【理性討論第11期】國戰商店

霉乂男

相信好多玩家都知道國戰商店係FEZ為數不多既收入來源之一，
但同八婆珊迪一樣需要考驗大家既人品同勇氣，所以評價參差不齊；
今期理性討論就以「國戰商店」作為核心，
去分析國戰商店各種優劣（無論從玩家或商業角度），
表達心聲以及探討其改善空間。

---

假如你唔知點講，可以嘗試由以下幾方面入手：

• 你有無曾經光顧國戰商店？原因為何？
• 站響商業立場，你會如何設法平衡國戰商店﹑輪盤以及寶石店既裝備分配？
• 你認為現時國戰商店可以如何改善以達至玩家與代理雙嬴局面？
• 你願意每月或一次性投資幾多錢響國戰商店？
• 總括而言，你對國戰商店的評價是？
• 你認為每個月國戰商店的總營業額約有多少？（粗略估計）
• 你希望國戰商店會推出怎樣的商品？
• 你認為國戰商店有何優點與缺點？
• 你認為對代理商而言，國戰商店是否成功？
  

由於題材敏感，以下事項討論時務必注意：

• 是否光顧國戰商店純屬自願性質，因此不存在「呃錢﹑搵笨」一說。
• 「機率」無明確指標，故不列入討論範圍。
  

所有參與討論回覆視內容可獲加５－５０分作鼓勵，亦歡迎對他人言論發表意見；
此外，過份離題﹑人身攻擊及粗俗字眼會被屏蔽，以免影響正常討論。

唔知呀你呢?

總括而言，你對國戰商店的評價是？
有錢人的玩意

霉乂男

唔知呀你呢? 發表於 12-8-23 02:58 PM
總括而言，你對國戰商店的評價是？
有錢人的玩意

我倒覺得唔需要太多錢都玩得起，
睇你肯唔肯比咁解。

MrMT

•你有無曾經光顧國戰商店？原因為何？
有...因為襯衫也是一種樂趣...
而且當襯到一套好令以及冇咩人發掘到既組合...
有很大既滿足感..雖然襯衫沒有對人物屬性有任何加成...
因為人物能夠著住自己襯出黎既外觀...
比其他ONLINE GAME既一般外觀完全相反..
所以FEZ呢點算係做得非常好....

RoSaRiO

•你有無曾經光顧國戰商店？原因為何？
有，無知

•站響商業立場，你會如何設法平衡國戰商店﹑輪盤以及寶石店既裝備分配？
估計demand大既就放落黑店，其他輪盤、寶石

•你認為現時國戰商店可以如何改善以達至玩家與代理雙嬴局面？
不太可能？

•你願意每月或一次性投資幾多錢響國戰商店？
0

•總括而言，你對國戰商店的評價是？
支持成個遊戲既重心，唔可以冇，但係唔好過份

•你認為每個月國戰商店的總營業額約有多少？（粗略估計）
5萬

•你希望國戰商店會推出怎樣的商品？
唔會買~唔答

•你認為國戰商店有何優點與缺點？
優點：支持成個遊戲
缺點：搞到好多人都會因為唔想放咁多錢落game但又要著黎著去都係個d裝而唔玩

•你認為對代理商而言，國戰商店是否成功？
半成功

segawa

其實國戰商店成功多於失敗
你睇下成日都冇貨你就知啦
重有就係成日都好多人收同放野

最重要係冇左黑店,呀唔係,係國戰商店FEZ好易執囉

明治]]]

我認為應該停止黑店
黑店霸道式經營無錯係推動左黑橘既經濟體系，
作為玩家都覺得幾好，有機會得到靚裝
但係黑店已經持續壟斷左個市場一段日子
玩家們紛紛感到追唔切裝，有時更因為抽唔中而同人收
玩家同玩家交易，黑橘係賺唔到太多錢

如果張黑店歷來既裝放返輪盤，應該可分5至6期
當每期2至3個月，輪盤賺錢可穩定執行1年幾，
黑店係張呢1年幾壓縮到半年內急速賺錢，短期可行，長期有隱優
什至出現炒家低成本抽中，高價放出

以上未計算超黑店法利亞句，

最後一句，我建議超黑店，黑店取消，然後好好運用輪盤，長期穩定賺錢

MrMT

•站響商業立場，你會如何設法平衡國戰商店﹑輪盤以及寶石店既裝備分配？
緊係利用現家多d金錢而去決定商店機率...輪盤留給低支出玩家
•你認為現時國戰商店可以如何改善以達至玩家與代理雙嬴局面？
冇咩可能做到-  -一定有一方得益多
•你願意每月或一次性投資幾多錢響國戰商店？
每個月最少4000hkd
•總括而言，你對國戰商店的評價是？
非常差..垃圾多過食米
•你認為每個月國戰商店的總營業額約有多少？（粗略估計）
最少5萬
•你希望國戰商店會推出怎樣的商品？
我只希望佢能夠抽到裝備機率提高= =...對任何商品也沒有什麼要求
•你認為國戰商店有何優點與缺點？
優點:令玩家能夠多些選擇
缺點:定價太貴..由之前100gash抽1次 變成200gash抽1次
•你認為對代理商而言，國戰商店是否成功？
成功= =..最少每個月都呃左我半份糧

