憎恨!唔會在對女好!大家入面評論下我有乜做錯

yuethoi123

有一句說話:以後同自己結婚既人,一定唔會自己最鐘意既人.
我開始明白!
我一心一意去對一個女仔..最後得到既就係一生既憤怒!乜都冇!

我對佢既付出唔多唔少都應該對我好少少la.但從頭到尾都係白廢心機

我係美國識佢!大家都係住host..但佢果個host超差.我個host超好.
大屋餐餐大魚大肉..日日帶我出街食..一次我問我host比唔比我女朋友入黎住
佢話唔比..因為唔比男女住一齊..最後我搬走..把對我咁好既host比左佢!
我就搬左去一個地倉電房到住!如果我屋企人知殺我都似..
果到又舊又多虫.算了!之後佢日日都要去行街買野..
唔買野比佢又唔開心..又話我唔愛佢又話點.
最後佢要乜我都買比佢.乜野名牌都買比佢.之後佢話返學好遠..我就買埋車送佢返學
到左暑假!佢冇得返中國!佢要去紐約搵佢阿媽..叫我陪佢去
我係香港既朋友個個等我返黎去旅行.有d重等我返黎去北京睇奧運
我屋企人叫我返去同佢地去日本!
但我都冇返去!同左女朋友去紐約住.訓廳!
係美國香港我都可以住大屋訓大床.食好,住好..但我都冇選.選左同條女
但最後先知比佢玩!佢鐘意唔係我..只係當陪襯.係美國佢冇人陪.只係當我係陪襯
一次我睇到佢電腦佢之前男朋友既留言..之後心動去睇..原來佢一直都等緊返去見佢
一直都冇鐘意過我!一直利用我幫佢返去!
我發世!以後都唔會在對女好!玩完就算!做壞好過好!最起馬唔會唔開心!
要愛一個人唔好放十成去愛..1成就好la!唔係就會好似我咁!最後只會喊!

大家話la我重有乜唔夠好!係唔係做錯左好多!定係我真係做左傻仔!

迷雪雪

問題出係個女仔到, 我覺得你唔需要為左一個唔珍惜你的人,
去錯過真正愛自己的人, 你說對了, 愛一個人係唔應該太過遷就的,
遷就過度就會變成寵壞種壞, 因為對方已經覺得你對她的好,
係理所當然, 更會變本加厲!

俊仔169

唔買野比佢又唔開心..又話我唔愛佢又話點.

已經知佢係一個咩人啦~!!

幽助

我都係過來人~......當今次係經歷....係教訓~唔好比自己做第2次傻仔~
不過有陣時都知講易......

Kurt-軒仔

一個女仔一定要有物質先開心.. 我可以100%擔保..佢係唔會比出真心去愛的女仔!!

宅米

個女仔係唔好既, 算啦! 當係一個好好既經歷囉, 依個經歷可能係你找尋下一個幸福既經驗呢?
而你話做壞不如做好, 個人認為啦, 你本性係點就會係點, 太過刻意因為依次事件而改變自己,
我覺得痛苦果個唔係果個女仔, 而係你自己, 何必要咁樣虐待自己個本性呢? 傷心就一定架啦,
吸取教訓, 學會唔好麻木地遷就對方, 學會理性, 有時唔洗遷就對方, 反而要平心靜氣,
老實地告訴對方既短處(當然長處就更加要講啦), 如果係一個真係想同你一齊既人, 一定會接受,
咁樣先係兩個人長久既相處之道

yuethoi123

喊左..好想打佢..

♂》笨笨=超〞▊

愛一個人根本就係盲目的...
如果你每一段戀愛都係咁樣諗....唔全情投入...
我可以話你知...呢段咁既愛唔會開花結果..
如果人可以控制放幾多感情落另一個人度....
呢一個版...就根本唔使開..
樓主
唔係每個女仔都係咁~下次識女仔要相處耐d先好同佢一齊啦

小草蛋

如果你真係甘為得個女仔,, 你... 的確係好仔! 好男友!

個女仔錯在晤識珍惜你!!

但是,或者人真係,,得晤到既野永遠都覺得係最好的!..

kenfai680

上面都好多人開解你lu~~
我都唔講咁多~~~
但願你可以搵到愛你ge人la~~


ps:你都要愛佢先得架

影之狂龍

我覺得愛情唔係重於收穫幾多

你有付出就夠了

問心無愧的愛過就已經足夠了

呢個世界 好多野都係..付出遠比收穫既多

但係如果你真係愛佢 而家就唔會咁樣

愛情冇岩定錯

只係一種感覺

也屬福氣 你有既話 就係你既福氣

願樓主可以抽離這個憤怒既陰影

ktszf

原來你係有錢仔,
大把大把車落條女到先好散/.\..
咁對你~..唔死都無用,賤女人\./

迷雪雪

原帖由 影之狂龍 於 2008-9-13 12:38 PM 發表
我覺得愛情唔係重於收穫幾多
你有付出就夠了
問心無愧的愛過就已經足夠了
呢個世界 好多野都係..付出遠比收穫既多
但係如果你真係愛佢 而家就唔會咁樣
愛情冇岩定錯
只係一種感覺
也屬福氣 你有既話 就係你既福氣
願樓主可以抽離這個憤怒既陰影

無錯, 愛情無話邊個付出多D, 亦唔一定會有咩收穫,
因為愛係無價, 付出同努力應該係相方的,
彼此珍惜同欣賞既相處之道, 得到平衡點係好重要!
每段愛情成長好同壞, 都會令人更加成熟,
為著下一次戀愛而變得更完美!
所以真的好希望他能快些脫離傷痛和陰影!

720商人

咁慘.....我都試過 so一直唔會拍拖

牙月﹏-}}}

sUp樓主尒的-)'''
別這樣吧...條女的確是貝戔的`
但你E+為佢吾開心-)受傷果果咪又係你...
對佢1D影響都冇`-)
開心D吧0____0SuP`

wong107

你要知道你家低好都不一定會每次遇到真愛的

www31578

樓主,唉,我都覺得你好慘,你咁幫佢,佢咁對你,但唔希望因為呢件事令到你改變,你只要做好你自己就夠

差差BB

個女仔 好有問題 = =
不過我絕對明你咩心情,,,
只能夠說,,,
你今日有幾恨佢,,,
當初你就有幾愛佢,,,
算啦,,, 過去既 由佢啦 ,,,

miyuki9394

雖然你的確做左傻仔
但願者上釣
你都唔好自暴自棄
當我知道左我男朋友原來係一直都呃我既
我咁信佢 佢好多野都瞞住我同佢ex來往
雖然我好任性
但我一直都冇變過心
我好嬲佢  但同時都好開心 因為分手唔係我做錯
係佢唔珍惜我 我再難過 都會好的
你都係 唔好咁傷心 因為你仲會有更好的人等你遇到
唉.............

-正宗-

好老實咁講,,你的確真係好傻

除左老婆老母之外,你唔雖要對任何一個女性咁好.

但係你又試諗下,唔係天下女性都係咁.如果將來你拍拖只放一成感情落去

比個女仔知道左可能同你而家既情緒一樣,,究竟呢個女仔值唔值得你咁做.錢銀事小 人格事大

如果為左佢連自己對愛情既觀點都改埋,,你自問係咪真係值得