FEZ感想加入 之 「ダブルラリアット」你仲記唔

風雨霜雪

【巡音ルカ】ダブルラリアット【炒飯】中文字幕+註解



大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?
我自問當時冇諗咁多，只係為左想打機而玩。

還好自己係封測時期加入，
我做錯事時，大家都一樣會做錯，所以大家識得包容。

但我地已經變左老手，
面對新手反而顯示唔出包容，
為左一場國戰，踢走一個新手，踢走一個玩家。

破一下冰，會唔會嚴重到影響國戰輸贏?
擴錯亂出召，但又有幾多人會主動守塔?主動出召?

一隻game要多人，不停有新血，先好玩，
俾你場場嬴，但打ge都係同一班人，好玩咩?

放低「老手」ge態度，諗返自己仲係新手果時，搵返最初ge果團火la!!!!!!!!!

[ 本帖最後由 風雨霜雪 於 10-6-1 12:53 AM 編輯 ]

-若男

隻公仔好得意
支持文章!

紅孩子

有點兒同意....

Zenon

首歌已經唔知俾我洗機洗左去邊

文章有點兒同意._./

XYZ5678

破一下冰
擴錯亂出召

25都係做呢d野啫,閣下是否不支持踢25

25同新手點分呢

定係閣下係:
「睇情況先啦,睇下點先話踢唔踢」

「情況」係咩,閣下文章好似並無提及

Blass

半徑85公分是這雙手觸及的距離(大劍自轉的意味
曾經有張圖是巡音拿著大劍自轉
可惜沒右鍵

『阿細』

私心覺得halyosy的版本比較好聽

laulam

同意到極
RE#5:我每次見親人地踢人..都係犯左一次錯..就即踢..無人話佢知自己錯..
如果老手們可以晒個少少既時間話佢知邊樣唔得邊樣唔得既話..佢都再犯咁就抵踢...
可惜我未見過有老手肯慢慢教...只會晒時間打個"吊"字..
25既同樣..話佢一次都仲有第2次..咪又係抵踢囉...
但老手們請自己問下自己..你有幾多次踢人前係有教新手?
另外,有D人就叫爬好文先好玩...大佬..讀書咩?打機都係想RELAX下姐..又要人睇文
好心各位老手們係國戰既期間..晒你少少既時間教下新手..比多D新血有空間生存

風雨霜雪

原帖由 XYZ5678 於 10-5-31 11:56 PM 發表
破一下冰
擴錯亂出召

25都係做呢d野啫,閣下是否不支持踢25

25同新手點分呢

定係閣下係:
「睇情況先啦,睇下點先話踢唔踢」

「情況」係咩,閣下文章好似並無提及

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?

睇嚟你仲係唔明我ge意思~
當每個人都搵返自己當初玩fez ge目的，我相信唔會有「25」ge出現，
而且我亦堅信，「世上好人總比壞人多」

的確好多新手ge行為同「25」冇分別，
但回到從前，你會定意自己為「25」嗎?
如果你有機會去美服玩，你會將全場ge「25」踢晒嗎?
你自己又點定義「新手」同「25」?

水工只會坐水不會守塔(什至死門)，同你所謂ge「25」送塔送死門又有咩分別?
如果前線破冰係一項嚴重錯失，十個追一個ge行為又算係咩?

又有人因多次獨自守塔而死，而被人定義為「25」送死，
哩啲真心附出ge玩家又算係咩?

到底真係有咁多「25」，定係你地自己對新手包容不下，
大家都知，只係大家都唔肯接受吧了。

殺神特工F仔

係!!!好有感觸~~~~但有團為左個團既面子多自己團既人入左場既
而去踢人....哈...
自己做新手果時...如果係依家代番入去...我一定成日比人踢~..haha~

Mirror777

我覺得呢個版本最好聽~
實谷奈奈

feisss

非常同意~ 有時有d初初玩既玩家做錯野,d所謂'大團'就話踢 自己做錯野就say聲sor算
叫新手學好d技術先上前線,會用心教既又有幾多個?

幻瞳Evangeline

ya~~唔知點解以前果團火已經返來了0.0

總想貢獻什麼,為同伴做點什麼..以及以前不認輸的成長過程

就算玩得唔好,我依然係愛呢一隻game^^/

自問本身係愛玩音樂..但係fez裡面我搵到更多..

