可能得罪各位..但真係想問..買咁多生寫來為咗乜?

【夜空】

見d人開post話又節衣縮食..又傾家盪產..又日排夜排..又高價收購..等等
仲要大多都係未踏出社會做事既學生哥, 已經花一萬幾千落呢D毒物身上..
買其實都唔係咩大問題..但好似係買到d好唔理性既地部..係咪真係有需要..
買生寫買到幾疊電話簿咁多..除左拎黎J我都唔知買黎仲有咩可用之處..

我睇左AKB都好幾年..就算係日本住果陣, 我都從來唔會幫襯任何副產品..
大家有冇反思一下, 自己有冇已經去到一個走火入魔既地部..? - -"

麟=)

鐘意咪買囉
唔通拎黎打J咩..

我支持佢地先買生寫啫  得閒拎黎睇下滿足下..

追星不嬲晒錢.. 唔通握手握2秒又洗舊幾2舊水又出黎諗下握黎做咩咩

實際D咪2012 末日個陣拎出黎燒黎取暖囉

chunyinxd89

同意你講ge野........
有時d野適可宜止.....會好d:smilie_:):
我睇左akb唔係好耐.......但係都ok鐘意佢地....
鐘意佢地..係因為欣賞佢地好努力....
得閒放假未睇下佢地d節目lor....
無謂影響自己生活.....

不喜勿插.......

ufo00000566

買佢地d生寫都算係支持既一種
各人有各人唔同既支持方法姐
買呢D真係好睇自己控制力囉
支持有好多唔同既方法 都係支持 有咩所謂買唔買生寫

wayne2224

唔係好同意你講既部分野lo
我都係一個學生,雖然我冇乜買生寫,不過自己鐘意既人買係好正常。
好似買衫咁姐,自己覺得ok值得自己去買先會買,亦都有負出代價lo
"除左拎黎J我都唔知買黎仲有咩可用之處"
如果你係諗生寫得依d用途既話,咁人地儲d古董.舊既野都係得依個用途??
"花一萬幾千落呢D毒物身上..買其實都唔係咩大問題"
依一句好有問題lo如果生寫係毒物咁既係話,akb呢一個原頭都係毒品,咁你有冇反思一下,自己有冇已經去到一個走火入魔既地部

ufo00000566

原帖由 wayne2224 於 11-5-18 12:10 AM 發表
唔係好同意你講既部分野lo
我都係一個學生,雖然我冇乜買生寫,不過自己鐘意既人買係好正常。
好似買衫咁姐,自己覺得ok值得自己去買先會買,亦都有負出代價lo
"除左拎黎J我都唔知買黎仲有咩可用之處"
如果你係諗生寫 ...

我岩岩都有諗到你毒物個point 不過基於有損akb名聲所以冇打
+1你所打既野

kacyakicha

我覺得買寫生都係支持方式既一種
但當然要先考慮自己既經濟狀況啦
如果有錢多~其實唔怕買~
但講到要節衣縮食我就唔支持!
學生哥既話就好自為之~

KiTaRe

買寫真都唔洗高價買 又唔洗日排夜排
上淘寶訂一訂 就有~~

as4680boys

原帖由 【夜空】 於 11-5-17 11:32 PM 發表
見d人開post話又節衣縮食..又傾家盪產..又日排夜排..又高價收購..等等
仲要大多都係未踏出社會做事既學生哥, 已經花一萬幾千落呢D毒物身上..
買其實都唔係咩大問題..但好似係買到d好唔理性既地部..係咪真係有需要. ...

毒物?你係唔係akb飯,如果唔係就冇所謂,如果係,咁身爲飯既自己都話akb d野係毒物咁我都冇野好講了....

