十二星座的拒愛方式

oo22oo

★白羊座

拒愛方式：一笑置之
貪玩嘅白羊座，戀愛對佢地嚟講都好似遊戲一樣。所以如果有人同佢講 “我愛你” ，白羊座嘅人會自豪地大笑，但笑聲中未必有甜蜜之意。


★金牛座

拒愛方式：表現過敏
金牛座嘅人不會接受陌生人嘅示愛，要做佢地嘅另一半，一定要由朋友開始先。貿貿然示愛，佢哋反而覺得你有陰謀或謀家產，儘管佢哋唔係有米。


★雙子座

拒愛方式：受寵若驚
雙子座嘅人，從來只會佢哋追人，有人向佢哋示愛，簡直唔可以信自己嘅耳仔。因此，你向佢哋示愛，佢哋會覺得唔自然。


★巨蟹座

拒愛方式：吞吞吐吐
佢哋聽到你哋示愛，唔理合唔合心意都好開心。溫柔嘅佢哋，即使拒愛，都會想辦法唔傷到人，但口才差，只好亂搵話題。


★獅子座

拒愛方式：佯裝冷淡
佢哋最愛受人崇拜，尤其係女仔。當聽到你向佢示愛，心裏雖然喜歡，但仍忍唔住從你口中講出其他人眼中嘅優點。


★處女座

拒愛方式：不知所措
佢哋對感情要清清楚楚，不能含糊。所以陌生人向佢哋示愛，會顯得不知所措，無言以對，好多問號。


★天秤座

拒愛方式：氣定神閒
佢哋天生就有魅力，能吸引不少追求者。所以有人同佢哋示愛，都習以為常。如果你夢中情人係佢哋，要諗下有咩突圍嘅方法。


★天蠍座

拒愛方式：不留人情
佢哋敢愛敢恨，明知無可能，就會斬釘截鐵咁拒絕，一點情都唔留。向佢哋示愛，就要有心理準備。


★人馬座

拒愛方式：速來速去
佢哋對愛同性都好隨便。向佢哋示愛，佢會抱着 “唔理好醜，但求就手” 嘅心態同你玩下，記得做好被飛嘅準備。


★山羊座

拒愛方式：斷然拒絕
務實嘅佢，不會信一見鍾情。除非你同佢朝夕相對，日久生情，佢都對你有意思，否則佢以為你玩佢。


★水瓶座

拒愛方式：乘機利用
佢最識把握每個賺錢機會。你同佢示愛，佢反而向你推銷貨品，或者介紹咩咩會所。拍拖？你有錢先啦！


★雙魚座

拒愛方式：不知不覺
佢哋只會活於自己嘅圈子，所以就算你同佢萍水相逢，會因對方幾靚仔靚女就示愛，佢哋只會當你係朋友。