諗起之前係台灣玩左一陣子mhfo..

的確咩人都有..一開始唔對路就走場/咀炮/自私吸裝備等等..

但人地完場後最低限度都會講句

"辛苦了"

唔知幾時開始..大家(特別係再年輕一輩)已經忽略互相尊重呢一回事(唔止係fez)

定係香港網絡文化影響?以抽水,食花生自居為榮..仲有咩認真就輸了/on9等等林林總總

有時的確唔需要太過認真,但應該認真時候請真的認真一點好嘛?

究竟係現實太過苦悶,定係認為快樂必需要係建築係人地痛苦身上?

(抱怨一下,現時電視只會製造更多笨蛋..)

對於遊戲定義,大家各有不同

但請以人的角度去出發作為決定。

比起改版..我更加希望老手們的處事態度都應該要改版

別說日本玩家什麼什麼..

我地中國人亦有一句說話叫 "以德服人"

在戰場上，沒有要守護的東西..只是一頭野獸而已

最後當然希望新手亦要學會堅強一點..

以上。

mghojwpkiog

有時見到d新手犯錯...冇人見到..我會靜靜雞密佢..同佢講..
跟住team住佢一齊打..一路教佢點做..唔好做d咩..



[ 本帖最後由 mghojwpkiog 於 10-6-1 07:43 AM 編輯 ]

oooiii

有時我見到新手被人踢,
我都會密佢知原因

kan0123123

有時見到d新手犯錯...冇人見到..我會靜靜雞密佢..同佢講..
跟住team住佢一齊打..一路教佢點做..唔好做d咩..

kevin987654

最睇唔起就係有d 團為左俾自己友入而亂咁踢人出場

包場例外 因為團戰對團戰 開戰時已經講明唔係乜乜團請離開的

會亂踢人的團 我自己都入唔少，亦都已經全部離開了

我自己由開server 打到依家，現在不會過度追求輸贏，只會享受戰鬥的過程

若然戰況激烈的話 全場星水星藍都在所不計

但俾人sm既場(爆埋qml都不能反勝的場) 我會連補品中水細水都懶得吃

俾人殺多幾次快點完場好過


根本唔少心用低傷技破冰1-2次 絕對值得原諒尤其是弓手，因為弓手距離遠和法師同時出技的情況十分普遍

我玩弓手連精準系都無修，因為蓋技會蓋得好頻煩，所以都是用火箭 強力做主力，

改版後 冰b3級都係得4秒，還有水晶回血也不會扣水晶總數


總結:還是快些改版吧

[ 本帖最後由 kevin987654 於 10-6-1 05:36 AM 編輯 ]

固態蛇

好有FELL d歌詞

10654132

大小姐版本更正
老實講 上到戰場打仗就變左另一個人

XYZ5678

原帖由 風雨霜雪 於 10-6-1 12:43 AM 發表

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?

睇嚟你仲係唔明我ge意思~
當每個人都搵返自己當初玩fez ge目的，我相信唔會有「25」ge出現，
而且我亦堅信，「世上好 ...

25定義啊,故意損害己方
新手定義啊,剛玩這遊戲不久
呢d定義大家同意架可?

直接d問幾句
你係咪唔踢25先?
你係咪呼籲大家唔踢25先?
係咪25扮做新手,就一定唔踢先?

到底係包容新手，定係對自己分辨唔到新手定25既無能作出合理化?

我聲明先,我有個定義:「呢個fez係有25既存在」
多定少我無計過
不過你要否定25既存在既話,我都吹你唔漲

---------------------------------------我係分隔線-----------------------------------------------------------
唔知邊條友講過,存在必有意義
既然研發商有設立「踢人」呢個功能
我地應該善用呢個系統,而不是罷用呢個功能
我地作為對fez有火既玩家
應該要明白到要如何利用這個功能來令遊戲氣氛變好
好似大家辛辛苦苦打到反勝,無謂俾25送ob搞到大家廿幾分鐘既努力白費
雖然「踢人」系統有時會俾人濫用
不過我地唔係要「實行罷用來避免濫用」
應該要「教人善用來減少濫用」
這才是積極面對的態度

良性討論良性討論
唔好有粗口