!!對 Paradise櫻花團 團長 HYC(櫻花) 的申訴!! - AVA戰地之王

本身都唔想發個POST出黎, 只係放係 Paradise 個FB Group度等各團員了解事情既全部,
但係櫻花因為大怒DELETE左我係FB既POST同埋DELETE埋我 FB 會員身份,所以先要係度講.
希望各位諒解。

櫻花, 你太過份，所以我要寫以下呢段說話黎令大家了解你係一個點既人。

 

第1.          你係未經我同意下洩露我私隱, 我當你姊妹信得過你先俾我既相你睇，但係你私自上傳。

 

第2.          你話「nicole本人wo!信者自己去溝佢898」　呢Ｄ係咩邏輯？

 

首先我已經有男友，唔使你搵人去溝我。再者你唔信可以一早直接逐我出團，無互信其實一齊玩都無意思，呢樣野我好失望。

 

第3.          你話「佢咁令講到自己咁勁~對唔住我無佢咁7勁!我無用粗口罵過佢!我話死左先吵自己姐!!佢要自己認我無解!!但我第一次見到一個女仔識咁多槍野wo~」 令唔令係好主觀, 你覺得我令我先要多謝你一聲

 

但係你話「講到自己咁勁」，呢句說話我從來無講過出口，請唔好誣蔑我。

「對唔住我無佢咁7勁!」　其實我水準只係好一般，勁唔勁係睇你俾幾多心機去練習。（呢點我係下面會再詳細Ｄ講櫻花玩ＡＶＡ團戰時候既態度）

 

「我無用粗口罵過佢!我話死左先吵自己姐!!佢要自己認我無解!!」

櫻花話無用粗口鬧過我：但係大家細心諗下，佢同人１對１既時候，俾人殺有幾多時係唔講粗口。如果佢話句句都係自己鬧自己，我諗都好難令人相信。佢１對１既時候掛機，我等到悶行過去殺佢，佢就鬧我　眾團員都應該身同感受，身受其害。

 

「但我第一次見到一個女仔識咁多槍野wo~」

聽聞櫻花好崇拜一位名為　Ｐｕｋｕ的AVA台灣選手，當正佢係女神，試問Ｐｕｋｕ算唔算女仔？定係男仔？──────其實我明知故問。只係想大家唔好對女性玩家有偏見，認真玩一隻遊戲，兩性都可以玩得好，重點在於練習同埋用腦。

「一次見到一個女仔識咁多槍野wo~」櫻花說謊也不斬眼，佩服。

 

 

第4.          櫻花係 Facebook度講左呢句說話:「Nicole好勁!!?有咩資格話人部機廢!?男仔又要扮女仔~夠膽系rc出聲啦!!唔好系rc成日話自己系女仔!!」

 

意思姐係話我唔係好勁，我認同。係AVA真係好多高手同埋老手，我確實仲有好多野要學要進步。

 

但係櫻花講既下一句「有咩資格話人部機廢!?」呢句說話我覺得好詫異

 

櫻花部電腦係舊式４核芯　Core2Quad, 4GB RAM 但係行緊 Windows XP (只係認到3.33GB Ram), VGA係 Geforce 9800GT

 

對電腦硬件有小小認真既人都應該知道呢部電腦用黎打AVA係唔可以調高畫質而順暢地遊戲

----------------------------------------------------------------------------------------------------------------------------------------------------------

為左更加了解櫻花部電腦既性能，我將佢電腦既配置俾左幾位玩ＡＶＡ既朋友。佢地睇完之後得出既結論係

呢部電腦如果只以全屏執行ＡＶＡ，調整到中階設定還可以暢順地遊戲

但若果 同時執行其他軟件／程式　（就會導至遊戲不穩定）

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

 

而我男友買俾我部電腦係　Core i5 3570k 新一代4核芯  8GB RAM Windows 7 64-bit, VGA 係Ati HD6850  先上到一個叫順既地步。

 