卍金日香卍

買毒物好過買毒品！

ken89631139

原帖由 KiTaRe 於 11-5-18 12:32 AM 發表
買寫真都唔洗高價買 又唔洗日排夜排
上淘寶訂一訂 就有~~

係,你咁講都合理
不過我都係鐘意一大班人晨早流流排隊吹下水,交換生寫同意見個刻,有時即場拆中本命個刻真係會開心到講唔出口(我見過d好搞笑既表情動作)

domie

冷靜D先.....可能LZ都係想加強D人為買生寫而買到太過瘋狂姐.......其實我都未試過買生寫,但我個級就有好幾個都鍾意買,初時我都係和LZ你一樣,都認為係咪真係有需要去到用成萬蚊同日排夜排去買,但我之後發覺2樣野,1.我明白到如果中到自己喜歡的memeber的話,是件那麼的喜悅的事...2.而且喜歡買生寫的人亦認為這是他們支持偶像的方法,其實只是大家支持AKB的方法不一樣,我相信最後大家喜歡AKB的心都是一樣的,無謂傷大家和氣!

super261166

草生寫有優越感

ken89631139

原帖由 【夜空】 於 11-5-17 11:32 PM 發表
見d人開post話又節衣縮食..又傾家盪產..又日排夜排..又高價收購..等等
仲要大多都係未踏出社會做事既學生哥, 已經花一萬幾千落呢D毒物身上..
買其實都唔係咩大問題..但好似係買到d好唔理性既地部..係咪真係有需要. ...

都係支持偶像既一種表現手法姐
但要量力而為依句就真係好合理

domie

你講到咁開心,搞到我都想試下><

豬仔遊世界

萬幾蚊買一隻錶，
萬幾蚊買一對鞋
萬幾蚊買一件衫／袋
萬幾蚊買一樣野大把人咁做，摟主唔問佢地係咪走火...
係要拖到akb到，費解

ken89631139

原帖由 domie 於 11-5-18 12:59 AM 發表
冷靜D先.....可能LZ都係想加強D人為買生寫而買到太過瘋狂姐.......其實我都未試過買生寫,但我個級就有好幾個都鍾意買,初時我都係和LZ你一樣,都認為係咪真係有需要去到用成萬蚊同日排夜排去買,但我之後發覺2樣野,1.我 ...

GOOD!!!!!!不能同意更多!!!

其實排隊買生寫都係一種同其他akb飯溝通同埋交流心得既好平台
講真同自己鐘意同一個偶像既人傾野,係會發覺永遠都會傾唔完

另外我想講高價收購問題:講真!我地排隊排到咁辛苦(晨早流流,門都未開,天都未光,流晒大汗,走去排隊)
排完身水身汗咁放比你地,當然想搵返個好價錢喇,係咪先,當你地親身體驗下排隊買生寫,你就會知點解要放到咁貴
我都係其中一舍排隊買生寫既人
我分享下我既經歷:我上星期六去排隊,10點40分到,多人到爆,我問工作人員龍尾係邊,佢同我講行去後樓梯之後上幾層樓梯就到,我足足上左3層樓梯先見到龍尾,到真係差唔多入去門口個時,聽到佢地話A同B賣晒!!!問問個fd,佢話照買lo
入到去,得返K,買左2包,出到門口,即刻聽到好多人係到大叫(ya! 得咗! 中左啦! 之類......)
我雖然中唔到本命,不過都收到返黎,個次係我第1次買生寫,之前我都覺得d人放得好貴,但經此一次之後,我覺得好正常
(當然一定會有人為左賺錢先買生寫,行行都係咁,無計)

ken89631139

原帖由 domie 於 11-5-18 01:01 AM 發表
你講到咁開心,搞到我都想試下>

我買生寫個日見到我之前之後都有人交換緊生寫,個陣有講有笑真係好開心架
其實官方都係想我地咁樣既姐,你買過生寫就知,佢張紙有寫

alanip2003

唔係既..
自己開心咪得囉
不過都係量力而為好

爆笑丸2

買生寫最過隱就係同人交換果陣, 換到果陣都真係幾開心~
仲有排隊果時同人吹下水, 都係一種樂趣
同埋得閒攞本野出黎睇一睇, 會有一種成功感

不過我都同意係要量力而為既..