個人推薦 -硬派手機MMO【托蘭異世錄】~歡迎Join埋一齊玩

MΣΙS♀浩╕

【托蘭異世錄】係一隻手機既MMORPG 同 好多一般既手機MMO唔同既係佢無自動戰鬥,劇情較多,
戰鬥、上手難度較高 所以令好多入門玩家都賣佢怕 ~

但係我個人就極唔喜歡現時好多既手遊咩都係自動,自動行路,自動打怪,
樣樣都自動令到玩家唔易投入遊戲世界,除左自動系統既禍害 仲有果D無腦既劇情 更加係遊戲推進一大阻力.

同埋好多遊戲公司往往都係 打短炒路線樣樣都要課金之後,賺你一波錢就停更停機.
D怪換隻色變下模組大細就當係新怪既零誠意更新 更係令人無奈.

世界觀 - 係乘接上作【依露娜戰記】既百年之後,好多遊戲埸景都好靚好用心設計過架~

劇情方面 - 日系既劇情 多半都帶點風趣幽默既~ 而佢既劇情呢更加係有D神秘既色採
但係故事既野就唔講咁多勒之後大家鐘意的話有機會再介紹~


職業方面 -
同好多已往既MMO鐵三角唔同既係佢無任何職業限制
即係你可以係一個拎住法杖既近身鬥士 又或者係一個魔法劍士 ~ 可以有一套自己鐘情獨有既打法自由度十足 ~

戰鬥方面 -
佢既戰鬥風格呢同遊戲風格相近 都係鼓勵玩家進行多D既手腦操作

當怪物施放技能時呢玩家係可以「走位」去躲開對方技能 咁啊 從而躲免1D大傷害 又或者係負面效果
仲有托蘭既連撃系統 多變 唔同既技能配搭都有唔得既反應同效果 ~ 再加上特化效果可以令到技能效果加強 降低消耗等等.

而王戰啊更加係令人 感到緊張 刺激 因為好多王怪都會放好多大傷害、大飯圍既技能 有D仲係會秒殺人既TIM
所以打王戰最考驗玩家既係連撃施放既時機同埋 走位勒~


裝備方面 -
除左以上既野之外,就係紙娃娃系統 就係 D裝備外觀多到7採  
仲可以改造裝備變更外觀 總之就超岩我呢D視覺型玩家啦!  XDDD
經濟方面 - 遊戲裡面 除左打怪之外往往大家都會遇到另一個問題...就係點樣賺錢,

托蘭既交易市埸係國際性
將想賣既物品放係交易版到呢 全世界就可以睇到或者買到你放上去既野架啦

你可以選擇放係本地SERVER 又或者超多人既國際SERVER 咁呢到講多少少
兩者之間既分別呢就係手續費比較多或少 而手續費呢會係你交易後扣除番~所以賣野唔洗擔心無錢放野上交易版架~

課金問題 - 講開錢啦 托蘭呢係完全免費就算唔課金都唔會影響到遊戲體驗

如果仲有問題想問可以到Discord到問我~