我部電腦都只係一般，並知道好多電競界既朋友都全部硬件用到最高階。

　　　我從無話櫻花部電腦廢，所以請不要誣蔑我。

我只係認為身邊既人玩電腦玩到咁疾係好痛苦既事，加上身為團長好多錄製團片既工作都可能要親力親為，所以身為團員同埋朋友，我認為我有責任提醒佢改善佢既電腦硬件，俾我所知既意見佢。當日係２０１３年１月３１日ＡＶＡ更新，櫻花因為更新發生錯誤而玩唔到ＡＶＡ，我用ＴＥＡＭＶＩＥＷＥＲ同佢做遠端修復，花左我整整　一小時(1hour) 先同佢整番好。如果我嫌佢部電腦低階，我可以唔同佢整。

 

↑如果呢Ｄ都唔係叫有誠意去真誠待友，咁我只能說我好無奈。

 

 

另外講到「男仔又要扮女仔~夠膽系rc出聲啦!!唔好系rc成日話自己系女仔!!」

 

我想係度證清－我從來無扮，而且我唔係唔夠膽係ＲＣ出聲，只係我好小講野，就算係ＲＣ我都只係打幾句閒話，除非有人問我一Ｄ有深度Ｄ既問題我先有興趣去長篇大論咁仔細回應。再者，我無係ＲＣ成日話自己係女仔，有Ｄ野唔使講出口，大家知就ＯＫ，使唔使周街同人講，「我媽媽係女人？」道理一樣。

 

除此之外，人既說話好多時都有動機，就正如我宜家係呢度同大家講呢番說話，動機就係想澄清番件事，令大家唔好誤信傳言。櫻花點解要中傷同抹黑我？請睇以下一段櫻花俾我既ＲＣ對話紀錄：

 

 

 

應該睇得好清楚，佢初頭係稱呼我做「令女」

姐係到2013-02-08 19:59:10，佢都仲係無覺得我係男仔扮女仔。

咁點解係　2013-02-08 20:50:00突然把心一橫，誣蔑同中傷我呢？

原因好簡單，睇左岩岩果段紀錄就明，佢因為誤以為我走團唔再番，誤會我走團係因為唔鍾意佢，所以就發脾氣做出一Ｄ小動作黎報復。

 

櫻花聲稱自己多野做，所以打戰隊既時候會掛機，但係我可以話俾大家知我用ＴＥＡＭＶＩＥＷＥＲ同佢控機整ＡＶＡ果時，我好清楚了解佢做緊咩。

佢所謂既無時間，唔係要打理家頭細務，都唔係要溫書做功課，而係玩網頁遊戲。

佢唔單只係無野做既時候打，連ＡＶＡ打團戰都要停切換視窗去玩網頁遊戲，所以大家成日會見到佢明明ＬＯＡＤ左入ＧＡＭＥ但係仲會係度掛機／無反應。而櫻花所講既ＬＡＧ機，卡畫面，就係因為佢不停切換視窗令到記憶體負荷唔到所以撞機(HANG機)。　我多次提醒　櫻花，希望佢可以用全屏黎玩ＡＶＡ，令佢可以更加專心同暢順去玩AVA 團戰，但係櫻花堅持要用視窗化黎執行ＡＶＡ，我詢問其原因，而佢既回答令我頗失望：「我彈左出桌面入唔番ＡＶＡ」

彈出桌面呢個動作，相信大家或多或小都知道原因

我唔想多花唇舌，簡單地講有　2大可能性:

1. 跳出桌面以留意即時通訊軟件 (e.g. RC, FB, MSN, etc.)

2.執行或處理其他程式/工作/遊戲 (e.g. 網頁遊戲, FB Game, etc.)

以理性判斷，俾屋企人要求處理家務應該唔需要彈出桌面處理吧！

最後，我一向都唔會歧視玩得唔好既人，只鄙視不求進步既人。

以下係櫻花出言中傷同埋誣蔑我既截圖以方便參考：