大家樂撤「減飯鐘錢」 薪照加 工會取消罷食﹕市民一條心顯力量

climbc70074

【明報專訊】如箭在弦的周二「全城罷食大家樂    」行動將至，大家樂昨突然宣布取消備受抨擊的「扣飯鐘錢」安排，員工可繼續享有每小時2元至3.5元的加薪，而毋須再被扣減用膳時間的工資，每月獲真正加薪數百元不等。大家樂同時會把10月份扣減的膳食薪金歸還員工，涉款360多萬元。工會形容，大家樂的讓步是實行最低工資的「第一場勝仗」，而由職工盟牽頭、原在周二舉行的罷食行動亦宣告取消。

年增4320萬成本

以10月份扣減的膳食薪金360萬元計算，大家樂若撤回「扣飯鐘錢」安排，一年的人力成本便增加4320萬元。根據大家樂集團年報，集團在截至今年 3月底的財政年度總銷售額為48.8億元，毛利為8.3億元，淨溢利為5.1億元。撤回「扣飯鐘錢」的支出，約佔去年淨溢利的8.4％。

據了解，行政會議    有機會在本周二、即原定「全城罷食大家樂」行動當日就最低工資水平「拍板」。在過去個多星期，工會、政黨和市民紛紛參與全港罷食大家樂行動，身為臨時最低工資委員會成員的大家樂集團主席陳裕光卻一直未有就外界的連番炮轟親身表態，昨日大家樂亦是以新聞稿公布取消「扣飯鐘錢」的安排。

大家樂﹕顧及整體社會和諧



大家樂的新聞稿提及，原定安排雖獲絕大部分員工簽署同意書，但留意到「部分社會團體及公眾人士對有關措施持有不同意見甚或誤解」，因此「為求釋除公眾疑慮與顧及整體社會和諧」而決定收回用膳時間不計薪的安排，加薪則維持不變。大家樂補充，有關安排共有7500名員工可受惠。

陳裕光曾在訪問中表示，旗下集團員工平均時薪為22元，以每人每天工作8小時，每月工作26天計算，大家樂集團這部分的每月支出約3432萬元，而採取「加薪減飯鐘」安排後，有關支出每月要增加約60多萬元；回復「正常」加薪後，每名員工每月可獲400元至700多元不等的加薪（見圖）。

職工盟飲食及酒店業職工總會歡迎大家樂懸崖勒馬，工會同時宣布中止周二的罷食行動。該會組織幹事胡穗珊形容今次為落實最低工資的「首場勝仗」，是「人民力量的勝利」，「看到市民一條心發揮出來的力量」。

職工盟﹕蒐集肯德基薪金資料

胡穗珊強調，下一步是希望爭取大家樂的時薪達到33元的水平，並監察其他企業會否出現類似借最低工資「巧立名目」剝削員工的行為，包括同樣是「無飯鐘錢」的肯德基集團，目前正蒐集資料，未決定會否發起罷食其他集團的行動。胡穗珊說：「罷食是由市民自發表達的憤怒，是企業自招的惡果，希望其他企業願意開始對話。」她呼籲員工舉報任何不公平的行為。她又說，日後「非常不希望」見到陳裕光再加入類似臨時最低工資委員會的會議。

曾表態負責在18區「包起」罷食宣傳街站的民主黨    黃成智歡迎大家樂的決定，他說，民主黨會取消抗議行動，包括立即拆去呼籲市民罷食大家樂的橫額，他會約見陳裕光，要求對方堅持不剝削員工。

職工盟立法會    議員李卓人    表示，理解部分市民對中止罷食行為感到失望，但強調應「賞罰分明」，「我們的行動目的是為大家樂員工爭取飯鐘錢，既然已經達到，好應該中止行動」。

李卓人指政府鼓勵無良行為

李卓人說，政府在抗爭過程中不單沒有協助工人爭取合理工資或指摘無良企業，勞工及福利局    長張建宗    更明言食飯時間計薪不在法例範圍，「等於暗中鼓勵這些無良行為」。張建宗昨出席活動時表示歡迎大家樂的新安排，認為有能力的企業能多為員工設想是好事，有助促進勞資和諧。



抗戰成功

sai888

這是團結的勝利

壺一v一

係就keep住罷食啦
佢袋成咁多錢
一陣唔扣人工錢變左扣食物份量/加價就卜街
係就買多一星期公仔麵 就唔去幫親佢啦!!!