霉乂男

MrMT 發表於 12-8-23 03:21 PM
•站響商業立場，你會如何設法平衡國戰商店﹑輪盤以及寶石店既裝備分配？
緊係利用現家多d金錢而去決定商店 ...

吐槽:
每個月最少用4000hkd響黑店,你真係好野……

詩米

RoSaRiO 發表於 12-8-23 03:13 PM
•你有無曾經光顧國戰商店？原因為何？
有，無知

你有無曾經光顧國戰商店？原因為何？
有,,想抽想要既裝

站響商業立場，你會如何設法平衡國戰商店﹑輪盤以及寶石店既裝備分配？
抽小部份既裝放落輪盤度,,但呢一部份系寶石同黑店都買唔到,,
新裝放系黑店度,,過番1-2年先放部份系寶石店
有d靚會放系寶石店,,但價錢會偏高

你認為現時國戰商店可以如何改善以達至玩家與代理雙嬴局面？
將「部份」黑店裝放系寶石店,,貴d都唔緊要(唔想d人炒太高)
玩家以成本價抽黑店,,抽出黎當然會售價放出去,,
倒不如黑店直接用售價放出去...

你願意每月或一次性投資幾多錢響國戰商店？
2400gash-.-

總括而言，你對國戰商店的評價是？
一般般,,由其d垃圾裝,,唔系吸引買家既動力黎,,
放番系寶石店仲好d

你認為每個月國戰商店的總營業額約有多少？（粗略估計）
20-30萬

你希望國戰商店會推出怎樣的商品？
可以隔一排推番d舊裝出黎

你認為國戰商店有何優點與缺點？
優點系,,證明hk fez仲更新緊,,有新裝賣...
缺點系,,某程度上限制左玩家可選購既裝備

你認為對代理商而言，國戰商店是否成功？

半成功,,因為hk fez既人流比較少,,理論上唔可以完全行日本fez既制度
不過...我覺得代理始終搵唔到高價少賣or低價多賣既平均點

端木鏡夜

我由黑店開業到e家
我剩係買過3-4黑店咁大把
但無1次中過武器 中裝都係中寶石裝
最好個次咪中本玄虎書 換左套海鷹~~

有d裝的確好想要 奈何同人收又怕幾舊水俾人呃鬼左去(睇下個主版就知啦)
自己去抽又唔中
唉 是是但但咁玩住算



加多d分俾我 補償我個2張簽名圖俾人ban 好傷心呀我 嗚嗚

RoSaRiO

GM會睇嗎？

霉乂男

RoSaRiO 發表於 12-8-23 03:38 PM
GM會睇嗎？

應該唔會,
因為理性討論帖素來都係即興開的……

抽水婆婆

仲估真係有國商

紅螞蟻

以日本遊戲市場黎講, RMT應該係佢地唔樂見既情況
fez作為一隻原廠係由日本開發既game
當中點樣避免RMT既出現, 其實可以搵到d端倪
輪盤裝不可交易, 亦唔存在所謂既神裝神武
而星水鑲嵌石都冇其他途徑可以平價大量售入
就算隻game係設計上仲係有唔平衡既地方
但相對地消費玩家同免費玩家可以得到既野都係一樣
R石?大家可以$1都唔使照樣拎到
輪盤裝?就好似LOL買skin咁, 買左唔會勁d, 對於遊戲平衡度冇影響

當然我地大家都好清楚, 對於橘子黎講
只要仲有ドM玩家存在既一日, 從來都唔會有唔可以發展商城既online game
到底當時開始國戰商店既決定係咪岩, 時至今日已經冇辦法追究到
我只可以講如果依家fez冇左國戰商店, 我諗過埋呢一期代理合約隻game應該就會執笠
至於fez越黎越少人到底關唔關將d輪盤裝放哂落黑店事?
呢個問題等於你問LOL收起哂d skin放落商城俾人抽會唔會令隻game少人玩左一樣
以fez存在免費頂攻頂防, 修理裝備唔使真錢...等等要素作為前提
個堆把口講住"死爛橙將堆輪盤裝放哂落黑店正xx"既人
係我眼中其實只係因為佔唔到便宜而發老皮既玩家(笑)
想襯裝打國戰靚靚仔仔係屬於美觀方面, 並唔會影響你本身既能力值同國戰技術
我打咁耐online game從來未見過靚skin會有一般途徑俾你唔使俾真錢買

