如果你打籃球,而唔鍾意籃球,是件有趣的事
因為既然唔鍾意籃球既話,又點解要做d唔鍾意既事呢
不過,鍾意籃球的,卻未必會打籃球
可能自身條件不足,只愛看而不愛做等等
btw,我算係d遇強愈強d人
見到強既人,特別係團隊賽果時(街場)我就會同佢打isolation,1on1佢,
個心當然唔可以有怯既感覺啦,唔係只會識得渣住個波,然後波都唔拍,就傳左去隊友度
個心有怯既感覺果時,空哂,都唔會射出水準,個波air,唔入等事
其實樓主與其諗,不如試下搵日係球場,淨係得你一個人,或者d人唔鬥波果時
練d技術,以下係我練波方法,比你作個參考
最基本左右手拍掂個波,之後練插花,再練crossover等等
當你拍波拍到熟左,落到場,即使係比賽,個感覺係唔會走的,始終都係拍波果個feel(唔同射法)
當你練熟左拍波,就要練技巧,即係kobe既膊頭fake,wade既euro step,甚至係kg既low post打法(olajuwon果d low post係好用,但太快,樓主不便太心急學佢果d轉步)
練完拍波,就練走籃,唔好睇小走籃,走籃都係好緊要,
如果比多自己少少壓力,
又或是打快攻果時,舉個例子:你跑得快,個kinetic energy相對加快,當你放波上籃果時,kinetic energy就會增加,個波力度增加,角度稍為歪左,果球波就會炒
所以,普遍香港人會犯既錯誤,放波果時係跳前而唔係跳高
實際上放波果時係放高
最好練走籃,左右籃都練(即係正手,反手,勾手等)
BTW,我就係練哂2隻手,因為用左手係左邊上籃,比起右手係左邊上籃有較高既穩定性
之後講射波:射KEY係最有用,不過,我射KEY方法係,單手(用開果隻手),將個波射入去
射哂所有KEY之後
左手可以用1隻手指支撐住個波,之後繼續射,射完,又加多隻手指(用2隻手指支撐個波),直至左手既5隻手指都掂哂
射完KEY,就要將個距離拉遠,即係中距離,同樣地,跟返KEY位,將距離拉遠再射就OK,3分亦是
至於防守,好講你既移動步速,多D練習打橫行,跑下急停再跑等
彈跳力方面,不建議刻意加強,會好傷個膝同隻腳
偷波方面,要落場先教到你
可以既話去運動場跑下步或做下GYM,加強身體既體能同對抗性,唔易比人BUMP開
好,回歸主題
樓主欠缺既係信心
當你訓練有成,再係街場打一場,嬴左波,信心就會增強
盡量唔好貪功獨食,不過又唔係真係全部做哂助攻
要取其中庸之道
以我為例,我鍾意做助攻,特別係由高位剷去低位,製造空間或引對方夾擊,再傳波比隊友,隊友空哂,入球,我就做球助攻
如果你知你D隊友係空哂都未必入,咁你就產入去走籃,射波等,知道射唔到先傳返出去比隊友
而我就鍾意以ISOLATION同對方玩,即係我D隊友企哂係另一邊,防守果D自然跟住佢地行
就會造成我同防守者既單打
進攻係易過防守,因為你控球,主動權係你手度,你去左邊,對方係唔會同你同步知你想去邊
基本上你FIRST STEP快過對方,就會過到對方,之後就搵方法射波,傳波
以上講既野,就係由技術,比賽去建立樓主既自信
經過一排苦練的話,樓主嬴到波,而且成為果隊波嬴波既重心人物,你既想法自然不同呢 |
發表於 09-5-21 09:06 PM
發表於 09-5-21 10:11 PM
