珍貴物品被盜既損失 順便比埋錢GC賺
老實講夢之最珍貴來來去去都係S卡同裝
其他物品 好似防爆 寵 同伴卡 抗等等 比人爆都無咁肉痛
神裝同百石卡 比人爆真係尤如比刀插
仲有時裝合成卷我知韓版已經有 港版唔知幾時出
但背包擴充 寵物倉等等 真係唔知原來出左永久

大夢若愚

時裝合成卷都幾得意 如果出既話 咁本身D靚但無咩實際用途既點3就會有用好多

pizza30

回覆 tangkaki 的帖子

"買賣ac/現金交易,比朋友爆AC"既呢種情況既損失...
成日都有宣傳保護好個人帳號同密碼, 唔好亂借比人
要比隻帳號密碼人同現金買賣 已經預左有呢個風險
需要自己承擔番風險好正常
比人昆左就去報警亦合理啊

"保障當你已經比人左爆AC情況下 減少珍貴物品被盜既損失 順便比埋錢GC賺"
其實好唔合理... 點解比人爆左AC, 個物品先發揮到作用 減低重要物品損失既數量
而唔係 避免比人爆AC 達到零損失


另外一般情況下.
保障玩家既遊戲角色,物品安全,
呢個唔係屬於遊戲供應商既責任?

如果真係可以免費提供保障到玩家安全,成功留得住班玩家..
等同已經多D機會有玩家每期都買幾粒點箱抽?
賺到既錢就已經唔係個99點

winG!!

之前個網頁鎖咁簡單都冇左 又點會幫你搞咁多野

tangkaki

回覆 pizza30 的帖子

我中心點唔係討論如何避免比人爆AC 保障玩家遊戲帳號安全
如果要傾如何避免比人爆AC 達到零損失
呢個POST就無意義 因為隻GAME都出左成十年
我相信呢個版區D人以及夢歷而家仲有上線既日日流連P場既高端玩家
幾乎十之七八都有進行過二手帳號買賣 連我自己同朋友都有
最容易被人盜取帳號既行為 最唔應該犯既第一點我地已經犯左
所以再討論何避免比人爆AC落去 已經無多大意義

保障玩家既遊戲帳號安全 固然屬於遊戲供應商責任
但遊戲供應商帳號安全宣傳做足了
但大部份玩家仍然有涉及二手或以上帳號買賣
咁係呢種帳號資料已經有一半被人知道既情況下 被盜風險提升一倍
有咩亡羊補牢既保障 先係我建議比GC向原廠反映既中心點

我建議既零售價格只係作參考用
目的係想玩家唔會濫用呢個機制
覺得自己需要上鎖既物品 帶來無法交易刪除既後果
係值購買呢個價格作為保障 才決定是否使用
當然如果免費推出 放係商店1黃金販賣 我亦唔會反對
但咁做可能會帶來GC不必要既麻煩
有些玩家可能見免費野係又上唔係又上鎖
之後又想反悔或者唔記得個密碼 又趕又賣唔出又刪唔到
日日上GC嘈盡快解鎖就無謂啦 加上GC做事效率本身又慢又廢
但商城發售 有特別情況 收左錢做野效率可能又唔同D                                                                                                                                                                                                                                                                                                                                                                                                                                                                  

pizza30

回覆 tangkaki 的帖子

同意,的確係可以避免到買賣AC/物品時既損失
但原廠開發個系統出黎倒自己米 既可能性唔大