反而國戰商店有出現A石先係真正問題所在
唔消費既玩家根本搵唔到方法去對抗
入完R石同A石鬥撞既情況, 就好似你打泡菜game pvp場
+5劍撞+10劍咁樣

廢話太多, 答返問題

站響商業立場，你會如何設法平衡國戰商店﹑輪盤以及寶石店既裝備分配？
寶石店只係一個途徑俾d嫌錢多想買點裝既人買, 所以好似依家咁已經ok
唔更新係正常, 有更新當bonus
至於輪盤同國戰商店既問題
我覺得將輪盤視為一個"俾玩家免費得到頂防裝備同武器"既地方比較好
當然前提係叫GM放返套職業裝出黎俾人抽

你認為現時國戰商店可以如何改善以達至玩家與代理雙嬴局面？
上面有提過, 其實刪左堆A石已經可以
其餘星水個類消耗品算係可以接受既範圍
當然為左照顧個堆嫌貴唔肯抽又要嘈既玩家
每次抽黑店費用減少/一次過抽有折未嘗唔係一個辦法

總括而言，你對國戰商店的評價是？
好壞參半
上面講到既A石code量產固然係一個問題
但無可否認由此產生既RMT商機的確係增加左部份人抽既意欲

你認為國戰商店有何優點與缺點？
缺點: 將原廠預設為輪盤獎品既裝備改放國戰商店, 間接令免費玩家全體中槍
優點: 抽輪盤又係抽, 抽黑店又係抽, 一樣存在機率問題
          事實上一隻角色抽4x次輪盤乜裝都唔中絕對唔係新鮮事
          由於黑店而出現既裝備code令到想要靚裝既人可以直接購買

你認為對代理商而言，國戰商店是否成功？
梗係成功架
fez先天因素加上香港環境註定唔會多玩家
國戰商店令到有大量人放錢去抽(包括自用既玩家同炒家)
想要特定裝備既人可以搵錢收返黎
想搵返遊戲成本甚至係想賺錢既人亦袋袋平安

mahoro

為裝備而抽, 有想要既裝
但10蚊1次抽普通道具
會覺得好唔抵
有時抽200幾蚊都無件好野
果陣真係會咒罵國戰"黑"店

霉乂男

紅螞蟻 發表於 12-8-23 03:53 PM
以日本遊戲市場黎講, RMT應該係佢地唔樂見既情況
fez作為一隻原廠係由日本開發既game
當中點樣避免RMT既出 ...

嘛,作為玩家我都覺移除A石係好事,
不過對代理商而言會賺少好多大團錢。

出街街,新回覆既朋友我下次上線一次過加。

６κ.

•你有無曾經光顧國戰商店？原因為何？
  有 黑店既裝靚甘多l0l

•站響商業立場，你會如何設法平衡國戰商店﹑輪盤以及寶石店既裝備分配？
  黑店既裝放最靚最新，定期更新返輪盤以集5樣野既方式抽舊既黑店裝
  寶石店就更新d冇甘多人想要既裝，始終一間遊戲公司都系要賺錢既

•你認為現時國戰商店可以如何改善以達至玩家與代理雙嬴局面？
  有d人運氣好抽幾次就中靚裝，有人抽成千蚊都冇件靚裝
  出一個兌換既活動，抽夠(EG. $1000 / $2000)就可以免費換走一套靚裝
  起碼坐底都有件靚裝先啦

•你願意每月或一次性投資幾多錢響國戰商店？
  睇下黑店d野靚五靚啦，最多一個月玩左$7000，有期五靚既就玩左$500到就收手
  平均都有$3000一個月既

•總括而言，你對國戰商店的評價是？
  成隻GAME賺錢既主要來源，冇左黑店好難撐住隻GAME
  一次大數去抽點都會有靚野，幾百蚊去抽就等中伏

•你認為每個月國戰商店的總營業額約有多少？（粗略估計）
  起碼10萬

•你希望國戰商店會推出怎樣的商品？
  出咩商品好難定，都要睇返日本
  只希望可以追到日本既進度就差五多啦

•你認為國戰商店有何優點與缺點？
  優點: 出既裝真系靚，仲會下架令d裝五會太多人有，可以特出自己
  缺點: 太難中靚裝，成日比埋d雜物

•你認為對代理商而言，國戰商店是否成功？
  絕對成功啦，有一班人定期掉錢落去，一定比好多GAME都賺更多

zoo00rr

國戰商店係FEZ為數不多既收入來源之一