10 月 29, 2021
1235 Views
在〈《聖鬥士星矢:正義傳說》冥王篇11.4開啟 官方40隻黑帝斯模型大放送〉中留言功能已關閉
1 0

《聖鬥士星矢:正義傳說》冥王篇11.4開啟 官方40隻黑帝斯模型大放送

Written by

今日,《聖鬥士星矢:正義傳說》於官方Facebook公開消息表示,為預祝冥王篇開啟,官方將會舉辦抽獎活動,從通過遊戲關卡2-40嘅中隨機抽選40位玩家送出黑帝斯模型。同時,冥王篇預約頁面亦更新咗新嘅版本,除咗展現出故事進入新嘅階段之外,亦同步預告送模型嘅活動。有興趣嘅聖鬥士Fans可以去官方Facebook或者預約頁面關注抽獎活動嘅後續內容。

《聖鬥士星矢:正義傳說》即將開啟冥王篇

官方Facebook

冥王篇喺聖鬥士星矢中佔有非常重要嘅地位,漫畫單行本一共28卷,冥王篇嘅故事佔據咗10卷咁多,同時呢段故事亦都係聖鬥士漫畫嘅最終篇章,其中沙加同三位冥衣聖鬥士喺娑羅雙樹園嘅決戰、十二黃金聖鬥士以生命為代價打破歎息之牆等情節,都係聖鬥士Fans心中不朽嘅經典。

官方預約頁面

從《聖鬥士星矢:正義傳說》嘅舉動嚟睇,官方似乎都對冥王篇非常重視。10月22日,官方推出咗冥王篇預約頁面,並準備為預約嘅玩家贈送限定頭像框獎勵;後續有玩家陸續從巴士、報紙等平台發現到冥王篇嘅預告,並分享到網路上面。

玩家分享,刊登有《聖鬥士星矢:正義傳說》冥王篇廣告的報紙

玩家分享,看到印有《聖鬥士星矢:正義傳說》冥王篇廣告的巴士

再加上今次嘅模型抽獎,對於一個改版講得上係大手筆。根據目前公開嘅獎勵同有關情況嚟睇,獎品似乎係BANDAI出品嘅冥王黑帝斯,市面售價係2500港幣左右,共有40隻,其價值可見一斑。

BANDAI出品的冥王黑帝斯模型

目前,官方仲未公開具體嘅抽獎規則,心動嘅Fans們可以關注官方Facebook嘅消息。值得注意嘅係,今次抽獎需要達成通過關卡2-40嘅要求,所以仲未下載遊戲嘅Fans們可以先去遊戲內體驗幾日以滿足抽獎條件。

官方冥王篇預約頁面:https://bit.ly/3vKEaFr

留言

留言

Powered by Facebook Comments

Article Categories:
APPS GAME · 事前登錄

Comments are closed.