網石遊戲Netmarble Games宣佈全球2億玩家引頸待盼嘅經典MMORPG《石器時代》正宗續作《石器時代:起源》(iOS / Android)已於今(28)日港澳雙平台震撼公測。
進入石器時代 尋找恐龍起源
《石器時代》一款千禧年風靡全球嘅OnlineGame,以可愛2D風格同當時少見嘅回合制模式成功吸納一班忠實玩家,直到而家都有唔少老玩家希望搵返當初嘅感動。
而家手機遊戲《石器時代:起源》繼承前作《石器時代》嘅經典內容,以 3D 動畫風格重新塑造遊戲入面嘅人物、恐龍同場景,加入符合目前手機遊戲特性嘅社群功能等多種遊戲模式,以及更豐富嘅恐龍管理系統等。
石器時代之「魂」 恐龍模式全介紹
《石器時代:起源》喺恐龍同戰鬥系統方面忠實還原前作《石器時代》重點元素,除咗捕捉(BOSS係捉唔到架)、培養大家耳熟能詳嘅恐龍外,包括機械暴龍「帖拉所伊朵」、「巴朵蘭恩」、小豬「烏力烏力」等恐龍都會以 3D 重新繪製登場,每隻恐龍都擁有獨特個性同專屬動作,當中恐龍外觀會隨住自身星數改變,可以見到喺新鮮感同創意兩方面廠方都落足心機。
而喺鑽研要素方面《石器時代:起源》仲保留咗原作嘅隨機素質呢個特點,當中更仲加咗「性格」系統呢個隨機項目,就算係一模一樣嘅恐龍喺性格同素質都會係獨一無二。
另外,每隻恐龍都可以裝埋裝備強化能力,而裝備亦會有稀有度。所以,偉大嘅馴獸師你地要俾心機過關拎神裝呀!
多元系統 延續16年前嘅夢想家族
除左上面提到嘅人物同恐龍介紹外《石器時代:起源》仲會有唔同嘅挑戰模式充實遊戲內容,務求保持遊戲嘅新鮮感唔會咁快悶。當中「牧場」可以訓練寵恐龍提高忠誠度同改變恐龍性格﹑「討伐隊」可以邀請好友進行4人共鬥刷出大量升級肥料﹑「突襲戰」可以同朋友合力挑戰巨大BOSS拎稀有獎勵。
「部落」系統就可以集合一班志同道合嘅玩家,入面仲可以一齊參加部落遠征隊為部落榮耀而戰添,部落成員喺參加遠征關卡時仲會有部落技能加乘效果增強戰鬥力。而各部落之間會設有排名競爭,喺每個星期結算之後全伺服排名第一嘅部落,每位部落成員都會拎到水晶作為獎勵架!
《石器時代:起源》集《石器時代》成功要素之大乘,恐龍﹑背景音樂等等都可以勾起玩家16年前第一次接觸石器時代嘅感動回憶。雖然遊戲唔再係2D,但係每隻恐龍嘅造型都係忠於初代石器,而戰鬥過程同施展技能都充滿流暢性同震撼力。
重點一提,本作係冇VIP制度,唔好聽出面啲人亂噏呀!所以,就算係原始非洲人都可以享受《石器時代:起源》帶嚟嘅遊戲體驗。
《石器時代:起源》Android下載連結:http://bit.ly/2cBzRqm
《石器時代:起源》iOS下載連結:http://apple.co/2dytq4G
《石器時代:起源》官網連結:http://www.mobirum.com/zh-tw/stoneage
《石器時代:起源》Facebook專頁:https://www.facebook.com/StoneAgeTW
看看其他文章
留言
Powered by Facebook Comments