總之都係 佢扣唔扣鐘錢佢都係有大把錢搵 多小小唔多 小d又唔小

人中乂之龍

人民力量 係最強既

chan20008

下一個就是肯德雞

sai888

原帖由 chan20008 於 10-11-7 10:10 AM 發表
下一個就是肯德雞

我差唔多一有新野就食

平均一個月一次

L@尼亞

原帖由 壺一v一 於 10-11-7 09:55 AM 發表
係就keep住罷食啦
佢袋成咁多錢
一陣唔扣人工錢變左扣食物份量/加價就卜街
係就買多一星期公仔麵 就唔去幫親佢啦!!!

總之都係 佢扣唔扣鐘錢佢都係有大把錢搵 多小小唔多 小d又唔小

X2 , 係就應該幫親多 d 鋪頭仔 , 茶餐廳仔啦

壺一v一

原帖由 L@尼亞 於 10-11-7 03:24 PM 發表


X2 , 係就應該幫親多 d 鋪頭仔 , 茶餐廳仔啦

係羅 碟頭飯又夠大碟
人地就真係老闆開檔老闆做打工仔 唔似大家樂 果D
老細就一定搵到錢 慘的是員工

幫親多D鋪頭仔 茶餐廳啦兄弟
自問你地身邊D餐廳仔係咪幾年就換一間呢
係就不如用幫親大公司果廿幾蚊放落D店仔到

P.S成班白痴自己搞事之後就話抗戰成功 商人有佢地奸技
抗完 飯小D 野飲細杯D 腸都小兩條就卜街
~~~~~~~~~~~~~~~
如果真係咁差 比我係員工就轉去吉家 OR 其他大公司到做啦 曬9氣
係抗就抗到底 唔加人工就唔幫親佢

~~~~~~~~~~~~~~~~~~~~~~~~~~~~~~~
P.S 幫親開果D人入去食個公仔麵不如自己係屋企COOK仲好啦
最底起馬你果D一定新鮮好多~你去食個腸蛋麵加多士收你20蚊
你自己用10蚊就KO 不如真係幫親開果D人 忍住係屋企食幾日OR幫親其他仲好啦

[ 本帖最後由 壺一v一 於 10-11-7 03:39 PM 編輯 ]

艾倫-風

茶記無論quality定quantity都好過大家樂 又平d 所以食親都茶記

芝仔=]

一陣轉過頭又整小動作...

艾倫-風

呢頭加番又o係第2度縮數
賺少d好似會落地獄咁

壺一v一

原帖由 climbc70074 於 10-11-7 05:01 PM 發表

大家樂 點敢搞事 d野落小D
你見 D人一搞罷食大家樂 佢就淆哂底 抵受唔到群眾壓力 佢係呢個時候縮水 實再比人屌過
d人 又唔係傻 見你狂縮水 都唔會去你果度食啦
佢落小d野 客人就越黎越小
驚佢裁員都 ...

無分別 家陣多數都係年青人發起
D阿伯阿婆又鬼理佢地 有慣例果D人又照日日去飲早茶
個話事人 又要搞最低 自己又要走法律拿
都係果句 抗戰最終目的都係要加人工
家陣只不過係成功唔洗變相-人工 但D人已經話成功了

P.S D人話成功,因此到搞肯德基 -請問 成功 左 D 咩?.?

[ 本帖最後由 壺一v一 於 10-11-7 05:59 PM 編輯 ]

終極篇

kfc d雞難食左好多 擺唔擺都唔會食



原帖由 艾倫-風 於 10-11-7 05:24 PM 發表
呢頭加番又o係第2度縮數
賺少d好似會落地獄咁

天下商人一樣奸